一町目日本料理 (已結業)

又在家附近發掘好吃的地方, 就是未來過這家平常看來像是重門深鎖的日本料理。 想不到的是, 它在這裡是有不少好評的啊! 早些日子特地走來看看, 午間的客人坐滿整家小店, 看來也真的不是浪得虛名的呢。結果, 有一天終於可以一早來到 (OK, 人家都要 12 點才開門哪)。此時也已有幾桌人就座了, 而我就坐壽司吧。主理人跟另一位師傅是本地人, 通常第一次去港式日本料理我都不會點壽司的, 而且這天天氣寒冷, 還是吃熱食吧。午市定食有火鍋供應, 牛肉火煱有不少人叫, 好像過橋米線般有層油在面上, 所以下面的湯不用火也可以灼熟牛肉了。不吃牛肉的, 也可選羊肉。我嫌吃火鍋麻煩, 點了最安全的豚肉生姜燒定食 ($42)。定食配套齊全, 麵豉湯和漬物少不得, 主菜的薄片帶少許肥肉的豚肉片才是驚喜, 吃到卜卜脆的豬軟骨呢! 甜甜的重味醂洋蔥醬汁, 很好下飯 。飯該不是珍珠米喇, 但難得熱辣辣的, 食完即刻暖哂! 甜品當然是雪米糍啦, 但芒果味的又真的比較少見喎。初次印象不錯, 又見到大家都推介這裡的壽司定食 ($52), 另一次再來吃這個。壽司定食主理人和小師傅分工合作, 合力泡製, 不久便有得吃了。健談

今日係炮台山做完野，沿住電氣道一直行行行，鬼咁肚餓，只係想快D坐低食個LUNCH，見到呢間日本野午餐幾平，好似幾好咁，就入左去啦。Lunch有多款選擇，價錢由四十幾至九十幾不等。我有兩樣野想食，第一個係牛肉火鍋，第二個係壽司定食，最後我選擇左後者。等左大概10分鐘都唔駛就有野食黎啦。原來壽司定食有碗烏冬跟。個烏冬個湯幾好飲，清清地，相反個烏冬就一般啦，唔彈牙，無咩口感。但個壽司定食幾好喎，有大概十件到，賣相都幾靚呀。刺身解凍得剛剛好，好多時刺身解凍得唔夠好難食，而且佢D刺身亦都算肥美，真係唔錯。個人覺得大部分都好食，例如瀨尿蝦，三文魚，醋鯖魚等。油甘魚最正，又肥美又甘香，唔錯! 個玉子都唔差架，佢唔會過甜，而且佢有D醬汁，食落去好夾。食完個定食，佢仲有粒糯米糍送添，係芒果味。埋單$52，唔收加一，真係一個唔錯既選擇。我走既時候大概係一點幾，出面都有六七個人係度排緊隊。下次再黎食下佢個牛肉火鍋先。=)