Hokahoka

营业中

休息中

星期六嘅中午想同朋友食飯，之前已經想食喱間餐廳，唔想排隊所以一早book位。餐廳電話成日都打唔通… 不過可以其他通訊APP訂座，其實仲方便，溝通又清楚d。餐廳環境好舒服，好適合三五知己小聚。嘢食方面，因為係午市，所以食物選擇唔多，多數都係定食。叫左壽司定食，跟餐有沙律茶碗蒸同麵豉湯。上菜好快，沙律嘅菜好新鮮好爽；茶碗蒸料唔多但蛋好滑；麵豉湯食到尾有少少咸。食物都幾好味，壽司唔加豉油都好夠味。值得一讚嘅係，我地食晒之後繼續傾計，侍應都有繼續幫我地添水，完全冇唔耐煩。可以同朋友好好傾下計。整體嚟講，餐廳質素上佳。

天氣炎熱 唔想食熱辣辣食物 麻甩佬建議去食日本野清清地 搭小巴落尖沙咀 醒起好時中心間日本野 之前食過晚餐 有唔錯印象 即刻叫「麼地道」有落！我地1：15 到餐廳 因為2點落場 所以店內已經唔太多人 星期六日都有set lunch 好多款㨂 大概$60-$100我叫左壽司定食($80) 因為唔食得蝦 落單時 問侍應小姐 可唔可以唔要蝦 侍應小姐話會叫師父安排 師父好細心 安排全部都係魚 好窩心 魚好新鮮好厚身 冇筋 飯唔係渣得好實 不過玉子甜左少少 而沙律都好新鮮翠綠同好爽，dressing酸酸地 好開胃 便當($85)有好多款食物: 漬物,炸蠔+炸薯餅，天婦羅, 三色刺身, 厚燒玉子, 湯 整體唔錯 食材新鮮 最好味名係厚燒玉子 因為呢款係咸 同埋仲熱辣辣 炸物亦有驚喜 粉漿唔太厚  唔會太油 炸蠔唔會太乾身兩人埋單$165 食物質素唔錯又新鮮 員工都友善 體貼