米線陣 (樂富廣場)

营业中

休息中

今次已經唔記得係第幾次去食啦真係忍唔住要寫一寫佢就係大汗豬扒擔擔米線非常適合近期天氣凍去食落單後，通常米線都會比豬扒早小小上因為豬扒都係即叫即炸所以先講講米線嘅部分湯底以咸味為主，當中帶好微嘅辣味另外還有花生嘅麻香面頭仲有幾條鮮莞茜為原本重口味嘅湯底加添小小清新米線軟滑帶有小小煙韌配上小小花生碎同雪菜點綴令人食唔停口呢個時候，豬扒要上場啦佢並唔係吉列炸法表面會有D一粒粒嘅脆漿咬落真係會有shokshok聲里面嘅豬排肉質鮮嫩多汁啖啖都咁有咬口，感覺好充實而炸豬扒嘅調味料主要係辣椒粉同小小辣椒子但亦都唔係話非常之辣以我只可以食到譚X10小辣黎講仲可以接受得到最重要係佢嗰種香同辣係會令人不禁流口水同埋下次一諗起又會想再食。

香港人其實都真係幾鍾意食米線，好味又食得飽之餘，價錢都相當便宜，所以米線一直都好受歡迎。每次係放飯時間去，都會見到米線店鋪門口有一大堆人拎住飛係到等。所以，對於身邊有朋友好抗拒食米線，我真係甚或不解，不過其實都係各有所好姐。XD今日搞完活動都已經六點，我已經覺得好肚餓啦！諗起晏D仲要開會就更加擔心自己開開下會餓得制，血糖低，然後會訓著咗，到時如果有人發現就唔好啦！咁啱朋友表示返到屋企冇飯食，想搵飯腳。我心諗︰開會都唔知開到幾點，不如食D野打下底先！（係！只係打下底～夜晚會再食野！^^"）於是乎，我就捨命陪君子，決定陪朋友一齊去食米線。由於時間尚早，完全唔駛等，一入去就已經有位啦！有選擇困難症既我望住份MENU又要諗食咩啦！不過今次好快就諗到食咩lu！平時黎食，通常都只會食米線＋餸配蕃茄湯底，見到身邊朋友叫大汗豬扒擔擔米線，自己都好想試，但係個名講到大汗，感覺會好辣，所以一直都唔夠膽叫。不過又會係朋友食完之後問佢地好唔好食，朋友既回常都係答好食！所以今次見自已袋入面有支水，又一直心思思想試下，咁就叫咗大汗豬扒擔擔米線！落完單等咗一陣，碟大汗豬扒擔擔米線終於上枱啦！豬扒同米線分開上，咁樣就

車爸爸悠長假期第十五天我哋走去樂富做點事,辦完後下午茶時間走咗去米線陣吃我喜歡的米線,早餐也未吃的我倆餓得見什麼也想吃,最後叫到一檯都係,可幸最後都清了九成hehe~ 到埗時已二點半多但店內坐滿客人,好彩取票後只等了約3分鐘便有檯了^0^ 餐廳裝潢挺骨子,地方清潔,用上開放式廚房,而最正係冷氣超足這點我很在意,因為車媽媽本身係火爐一個好鬼怕熱架!! 這兒的選擇超多,有熱葷小食啦,有特色嘅涼拌還有菇菌時蔬添。而米線亦都同阿乜哥一樣，選擇咗湯底後可以隨意選自己喜歡嘅餸菜，仲有唔同嘅辣度選擇添！唔想傷腦筋嘅仲可以選擇佢地嘅皇牌套餐，有米線先啦又小食仲有飲品添。本來勁想試最特别的凍青瓜豆漿，可惜太好賣已經售罄！最後我哋揀咗青檸柚子梳打同埋芒果鐵觀音。{青檸柚子梳打}原價18元， 我哋叫咗一份皇牌套餐所以係跟餐嘅,梳打都算夠氣,而味道也清新來配合辣食最好不過啦！先叫兩份涼菜食下先^0^{麻辣拍青瓜}$12 係車爸爸最喜歡食的涼菜,青瓜很爽口始終喜歡吃拍出來的,味道帶幽幽嘅麻香辣味不算太過強勁,所以車爸爸食得好開心。 {雞絲粉皮}