LA FAMILLE

营业中

休息中

呢間舖頭嘅蛋糕一直喺我心目中嘅首選，皆因價錢合宜，種類多得嚟外觀夠精緻，有時買嚟做生日蛋糕或者送俾人都係唔錯嘅選擇。而我最鍾意佢，亦係佢同其他舖頭存在分別嘅地方係，佢用戚風蛋糕，食落熱量較低，口感冇咁膩，相對輕盈。近排見佢多咗好多種類，於是決定喺生日月用佢嚟做生日蛋糕，試下佢岀嘅新口味先♡✎ 泰式奶茶 戚風蛋糕口感軟綿，整體奶茶味道勁香濃，亦好有泰式風味～而蛋糕裡面加入咗忌廉芝士，口感更顯豐富，層次提升。鍾意飲泰式奶茶嘅人值得一試呢款！✎ 玫瑰荔枝 呢款蛋糕充滿浪漫嘅氣息。頂層鋪滿酸酸哋嘅荔枝果凍同埋荔枝鮮忌廉，荔枝味濃郁，另外亦搭上幾粒士多啤梨，整體感覺偏酸，幾開胃，口感配搭適宜，食耐咗唔會覺得膩。✎ 香濃開心果表面係脆皮面，而頂層亦灑咗啲開心果雜粒，口感多變。蛋糕中間同樣加入開心果忌廉，淡淡開心果味，整體味道較甜膩。✎ 大甲香芋黑糖麻糬濃郁嘅香芋味。蛋糕頂層有幾粒略酸嘅藍莓，而鬆軟嘅蛋糕裡面有香芋忌廉同滑溜Q彈嘅麻糬，驚喜十足˃̵͈̑ᴗ˂̵͈̑

𝕃𝕒 𝔽𝕒𝕞𝕚𝕝𝕝𝕖每次行過都比佢啲靚靚蛋糕吸引最欣賞就係佢最細細個，岩哂咩味都想試又有選擇困難嘅人😜除左吸睛，食落每個威風蛋糕都好輕盈鬆軟，入口濕潤唔乾😌伯爵夫人 ($64)難得有比較少見嘅lady grey 做蛋糕，點都要試下個樣望落就已經夠哂elegant蛋糕茶味清香，充滿左柑橘同檸檬嘅香氣，面頭仲有果凍粒點綴係清香優雅之選呢😌日本日向夏蜜柑 ($64)面頭鋪滿色澤飽滿嘅蜜柑，仲有金箔點綴添蜜柑嘅香甜配上法式檸檬醬同意式香草奶凍，食落酸酸甜甜，夠哂清新refreshing 🤩果然係夏日之選🏝大甲香芋黑糖麻糬 ($64)蛋糕入面有香芋忌廉加上芋頭顆粒同黑糖麻糬，口感豐富芋頭用左香甜嘅台灣大甲芋頭，麻糬軟糯亦夠香😗香濃開心果 ($67)外層係開心果朱古力脆皮，入面充滿開心果，多重口感加上香濃開心果味，夠哂過癮😆

在父親節，怎麼能錯過感謝父親一整年的辛勞的機會呢？所以父親節蛋糕絕對是父親節必須品之一😂所以今日去APM買咗幾款不同口味嘅戚風蛋糕，同屋企人一齊開心Share！🎂La Famille嘅戚風蛋糕食落輕盈鬆軟，而且款款都十分IGable#大甲香芋黑糖麻糬 💜以香濃台灣大甲芋頭製成，而蛋糕中也有芋頭顆粒，口感不錯😂#香濃開心果 💚 以開心果口味嘅朱古力外層包住開心果味蛋糕#英國伯爵茶 🤍 淡淡茶香，不會太甜！最能食到戚風蛋糕嘅淡淡口感#沖繩黑糖栗子 🤎鐘意栗子又點可以錯過滿滿栗子蓉塔，加埋沖繩黑糖甜味不錯