大都淮揚中菜 (已結業)

又到左一年一度食大閘蟹嘅季節！今日經朋友介紹之下，我同女友嚟到大都淮揚中菜廳，餐廳現正推出$498大閘蟹餐( 服務費及茶芥另計），事不宜遲即刻評論以下套餐嘅七道菜式🔥落完單之後職員就送上水果，不過未食主菜之前食水果有啲奇怪🤣- 燈影魚片、冰宮肴肉前菜有以上兩款，冰宮肴肉口感好得意，層次豐富。至於魚片香脆，甜甜地兼有少少痴牙。- 雪燕菊花豆腐羮估唔到豆腐都可以切得咁細緻，變成一朵盛開既菊花。作為藝術品味道已經係其次，精湛既刀功令人讚嘆😯- 蟹粉小籠包湯包外皮晶瑩剔透，薄身但唔易穿。肉餡包含充滿蟹肉蟹黃蟹膏，所以蟹味非常香濃。- 大閘蟹終於到咗今晚嘅主角，就係「2皇1后」，總共3隻大閘蟹！大閘蟹公約重5両，大閘蟹乸約重3両半。無論蟹公定蟹乸，蟹膏都係非常多。蟹乸既蟹膏偏橙色，口感比較結實。至於蟹公既蟹膏相對黏口😍食完一公一乸之後，餐廳會提供薑茶，暖胃之餘更有散寒嘅作用。- 雪裏紅手剝鮮蝦鮮蝦本身鮮甜無比，雪菜為菜式加添鹹香味，味道更豐富。- 原隻鮑魚蔥油撈麵鮑魚配撈麵非常浮誇，飽魚彈牙，而且幾入味。醬汁份量適中，所以麵條唔會太乾。- 薏米湯圓最後仲有甜品！芝麻湯圓軟糯煙韌，薏米同樣煙煙韌韌

講到食大閘蟹，大都淮陽都係一個好多食客會去嘅餐廳，除咗食物美味，餐廳環境寬敞、格調高雅。今年大都淮揚就推出$498大閘蟹餐（兩位起 ，需要另加加一服務費和茶芥），就品嚐到兩皇一后、一共三隻大閘蟹同淮揚美食「燈影魚片」、「冰宮肴肉」等特色小菜，仲有陳年彫皇。餐廳指佢哋嚴選「黃毛金爪」高質靚蟹，隻隻鮮活多。大閘蟹公約重五両，大閘蟹乸約重三両半。喺食蟹之前，先品嘗特色淮揚美食：燈影魚片・冰宮肴肉、雪燕菊花豆腐羹、同埋蟹粉小籠湯包。燈影魚片・冰宮肴肉燈影魚片薄而透光、面頭有點糖漿，入口香脆可口：冰宮肴肉口感有彈性又有滑嫩感。雪燕菊花豆腐羹絲絲被切開嘅豆腐喺清澈嘅湯中漂浮，精緻程度完全唔似係用豆腐做出嚟，再加上具有美白、補充骨膠原功效嘅雪燕、整個湯羹俾人一個好清新嘅感覺。蟹粉小籠湯包蟹肉同豬肉比例剛好，小籠皮薄汁多，味道咸鮮。咬開來濃濃的蟹味，皮薄如紙，湯如泉涌，好正。終於到大閘蟹出場喇，隻隻大閘蟹都勁爆膏，公蟹蟹膏黃油超多；而蟹后仲有更香，大大塊蟹膏係外殼入面。隻隻蟹都鮮活多膏，而且熱辣辣咁上，保證剛剛蒸好就即刻上。餐廳會就住你食蟹嘅快慢而大閘蟹（第一輪蟹公+蟹后、第二輪蟹公），咁就唔怕啲蟹凍