金子半之助 (新都會廣場) (已結業)

-{連鎖天婦羅🍤🇯🇵}🤤天丼🤤 ($98）有天婦羅蝦 豆 温泉蛋 菇 魷魚餅 最欣賞隻蛋！咁流心之剩都有炸皮圍住😙啲蝦都夠新鮮☺️但啲豉油浸左係底有啲啲鹹😌不過啲天婦羅夠脆☺️同埋啲料好豐富😛整體份量好多🤓面頭啲柚子皮可以解油膩感🥰珍珠米有米香😍👖褲評: 8/10終於俾我試到🙆‍♀️總結質素都幾好！係冇lunch set有啲可惜性價比: 7.5/10服務: 8/10環境: 8/10🚩金子半之助🚩地址: 葵芳興芳路223號新都會廣場1樓107-108號舖

同朋友無無聊行行下新都會 突然見到有間金子 記得之前去台灣好鍾意食 於是入去試下啦 大概等左10分鐘.一坐低環境幾好 可以望住師傅整嘢. 食物唔錯 炸物有口感 其他地方食唔到呢種味道見師傅好用心咁製作每一位丼飯👍下次黎葵芳的時候一定會試下其他食物試過咁多間分店 呢間分店食物依然保持水準.不過希望可以增加多D小食之類啦哈哈😄另外值得一提炸蝦係非常好食 咬落去唔覺有太多粉 呢樣係做得幾好的 仲有個尤魚餅 超有口感 炸蛋做得最出色

喺東薈城食過，印象中都唔錯，今日一個人經過就去獨食啦~上次食過嘅炸菇實在太驚艷，所以今次一樣要咗個天丼，但成品同另一間鋪差好遠。個餐一嚟到啲天婦羅已經唔係好熱，亦都淋淋哋唔夠脆口，第一件當然食咗我期待已久嘅炸菇先，唔夠熱又軟淋淋，索曬啲油搞到非常油膩，令人好失望整體好一般食到好濟。尤其係個天婦羅蝦，隻蝦好硬，入口係一大舊軟淋淋嘅粉，咬多2下就係隻好老嘅蝦個隻粉粉哋嘅口感。見到呢到咁多劣評都唔係無原因，如果大家想試去其他分店可能會開心啲。

封咗關咁耐，差唔多成兩年幾冇去過日本留喺香港冇地方去，只可以食日本嘢解下思鄉之情🥲日本過江龍「金子半之助」喺日本曾經連續五年獲得全國天丼金賞🏅，先後喺唔同國家都開咗分店不過好多過江龍嚟到香港之後，都會「本地化」做唔到日本嘅味道，質素下降本着白老鼠嘅心態，即管試一試啦今次我叫嘅就係「天丼」🍤賣相幾靚仔，唔會望落油光滿面咬落去，都鬆脆嘅，略嫌啲粉厚咗少少配埋飯同醬汁食，啱啱好見到有啲評價話覺得好油膩，好彩我嗰碗冇乜咁嘅問題，當然係要配埋飯食嘅情況啦😅如果齋食就點都有少少㗎啦食材還可以啦，特別一提個炸蛋🥚咁樣整好好食，咬落去啲蛋黃爆出來💥，加埋醬汁撈飯總括來講，你話佢做到日本個質素就冇乜可能㗎啦，始終食材唔會全部喺日本嚟但對比香港嘅天婦羅，呢個價錢（$200內）佢算係高質素㗎啦平平哋想食啲唔錯嘅天婦羅，呢間絕對係推薦之一

日本人氣天丼專門店「金子半之助」早前於葵芳開幕！主打日式天婦羅丼飯。還記得開幕果陣日日都排長隊，經過幾次都食唔到。直到開幕後幾個月再加上疫情關係，終於都見唔到條人龍了。唔洗排隊直接進入舖頭，可以試試它的味道。一入座就有熱辣辣既黑豆茶飲，黑豆味又香又濃，暖胃之餘仲可以清一清天婦羅既油膩感。由於我對魚類麻麻，所以就揀了「天丼」。配料有菇菌、海老、小柱魷魚、溫泉蛋、海苔、莢豌豆等……大大件天婦羅，賣相都幾吸引！餐廳有教你正確食天婦羅丼既方法，不過我就鐘意用返我自己既方法黎食啦！一開始就將所有天婦羅放在別的碗內，再將丼內的半熟流心蛋戳破來伴飯，加上七味粉，一邊食飯一邊食天婦羅，特別開胃，好快就食曬啦~

在日本獲得日本全國天丼金賞多年的金子半之助登陸香港超過一年，窩夫與蝦子餅日前才有機會光顧，未能去日本旅行的日子，唯有「食咗當去咗」。金子半之助供應三款天婦羅丼飯，貴精不貴多，「江戶前天丼」是其中一款。另外兩款為「上天丼」和「天丼」。還有一款迷你天丼配稻庭烏冬。點餐後先喝一杯黑豆茶，每杯分配兩粒黑豆，窩夫與蝦子餅兩杯合起來才有四粒的。參考食法教學，丼飯裡有一隻半熟流心蛋，餐廳建議吃到一半時才戳破雞蛋以蛋汁撈飯。蝦子餅點了江戶前天丼($138)，最搶眼的是長30厘米的大尾穴子，配上有超過100年歷史的秘製醬汁，味道很好。窩夫則點了天丼($98)，配料有菇菌、海老和小柱魷魚天婦羅餅等，小柱魷魚天婦羅餅的魷魚粒超大粒呢。天婦羅用日本特製的胡麻油來炸，為天婦羅增添了一份麻油香。

好耐都無去葵芳行街，見到好多餐廳都面目全非，經過見到呢間專食天婦羅既日式餐廳，入黎試下，一解對日本既思念🥺餐廳內走簡約日系風格，客人唔算多，只得兩三枱客。呢到既茶係黑豆茶，杯入面有幾粒黑豆，店員話係解膩聖品喎🤪如果叫烏冬既話佢會比個木盒仔你揀配料。炸物包括：鱚，海老，雜錦海鮮餅，半熟蛋，荷蘭豆炸荷蘭豆真係第一次食😂又唔錯喎！仲有粒炸菇都好食，咬落去好Juicy!炸物包括：穴子，海老，雜錦海鮮餅，溫泉蛋，海苔，荷蘭豆同$98既天丼比最大既分別係條魚，但要比多$40我會推薦$98天丼多啲！呢到既炸素食比炸海鮮好食😅性價比一般，醫下口痕當自己去左日本都可以接受既😂

係香港 咩國家嘅菜式都可以食到 真係開心 不過我最中意都係食日本菜😋金子半之助係日本第一天丼 主打只有三款丼飯 制作嘅時間大約需時15分鐘 餐廳比較注重出品嘅質素～.👉🏻天丼炸物有天婦羅、魷魚、温泉蛋、菇同海苔粉漿用左日本出產嘅小麥粉 食落去個口感好輕薄 酥脆😈.食丼飯食到一半個陣 整穿個温泉蛋蛋汁滲落去日本飯粒 飯粒好濕潤 好好味！醬汁仲出色 用左百年祖傳秘方醬油採用純天然大豆 味道温和 鮮甜😳.每人仲可以飲到餐廳免費嘅黑豆茶 可以減低食炸物嘅油膩感聽講仲可以美容養顏 好處多多——————————————金子半之助Kaneko Hannosuke葵芳興芳路223號新都會廣場1樓107-108號舖

今時今日食日式丼飯都係個唔錯嘅選擇，一人一碗減低交义感染風險呀嘛！天丼 $138食材包括穴子、蝦、小柱魷魚餅、魚、半熟蛋、海苔。價錢唔平，但還好配料非常澎湃！穴子屬於「星鰻」嘅鰻魚品種，外形比用嚟做鰻魚飯嘅幼細好多，味道亦比較淡口，肉質亦冇鰻魚厚實，不過口感嫩滑。長約30cm絕對係此天丼嘅最大賣點！小柱魷魚餅係哩度自家食譜，細小元貝混合魷魚粒一起炸成天婦羅餅，彈牙口感配上酥脆炸衣，非常好味！炸半熟蛋更加考功夫，丼飯食到底時先擠爆蛋槳，讓蛋槳混和餘下米飯，就算食到底都唔怕單調！天婦羅丼醬汁先係靈魂，哩間聲稱係用百年秘方，比食慣嘅天婦羅醬汁略為濃，甜鹹度適中，送飯一流。

呢間餐廳主打3款日式天婦羅丼飯，已經連續5年獲得日本全國天丼金賞🏵用料非常講究，除咗用日本產地直送嘅新鮮漁獲外，仲用日本製小麥粉同日本雞蛋調配成天婦羅麵炸漿，炸油係日本特製嘅胡麻油，所以入口麻油香氣立即四散，餘韻悠長🍤💗江戶前天丼($138)一碗有齊兩隻海老、一塊帆立貝魷魚天婦羅餅、一隻溫泉蛋、一塊海苔、一條莢豌豆，十分豐富。 海蝦外皮口感鬆脆無比，內𥚃爽口鮮味🦐；帆立貝魷魚蓋上薄薄炸漿，彈牙富嚼勁，帶鮮甜味，悲傷小姐最鍾意呢款煙韌嘅組合🦑；炸野菜冇千年油味，依然清新爽脆🥬戳破半熟流心蛋，蛋白外皮脆脆地，食落滑溜帶少少彈性，用蛋汁撈飯充滿蛋黃嘅甘香，口感濕潤🥚穴子則係星鰻，相比起一般嘅鰻魚，脂肪含量較少。魚肉含豐富蛋白質，油脂豐盛 ，軟嫩無骨。食落更甘口鮮甜，炸後酥而不膩。而且足足有30cm，同悲傷小姐嘅前臂差唔多長，份量十足🐟💗天丼($98)每個套餐都包括：味噌湯味道正常發揮，有少量海帶同豆腐粒🍲；漬物中蘿蔔同牛蒡嘅醬菜好爽脆，微酸嘅感覺搭配炸物可以解膩🥙；仲黑豆茶消滯，茶味香濃，甘香唔苦澀🍵最具特色地方係用咗「115年祖傳秘方醬汁」 👴🏼由天然大豆、 芝麻等食材，以低溫慢火熬12小

新年前來到葵芳逛逛街晚餐選擇了過江龍的天婦羅丼飯我叫的是最平的天丼 ($98)有舞茸、鳳尾蝦、帆立貝魷魚天婦羅餅溫泉蛋、海苔，莢碗豆 十分豐富的😋食到一半便要篤穿溫泉蛋 撈埋裡面嘅半熟蛋汁口感 香氣及層次一次過提升👍🏻而MY BOSS就叫左上天丼 ($118)有特別的鱚魚 口感十分嫩滑😊套餐包括味噌湯、漬物 同黑豆茶特別係黑豆茶可以幫助解膩消脂呀👍🏻-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

响香港嘅日本料理店，菜單上丼飯、拉麵、烏冬、鐵板燒、天婦羅乜都有，同茶餐廳差唔多。其實响日本好少咁雜嘅餐廳，佢哋一般都係專門店；拉麵店都只有拉麵，烏冬店只賣烏冬，天丼都只有天婦羅…… 專心做好一件事。今日難得嚟到香港罕見嘅天丼專門店 - 金子半之助，心情好興奮。因為一早就嚟（11：30am），所以唔駛排隊就可以入坐，人流唔多坐得好舒服店內只有三款天丼 - 江戶前天丼（$138）、上天丼（$118）、天丼（$98）。每碗即叫即炸，獨立製作。保證上枱時熱到出煙。天丼天婦羅蝦2隻 ＋ 紫菜天婦羅 ＋溫泉蛋 ＋ 小柱魷魚天婦羅 ＋ 舞茸菇天婦羅。 食材全部新鮮，裏住薄薄一層粉漿，又香又脆。炸舞茸菇最好食，外脆內爆汁，好似食緊一大嚿肉咁！熱辣辣嘅天婦羅淋上特製嘅醬汁，餸飯一流。江戶前天丼天婦羅蝦2隻 ＋ 紫菜天婦羅 ＋ 溫泉蛋 ＋ 小柱魷魚天婦羅 ＋穴子（星鰻）。大部份配料差唔多，只係多咗一整條星鰻，星鰻身形比鰻魚細好多，但肉質厚身細嫰，蒲燒，油炸都好好味。天丼嘅飯量唔係肉眼見到咁多，只有普通飯碗咁上下，加埋味噌湯，配菜，黑豆茶，已經非常滿足飽肚。服務方面店員好細心 - 介紹杯中嘅黑豆茶可以化油

好耐好耐冇食過日式丼飯，係葵芳行行下見到有間幾吸引既日式丼，二話不說就入左黎食！充滿日式餐廳氛圍，客人一入餐廳，在場店員都會以日語表示歡迎。興幸我地早左黎，因為再晏啲就好多人。呢間係日本第一天丼過江龍，8月中先岩岩開幕，！Menu 款式唔多，只有三款天婦羅丼飯選擇，同朋友分別嗌左江戶前天丼同人氣爆登既天丼。每位客人都會配贈黑豆茶，幫助解油膩感，茶味香濃，甘香唔苦澀，唔錯！朋友嗌既江戶前天丼，食材包括有穴子(鰻魚)，海老，魷魚天婦羅餅，溫泉蛋，海苔，莢豌豆，另配漬物及味噌湯鰻魚既份量比想像中大好多好多，已經長到超出碗既範圍，見朋友食得津津有味就知一定掂！天婦羅式製作，改善左鰻魚原本既皮下脂肪既油膩感，變得鬆脆美味，愈食愈過癮。天丼，食材包括有舞茸，海老、魷魚天婦羅餅，溫泉蛋，海苔，莢豌豆，另配漬物及味噌湯天婦羅丼一定要襯熱食，時間愈耐炸物既口感都會隨時間改變，所以一定要提提大家～海老，香脆彈牙，仍然保留海蝦既鮮味！店員建議食法：先刺穿將溫泉蛋並融入丼飯中，拌勻一齊食口感同味道更佳。呢個食法真係不得了，蛋漿融入飯粒後，加上原本淋上既拌醬飯汁，令人回味三分，依家諗起都好餓！另一出色天婦羅就係

同貓生睇完戲就周圍行下，食下嚟到葵芳新都會廣場，新開咗間日本過江龍天婦羅店「金子半之助」梗係要試下啦！位置就喺葵涌廣場對面入口，好容易搵金子半之助只賣「丼」總共有三款，分別系江戶前天丼，上天丼&天丼跟住指示完美品嚐美味嘅天丼附上黑豆茶解油膩江戶前天丼-$138有穴子，海老，魷魚天婦羅餅，溫泉蛋，海苔，莢豌豆+漬物+味噌湯天丼-$98有舞茸，海老魷魚天婦羅餅，溫泉蛋，海苔，莢豌豆+漬物+味噌湯全部都好好味，炸粉厚度啱啱好，最欣賞系穴子同海苔食後感我同貓生以前有喺日本橋本店食過，香港水準都好好啊，唔駛再成日心掛掛飛去日本食

新店剛開到新都會廣場，大家都會瘋到去排隊試吓！所以今日我專成响brunch 既時間，正是餐廳剛剛開門就去，希望無其他人甘早去排隊。結果真係順利地直入有位坐🤣餐廳原來無幾多張枱，唔怪得外面擠滿客人排隊，地方太細啦！餐牌嘅選擇其實都好少，只有三款天婦羅🍤丼給客人選擇，其他的都是追加同樣的食物及飲品。天丼有三款，天丼，上天丼及江戸前天丼，價錢亦都分三個不同等級。但都有基本既配搭，有海老，魷魚，帆立貝，海苔，莢豌豆及温泉蛋 🥚。另外附有麵豉湯，同埋少許醃漬蔬菜。稍後同大家講下佢嘅温泉蛋有乜特別😬江戸前天丼係三款套餐𥚃最貴的一款，皆因裏面包括左一個靈魂組合就係星鰻（穴子），不算太肥美，所以食起來沒有太膩的感覺。我本以為全枱都係天婦羅，全是炸物就好難入口，但係可能炸得夠鬆脆，沒有咬入口成口油的感覺，所以又出奇地容易接受☺️反而飯𥚃頭的特別醬汁，唔太肯定是否加了麻油或什麼，還是未有隔妥天婦羅的油分便盛上面，我覺得碗飯仲比較多油🙁另外介紹一下溫泉蛋，同出邊溫泉蛋有所不同，蛋黃嘅外面係由半煎炸嘅蛋白包住。食用教學係用流心蛋汁沾天婦羅，不過⋯seriously無驚喜🤣🤣天丼內都有基本配搭，另外加有舞茸。如果