牡蠣不如帰

营业中

休息中

湊女朋友收工，突然又好想食拉麵見呢間嘢環境又幾好試下呢間啦門口撳紙仔自己等位入到去環境都幾好㗎坐得多闊落㗎由於係第一餐既關係我哋睇下食咩先😌今日呢就叫咗一杯啤酒一杯sake兩個拉麵跟住兩個小食啦第一樣嘢食牡蠣一口飯只好呢做個汁煮咁樣甜甜地幾好食嘅連埋個飯加埋一個用緊個小老闆紫菜呢個人其實食完之後真係會想encall㗎我隻菜好香脆隻蠔又好食，之後到過天婦羅 咁天婦羅呢就配海鹽嘅冇乜特別正常操作呢度梗係要食拉麵㗎啦到個主角隔離有牌介紹個麵係應該點樣食嘅咁跟住去食啦咁佢嗰蠔汁同頭湯唔錯個湯底鮮甜又無味精高分嫁不過面底就差啲啦，會比較淋身同埋冇乜彈性份量呢就女仕就應該夠而我呢。。。就差d不過整體都唔差。可以試下埋單5百幾又唔算貴特別係有位男同事做得幾好。見到佢又會同客人解釋個menu. 對menu既內容都好清晰。而面對客人對食物既意見的態度都非常好

銅鑼灣有新開拉麵，係全香港第一間食蠔湯底嘅拉麵⋯同系嘅拉麵、之前響 IFC 係食貝汁。食拉麵第一件事梗係試吓個湯啦！嘩～好鮮甜！真係可以飲晒咁滯😆 蠔味嘅靈魂就係嗰啲蠔醬，但略嫌不夠多⋯如果再多啲、蠔味會更加突出！另外，我最鍾意佢加咗好多洋蔥粒，仲有紫洋蔥。塊豬肉好淋，好好食另外，蠔嘅小食絕對唔可以錯過！天婦羅正到不得了，粟米天婦羅同明太子釀尖椒係出奇地好食！店員推介：醬漬牡蠣一口飯真係完全冇介紹錯，好鮮味，醬油加一口飯非常美味

我真係好掛著日本🇯🇵呢句講左不下十次。真心，好似久未有去到既日期，真係好可惜🥺 因為我真係想搵好好食嘅拉麵啊🥲未等到飛日本，先迎來由東京發跡嘅牡蠣不如帰💖米之蓮級別拉麵真心要試🤩新店限定牡蠣鹽味拉麵、牡蠣黃金湯、菇燒牡蠣串、蠣泡茶漬飯同埋牡蠣野菜天婦羅，全都以韓國蠔用低溫慢煮製作，keep著鮮味同口感。仲有，佢仲推出全港唯一獨有嘅牡蠣鹽味拉麵🍜 配埋咁bling bling嘅用餐環境，就去試試看吧🥰