樂園

营业中

休息中

因為好評眾多慕名而來，最終有點失望。排咗約5分鐘隊入坐，QR code落單，期間見到有小小強行過。落order揀咗沙嗲牛肉麵、炸豬扒、班蘭咖吔多士、奶茶紅豆冰。沙嗲牛肉麵：麵未煮透，略生硬；牛肉質感較乾硬、沙嗲汁味道不錯，奈何同牛肉係接近完全分開。總括嚟講，同坊間其他沙嗲牛名店截然不同，個人不太喜歡。炸豬扒：味道、質感正常，但不太似名物質素。班蘭咖吔多士：烘得唔夠色，味道正常。奶茶紅豆冰：奶茶底不算突出水，偏淡茶味，有紅豆溝一溝可以彌補到，唔知凍/熱奶茶茶味係咪用同一茶底？

九龍城市政大廈3樓—樂園，係喺九龍城街市頂層嗰個熟食中心，九龍城公共圖書館隔離，九龍城體育館對面。街市衙前塱道方向入，扶手電梯上要多啲耐性，等分零鐘左右。我行咗兩轉先坐得低，佢寫明不設套餐！所以就隨便叫個喊牛肉蛋轉出前一丁，奶茶紅豆少甜少冰，唔使幾耐已經送咗嚟，我仲影緊個餐牌。🍜鹹牛肉蛋丁$35+$5大大塊蛋面內裡拌入碎牛肉，賣相唔錯，味道偏鹹，可以接受🫘奶茶紅豆冰$27除咗因為餐牌上當眼位置，我鍾意飲奶茶又鍾意紅豆冰，叫咗杯少甜少冰，茶苦豆甜幾特別食到一半有人埋嚟搭枱叫埋一樣嘅嘢，睇得出都係慕名而來，老闆見人多開多幾張枱，差唔多有成半個場。溫完書至知來頭不小，勝過鮑心翅肚係蔡瀾題字，送俾老闆。下次嚟記得帶夠現金，免得要走幾轉。

九龍城街市聽講就快清拆重建.街市樓上間《樂園》茶檔.好出名嘅沙嗲牛肉麵及沙嗲牛肉西多士.我哋係之前都嚟過好多次.每次都失望而回.因嗰陣時星期一至五都要返工.只係星期六才放假.因為我哋又住得遠.加上九龍城交通實在唔係咁方便.唔同呢陣有地鐵宋皇台站.行過嚟都唔使10分鐘.所以每次都係沽清！為咗食.今日特登早啲起床.趕過嚟食佢鎮店之寶.沙嗲牛肉！嚟到己經有多人在熟食中心門外等候排隊.我哋在門外報上人數.再喺門外面等後才能進入.可能係人潮管制吧.等咗15分鐘左右.剛剛有兩個位.才能進入中心內！熟食中心環境唔再講啦.十年如一日.無嘜變動.人多嘈雜聲.加上啲姐姐送餐走來走去！今日點餐如下：1. 沙嗲牛肉公仔麵 X1 $32元2. 沙嗲牛肉西多士 X1 $35元3. 奶茶紅豆冰 X1 $27元沙嗲牛肉公仔麵.落單姐姐話.我哋係用新鮮牛肉.所以牛肉可能有點韌！沙嗲牛肉西多士.外表金黃.賣相都好靚呀！奶茶紅豆冰.🚶🏻‍♂️👉📌樂園 (九龍城)九龍城九龍城市政大廈3樓6號舖

星期六到九龍城買餸，順便來這裡吃午餐，想不到門外排了長長的人龍，真係有打退堂鼓的衝動；但一場嚟到，無理由空手而回吧。等了差不多40分鐘才排到，離關門時間也不多，嗱嗱臨立即叫嘢食，叫了炸豬扒米、辣菜脯肉碎蛋米、熱奶茶、奶茶紅豆冰及阿華田醬西多士。炸豬扒米即叫即煮，米粉煙韌有口感，豬扒外層撲上粉漿後再炸，形成外脆內有肉香，幾好；可惜米粉上了很久也不見炸豬扒到，到豬扒到時，米粉已開始變淋及變凍，時間上完全夾唔上。辣菜脯肉碎蛋米返而唔錯，老婆也大讚好食；熱奶茶香滑有茶香；奶茶紅豆冰及阿華田醬西多士就比較普通，不叫也唔會可惜。#炸豬扒米 $32 #辣菜脯肉碎蛋米 $34#熱奶茶 $21 #奶茶紅豆冰 $27#阿華田醬西多士 $36#樂園地址: 九龍城九龍城市政大廈3樓6號舖電話: 23823367

樂園岀晒名食沙嗲牛肉，今次食咗集合鹹甜於一身嘅沙嗲牛肉西多士，西多有蛋香😋 新鮮熱辣，鬆厚又脆身，入面牛肉都唔少，鹹香惹味，不過肉質偏乾，如果滑身少少會夾啲👌🏻食唔慣又鹹又甜就乖乖地分返開叫沙牛麵同西多喇🤭另外意外地好食係個沙嗲牛汁蛋撈丁，醬汁剛好拌勻唔會太濕，仲俾返包麻油俾你落🤤重點係半熟太陽蛋唔使擔心佢會溶咗落湯度😳放心撈埋入個麵到一齊食，令每條麵條都沾好沾滿蛋汁😍簡單又好味😋豬扒係即炸，肉質唔乾，不過有少少鹹🤏🏻-🧈沙嗲牛肉西多士 $35🍜炸豬扒沙嗲牛汁蛋撈丁 $42🥤奶茶紅豆冰 $27🥤鴛鴦紅豆冰 $27-🍜樂園🏡地址: 九龍城九龍城市政大廈3樓6號舖☎️電話:2382 3367🕚營業時間: 07:15-15:30 (Mon-Fri); 07:15-14:00(Sat)———————————————🌿以上圖文由Bobowannaeat版權所有，轉發需授權喔

一間九龍城平民美食，位於九龍城熟食中心，即係九龍城市政大廈3樓。📍樂園 1. 炸豬扒配沙嗲汁撈公仔麵⭐️⭐️⭐️⭐️為左佢會回頭！豬扒炸得香脆，但重點係佢個沙嗲汁撈麵😍😍真係一試難忘，明明看似咁普通既茶記食物，都可以整得與眾不同！2. 招牌沙嗲牛西多士⭐️⭐️⭐️超滿足😍西多士入面夾住好多好多沙嗲牛肉😋😋😋3. 奶菜紅豆冰⭐️⭐️⭐️Fusion野🤣🤣🤣一試無妨😙🍽 環境 ⭐️⭐️🤵🏻‍♀️ 服務 ⭐️⭐️😋 味道 ⭐️⭐️⭐️⭐️💵 CP值 ⭐️⭐️⭐️⭐️🤓 Overall ⭐️⭐️⭐️⭐️😇 回頭度⭐️⭐️⭐️⭐️

奶油多、奶醬多、油占多，大家可能都食得多或者聽得多，但沙嗲牛西多又食過未呢？😆🙀呢個係九龍城樂園嘅獨家招牌嘢食💕樂園就係喺九龍城街市嘅熟食中心度，亦即係九龍城體育館嘅對面～👇🏻熟食中心門口放晒入面餐廳嘅餐牌👍🏻左右兩邊各有一個出口～👆🏻熟食中心依然都係保留住八、九十年代嘅裝修，係度食野非常有風味😹由於疫情關係，鋪頭都有遵守規則，檯與檯之間放有隔板👍🏻除咗樂園之外，都仲有其他餐廳，譬如係粉麵檔、泰國嘢等等～👇🏻今日嘅主角👆🏻樂園就喺左邊門口第一間，一入去就會望到👍🏻👆🏻餐廳都係賣平常茶記有嘅粉麵、飯、三文治等等，而最出名就係頭先提過嘅沙嗲牛西多，仲有奶茶紅豆冰🧊👇🏻👆🏻沙嗲牛肉西多士🐮西多炸得幾金黃，而且好香～一砌開啲沙嗲牛多到漏出黎，外脆內軟嘅煉奶西多配埋鹹香嘅沙嗲牛，係一個好特別嘅味道😹百感交集嘅感覺😆但個味一啲都唔怪，甜甜地鹹鹹地，令人回味無窮😆👆🏻雪菜肉絲沙嗲牛米粉🍜啲餸嘅份量比出面多，但朋友話呢個嘅沙嗲牛肉比較老😹但西多嘅沙嗲牛我反而唔覺，係鞋咗少少姐～咁亦都證明咗佢哋無落鬆肉粉，所以都係一件好事👍🏻😹👆🏻另一款招牌🧊奶茶紅豆冰，紅豆份量足足有半杯嘢咁多，絕對無偷工減料😹而且紅

現今香港地，食肆有一味主打菜，不靠 gimmick 而煮得精叻，已經好難！仲要家庭式經營不怕辛苦、不被加租迫遷、仍然繼續保持食物質素，簡直難上加難！繼奶茶紅豆冰後、是沙嗲牛麵、再來是炸雞扒、還有西多、樂園炒麵，樣樣好吃！所以九龍城街市的樂園永遠在心中佔一席位。奶茶紅豆冰，必點！在台式珍珠奶茶、什麼什麼奶蓋茶再度瘋魔全城之前，本土出品的奶茶紅豆冰才更深得我心。不明白何以沒有了炸雞扒，唯有來碟炸豬扒飯。雖然豬扒沒有雞扒滑，不過麵衣仍然香酥可口！沙嗲牛汁偏甜，所以一向選豉油汁。一口炸豬配上一口豉汁飯，非常快樂。樂園的飯一向偏淋且碎，將就一下。

星期六去食，要買咗飛先可以搵位坐。一點鐘去到，除咗沙嗲牛肉西多，所有麵包都賣曬😟💰 價錢方面小貴，冇套餐🙁🍞西多係必嗌✨等咗廿分鐘先上檯，色澤金黃令人垂涎三尺🤤已經落咗煉奶同牛油，沒得自己落，但個份量竟然啱啱好。第一次食沙嗲牛肉做餡嘅西多，咸咸甜甜咁又幾過癮，可惜嘅係個沙嗲牛得好淡沙嗲味，同埋有啲老。件西多真係炸得好靚，唔太油唔太乾👍🏻下次想試下普通西多。🍜麵就係一個好普通嘅公仔麵😂豬扒有啲細，仲要甩咗一忽😕好在食落味道唔錯，冇炸過籠。🥛香濃嘅奶茶，加清甜紅豆，甜度啱啱好，又係一個新奇有趣嘅組合。之後發現好多地方都有哩個組合出售🙈

適逢今日打風前夕, 高達35度高溫, 黎到九龍城街市, 冷氣都唔太夠, 跟以往一樣, 午餐時間都總係坐無虛席, 所以今次食物比之前慢左d。餐牌同以往唔同左, 唔知係咪少左選擇? 今次叫左幾樣野食, 總算試左佢既招牌野!奶茶紅豆冰($23):應該太多人食, 無晒膠杯要用紙杯, 所以睇唔到D紅豆, 不過紅豆都算多, 唔會太淋仲係一粒粒, 奶茶味都幾好, 不錯!雪菜肉絲米($27):其實就唔會有咩驚喜既, 比平時d多d雪菜咁解。鮮茄炸豬排飯($40):塊豬排都幾大塊, 味道好好, 唔會太咸, 炸得好酥脆, 果然不錯!沙爹牛肉西多士($29):之前食過幾次, 都覺得幾好食, 今次等左成20分鐘以上, 不過賣相仲係脹卜卜, 炸得岩岩好, 入面好多牛肉, 又咸又甜咁, 聽落有d怪但其實好好味!

平日要返工，所以星期六日先有時間黎。留意番，星期六日係要先排隊俾錢點野食，再搵位坐低，但平日就會變番普通茶餐廳咁，可以先坐低然後有侍應過黎落單。我地叫左個沙爹牛西多（大部分原因都係為佢而黎），係個名符其實嘅咸甜點，用沙爹牛肉做餡已經好特別，加上佢個沙爹汁唔係一般嘅沙爹汁，特別香，特別好食，覺得似係打邊爐湯底個隻沙爹，總之就好食，我地仲因爲個沙爹汁特登叫左碗沙爹牛麵正！至於個奶茶紅豆冰，超多紅豆，最啱夏天熱辣辣飲番杯

久仰樂園大名，但由於九龍城實在太多美食選擇，直至最近才有機會品嚐樂園。樂園位於街市的三樓熟食區，雖然同場有三四間餐廳，但樂園的食客是佔絕大多數的。週末的點餐方式有別於平日，食客須在店付款後，拿了個號碼牌，再就坐等店員把食物送上。來餐廳前已做了功課，大概知道哪幾款食品比較馳名便選了配搭特別的沙爹牛肉西多士和奶茶紅豆冰食品都是即叫即製的，西多士上枱時保持著一定的熱度，切開後可見內裡有滿滿的牛肉，肉汁也緩緩流出來西多士與紅豆冰一向是絕配，邊吃西多邊喝紅豆冰，是吃貨的一大樂事。奶茶紅豆冰相比起一般紅豆冰的甜度會較低，雖茶味不夠香濃，但這個特別配搭是值得欣賞。而且，很欣賞奶茶的冰粒偏小，可連同紅豆吃下，這才算是真正品嚐到紅豆冰呢

打完波肚仔餓, 又落雨, 最就腳的莫過於係正對面既熟食中心3點幾人流仍然好多, 但集中係哂樂園呢邊, 好彩咁岩有位搭枱。朋友介紹要試奶茶紅豆冰, 而其他客人多數食有豬扒的菜式, 於是我也試試豬扒!朋友叫了鮮油咖吔多加熱奶茶。豬扒好脆, 但份量不算多, 加埋隻蛋就岩好夠飽。麵的湯底屬一般。多士夠脆, 也有好多餡如果喜歡茶味夠濃的朋友要點熱奶茶, 因奶茶紅豆冰會比較多奶, 茶味較淡, 但都好味! 紅豆唔會過甜, 出面普通紅豆冰都要$18-$20時就覺得呢度賣$22唔算貴。

九龍城樂園，一個不陌生的名字。以前在九龍塘上課，中午空檔時間較多的話有時會去九龍城吃飯，但那時卻不捨得去樂園吃，畢竟當時錢好花，顯得樂園是略貴的地方。到工作後卻因為星期六也要上班，都沒法去試那馳名的沙嗲牛西多，結果還是要辭職才能解決問題。（？）挑了平日中午稍後的時間避開人潮，走到可能會遇上發哥的九龍城街市…樓上的熟食中心。裡面的食店大多都休息了，就樂園一間還在忙碌工作。熟食中心衛生是弱項，不過自從街市加了冷氣後感覺比舊時乾爽不少，蚊蟲也少很多了，雖然地面的黏黏油漬還是沒救。 最馳名的沙嗲牛西多和奶茶紅豆冰，是今次的目標。價錢是比普通的西多豆冰貴一些，不過老子就算哪有錢也不會找伯母，最緊要是好食。這裡畢竟是茶餐廳，也有其他常見的碟頭飯和麵類，最霸氣的是雪菜肉絲和沙嗲牛肉炒米，最少等廿分鐘還要在繁忙時間暫停，令我想起澳牛不能點沙嗲牛麵的都市傳說… 即使廚房大佬密密手做，西多也無法話變就變，先飲奶茶紅豆冰。觀其色澤夠深色如咖啡，入口茶底夠濃夠厚，花奶份量亦恰到好處，令奶茶又滑又香。紅豆也毫不失禮，香甜大大粒煮得夠爛，真係一次過滿足三個願望。唯一的美中不足是奶茶甜度對我而言略高一點點，但站在

是日過去九龍城食個快lunch, 我地就黎左呢度, 因為呢度開業時間實在不容易就, 夜晚又唔開, 撞啱佢開就幫襯下啦~一開始無映相, 呢度都係食左一半之後嘅相, 叫左招牌沙爹牛肉麵同奶茶紅豆冰, 仲有紅豆西多士.沙爹牛肉麵水準依然, 足料, 沙爹味濃.奶茶紅豆冰亦是我至愛, 奶茶香滑, 紅豆給奶茶添了一點甜, 紅豆大顆淋身又不會太爛.紅豆西多士中間爆哂d紅豆出黎, 正~!!