方叔叔重慶老火鍋 (聚賢逸居) (已結業)

方叔叔重慶老火鍋，堅尼地城店，主打就係重慶味既麻辣火鍋，勁多招牌菜都好吸引🤩裝修雅緻，食麻辣打邊爐都好有氣氛，座位寬敞舒服👍🏻一坐低就上個糖水俾你暖暖胃，貼心✨九宮格麻辣大紅鍋，揀左普通辣，九宮格既特別在九格入面有三種火力，中間猛火淥快熟既牛、海鮮咁，十字中火煮，側邊細火慢慢炆🍲好有學問，就用最正既嫩牛肉試下，食過方叔叔都知，嫩牛肉真係麻辣鍋絶配😚超嫩滑，中間猛火超快熟，牛味夠而厚身口感一流💗長城小白豬午餐肉，因為鍾意食腍所以放左係十字格度煮，好入味好正，必食，有火腿而好腍好好味，麻辣鍋午餐肉大推介🤩時令海鮮，鮮活海蟶，雖然食麻辣但都幾鮮，味道唔錯👍🏻鮮龍躉片，肉質好彈好鮮，掛到啲麻辣味又有魚味，相當唔錯😗麻辣火鍋梗係要食鴨血，湯底正配口感滑既鴨血就係爽，份量又多🐤鮮腐竹、冬瓜正常，豬腰，特式食法，淥十秒上水，淥下特製辣椒粉調味就食，好特別好惹味🙌🏻辣得濟飲返杯洛神花鮮橙特飲，味道清而好refreshing😆夏天為咗涼啲，配多枝Riesling，果味幾香濃🍇挑戰九宮格麻辣鍋，其實食下食下幾爽😚食物高質性價比又高，仲要服務超超好🥺態度好又會介紹下食物，介紹下點食重慶風味既麻辣，真係好好人

講麻辣火鍋，一定會諗起方叔叔，除左個樣同個名特別外，獨特既味道同精緻既環境都係難忘既🥰今次食堅尼地城店，裝修非常雅緻，好靚好有氣氛，似食日本野多過一般火鍋店，座位寬敞舒服🛋餐牌當然都係麻辣火鍋，海鮮、牛肉、方叔叔推介一應俱全👍🏻先上個糖水俾你潤一潤、暖暖胃，依個乾燥天氣打邊爐啱晒✨鴛鴦麻辣鍋，揀左麻辣鍋普通辣，辣味已經好足，香料超多，麻得爽既🔥另一半+$20就有花膠雞湯，上枱既金湯樣好正，飲淡先，少少膠幾好味😋真係有花膠同鮮雞件係入面，先食方叔叔推薦菜，嫩牛肉，食過方叔叔都知，嫩牛肉真係麻辣鍋絶配😚超嫩滑，牛味夠而厚身口感一流👍🏻珊瑚蚌，平時我比較鍾意桂花蚌既嫩滑，點知依個珊瑚蚌口感都好滑😯配#花膠雞湯 一流，長城小白豬午餐肉，必食之一，有火腿係中間，好快腍好好味，配麻辣正❣️麻辣火鍋梗係要食鴨血，個湯底正配口感滑既鴨血，又入味又爽✨鮮腐皮、金菇正常，鮮龍躉片上枱都唔覺特別，食落肉質好彈好鮮，幾好味又有魚味，配花膠湯同麻辣湯會有兩種唔同風味，相當唔錯🤩飲品叫左水仙烏龍檸檬茶，清新既檸茶，好大杯，另外仲叫左衝上雲霄百香果雞尾酒，味道都易入口，唔會太酒幾好味😗氣氛太好忍唔住配多枝甜酒，果味幾