饕牛記 (已結業)

講到火鍋配料嘅主角，非牛肉莫屬。一碟靚嘅牛肉可以令成餐火鍋嘅評分都提高。最近都開左唔少以牛為主打嘅火鍋店，一次過食到唔同嘅牛部位，提到牛火鍋專門店，饕牛記係其中之一。餐廳位於旺角鬧市，位置唔算好多，週四晚食飯時間去到，客人不少，近乎爆滿。空間感唔算多，枱與枱間僅僅夠過，前後都會有少少背貼背感覺。正面會見到一塊大玻璃，直接見到師傅喺入面切牛，一來對衛生展現信心，二來都係強調「新鮮才是王道」，肉片即點即切牆上、餐牌上都印有各款肉嘅部位顯示圖，怕客人唔清楚每款需時，都印有時間參考，唔洗怕錯過時間而浪費左片牛。唯一吐糟係我地四個肥斯大隻嘅人係喺門口企左一段時間，期間有店員四目交投都有少少視而不見之感。餐牌供應四款湯底，分別有牛骨清湯、香濃牛骨湯、牛尾湯同牛鞭湯鍋，定價$58-168。配料方面有13款手切新鮮牛肉，例如脖仁、五花趾、胸口撈、吊龍、匙仁等，定價$48-$128/份，價錢就唔係話好貴，但相對份量較少，部位比較精，畢竟一隻牛同一部位唔多。當日去到都有部分款式售罊。如果對牛有唔熟悉，店員都好樂意介紹，印象稍為改善。另外有幾款手打牛肉丸、牛雜、蔬菜、麵食等。秘製汁香濃牛骨湯鍋 $68/鍋鍋

近期係網上成日都見倒有個menu可以食哂牛嘅每一個部位，不過間餐廳就係日本嘅，估唔倒今日響旺角都可以食哂成隻牛張圖有寫哂牛嘅每一個部位叫咩名，真係一秒就變左專家個湯底一上嘅時候已經好香，面頭一啲油都冇，睇落好清，但係飲落一啲都唔淡。嫩肉睇落好新鮮，每一片都切得好薄，淥嘅時候十幾黎就夠喇，雖然旁邊有一大片脂肪，但食落一啲都唔肥嫁。吊龍伴睇落就冇咁大片脂肪，啲油脂分佈得比較平均，但食落就冇嫩肉咁霖。牛骨髓，本身就冇乜味，但係佢就吸哂啲湯好入味。除左牛，仲嗌左皇帝菜同響鈴啲菜都好新鮮好嫩，一啲都唔老耐且洗得好乾淨，而響鈴呢就冇平時食開果啲咁油同濟不得不提，呢個麵線真係好正，食落口感有啲似魚麵，有小小煙韌彈口嘅感覺，但又冇魚麵咁爽，同個湯襯到絕。而且淥耐左都唔會好易霖。果然係新鮮才是王道阿