陳根記 (已搬遷) 新店位置

去到沙田玩，聽朋友介紹，去左陳根記大排檔食晚餐7:30pm行到去遠處已經見到有好多人企係度等位，我地都去搵左張枱等位，平日的晚餐時間我地都要等半個鐘先有位坐搵到位之後，好快會有人幫你換台布，餐具唔理禁多啦，人多自然上菜都會慢啦...即刻叫野食因為人多，想食(招牌手撕雞) 冇晒一叫即上台，份量4個人食岩岩好，鹵味好入味如果食得辣，可以點辣椒油食，辣椒油好香去到會見到好多台都會有一碟啖啖肉，正!

最初呢間大牌檔係Ig盛傳  個個讚  好多人爭住去食  亦都出名爆場  等位等到頸都長  好彩我哋成班好醒目  7點就殺到  但無奈已經爆場  但都係等咗3個字  就有得坐  開埋枱叫餸黎餸都係等多4個字姐   未到8點已經可以開餐😋呢度氣氛真好  好鬼死熱鬧  最啱同埋親朋戚友聚埋一齊  叫餸食飯👍感覺真好   配埋啤酒  邊食邊飲邊吹水  淨係諗已經開心都不得了  更何況身在其中👭👭👬👬第一碟黎當然係招牌菜手撕雞雞肉好滑  撕得夠碎  唔會一舊舊分唔開~正  2)孜然棒棒骨醃得好入味  肉又唔會um同硬  咬落去骨同肉好易分開  亦唔太油   令到人食完想再食  (好可惜剛好8條 每人得一條)😩3)腐皮卷腐皮炸得好鬆脆  入口同樣好爽身唔油  值得一叫4)冬蔭公湯估唔到呢到冬蔭公湯又幾夠味  又幾正呢  湯唔太夠辣  做到冬蔭公既酸  令我哋喜出望外呢其他~總括黎講~呢度炸野係正!!!  又唔油  又夠脆身  熱辣辣  約埋三五知己最適合不過~~

同「男公關部」太耐無見，所以心思思想聚大聚，難得約齊人梗係要約食飯，不過一大琴男人又唔想太貴，就決定再去試過平靚正嘅「陳根記」。去陳根記如果係食飯鐘數，就一定要等，因為一定爆！好彩一行十人分散投資，等咗半個鐘終於有位！滷水拼盤 ，大圍食飯必叫，除咗滷水鵝、牛展、魷魚、蛋、豆腐、紅腸、豬腸，就算唔點滷水汁都好入味，滷水嘅鹹味配上花椒八角，豆腐特別入味，配啤酒一流！Wasabi蟹籽手撕雞 $208壹隻 必食之選！幾嫩滑而且Wasabi味幾夾，唔算太辣，就算平時唔食Wasabi嘅朋友應該都接受到。份量相多大碟，而且仲有啲蟹籽同海蜇，又係配酒良物。孜然一條骨 $56 鋪頭招牌菜之一，幾咸香入味。魚香茄子煲 $40 ，睇相都知啲茄子幾新鮮，煲上熱辣辣，魚香隻咸香味叫突出但唔會OVER，意外好食（通常出面都會好濃色水煮老哂）。椒鹽骨 $48 ，少少辣幾惹味，不過唔知點解出街唔係太鐘意食豬肉（個人問題）。椒鹽鮮魷 $48 ，皮唔會粉之餘，入面嘅鮮魷仲咁鮮嫩多汁，被十個大男孩秒殺！蒜蓉蒸蝦 $78 ，時間蒸得剛好，蒜蓉同豉油味唔會襟咗蝦味，預想以上。金銀蛋萈菜 $48 ，食咁多肉梗係要叫翻啲菜中和下。

個日同個f系沙田買d野，點知一買就去咗成日，九點幾先搞掂，晚飯都未食！好在沙田城市廣場有限時免費wifi用，果斷上開飯喇查下附近有乜好野介紹喇，陳根記都系高居榜首咯，咁哥就同個f即刻飛的去目的地。司機好好人，車到我地到好近陳根記就放低我地，20蚊無跳表，業界良心！系車上面聽司機大哥話個度最好食系蠔仔烙，九肚魚，小炒等等，我就照足司機既推介點送，兩個人一男一女，居然點咗五樣野，嚇鬼死哥囖！按上菜順序講系d菜色吧。首先，蠔仔烙，我想講既系好鬼死好食，擔擔都系蠔仔！而且一份蠔仔烙居然有兩底，真系好足量咯！然後就系椒鹽九肚魚，皮脆肉軟！跟住就系孜然牛仔骨，d肉好多汁，正！接住上就系炒蚬，食極都仲有，好夠鍋氣！最後就系星洲炒米，系呢個時候，哥已經戰敗鳥！食唔落啦。。。最後打包翻去繼續食。。。

好耐冇去大排檔, 放工後同班同事一齊去試吓陳根記, 一行六個人叫左九個餸, 其中八個肉一個菜, 由此証明我地都係食肉獸, 哈哈.醉雞半隻 ($88): 首先食既唔係隻雞, 而係鵪春蛋, 未食已聞到酒味, 依家已經好少機會食到鵪春蛋, 仲記得細個時去酒樓好鐘意食鵪春蛋燒賣. 醉雞有酒味, 雞肉幾滑不過腍左d醉翁烏頭 ($38, 凍食): 星期五特價, 魚肉較鬆散, 連埋個汁同d生菜絲食就加返唔少分 蠔餅: 掌握到炸蠔餅既時間, 好脆同埋多蠔 椒鹽瀨尿蝦: 瀨尿蝦細隻, 冇咩肉食. 椒鹽味一般 炒油墨菜: 唔記得咩咩炒油墨菜, 油墨菜ok 清湯牛腩 ($68): 蘿蔔甜又腍, 牛腩腍得黎唔會散, 係個湯咸左d囉 沙嗲肥牛粉絲煲: 略為失望既一個餸, 雖然上菜時個煲仲滾緊, 但基本上係牛肉片, 唔係肥牛. 粉絲少同埋個”獻”太杰 孜然棒棒骨: 簡單講即係香料烤肉連骨, 味道香口但烤嘅時間長左, 搞到d肉dry dry地 炒蜆: 個汁幾惹味, 唔會話多殼少肉, 不過有少少沙天氣涼涼地食大排檔都幾舒服, 六點半去到仲有好多位, 不過七點已經坐滿, 我地食到七點九就有人要等位. 想去食既話真係要早

今天去东平洲摄影采风，该岛杳无人烟，人迹罕至，除了周末，平时更无交通或者车船直达，以致污染少，风景秀美，当然，随之而来的便是旅游不大方便啦。中午在岛上一家农家乐草草吃了点饭，大家琢磨着晚上搞顿大的！上OPEN RICE搜了下，陈根记，1982年开店，得奖餐厅，刚好在沙田，走之！7点左右，我们回到了沙田，从地铁站的地图看上去，离禾輋街并不远。于是大家决定步行。一路走一路问，好远啊。。。还走了不少冤枉路的。走了差不多四十分钟，人都快饿死了，自嘲自己进行了沙田深度游！终于看到了传说中的禾輋商场，据说陈根记就在这里下面了。下楼后，只见几家大排档一字排开，人声鼎沸，好不热闹！陈根记人满为患，台台爆满，果然名不虚传啊！虽然又饿又疲劳，但是为了好吃的一顿大餐也值了！等了差不多十五分钟的样子，终于有了座位。不容易啊。。。吃个饭都这么艰难！5个人点了以下几道菜：wasabi手撕鸡，超级多食家推荐的一道菜；如名所示，沾了芥末的手撕鸡，吃了我直呛鼻，不小心眼泪就哗哗的。但是这种做法真的是第一次碰到，很爽快很特别，赞一个！孜然棒棒骨，排骨烤得又酥又脆，好吃！明炉烧鹅，说实在，真的很好吃，在香港吃过的最好烧鹅在

4月5日, 睇完展覽, 當然係搵食時間~ 沙田有好多特色大排檔, 又有馳名雞粥, 都有食過幾間~ 今晚就嚟到禾輋村嘅陳根記, 貴為openrice得獎熱店, 果真人山人海, 好多街坊食客~ 連位都要自己搵呢下充滿香港風味, 辛苦之下終於搵到搭枱位~::: Wasabi蟹籽手撕雞 ::: $58廚師推介作, 手撕雞加Wasabi蟹籽, 幾新鮮~ 除咗Wasabi蟹籽同手撕雞之外, 仲有火腿加海蟄, 用料十足, 碟頭唔細, 作為開胃菜應該夠4人食~ 手撕雞夠晒凍, 如果佐酒食就更惹味, 火腿又可以更加肉味, 海蟄又有彈牙口感, 夾一撮一齊食有晒唔同感覺~ 再讚一下Wasabi蟹籽, 有少少芥末味, 辣辣地勁開胃~ 佢地都有普通手撕雞, 但係應該唔及呢個惹味, 推介!::: 孜然棒棒骨 ::: $54睇名都諗到, 即係一條棒狀肉骨加上孜然粉~ 原本以為係豬肉或者羊肉嚟架嘛, 原來係6隻雞下髀! 炸得香脆嘅雞脾, 香脆無比, 肉質鮮嫩, 外脆內軟~ 加埋孜然粉, 帶有少少胡椒味, 香味十足, 正! 可能炸到幾乾, 食落唔會一口油膩, 整體有d似kfc炸雞, 可惜呢個肉都係雞, 同手撕雞撞咗…

與家人來禾輋,本來係想去"樂園大排檔"的,點知,見唔到佢哋個糖水煲,以往是任食糖水架,所以,好現實的去了隔離呢間"陳根記",呢間食肆,我兩年前來過一次而已,今次只是第二次來.我們叫了....檀香雞半隻 ($29)--->>即係梅菜雞,不過....味道都幾好的.芝士豬扒 ($48)--->>個汁唔得,唔似芝士汁,似白汁+用好多生粉打獻似的, 但..豬扒都仲食得吓的.醉翁烏頭(凍食) ($40)--->>>好香花雕酒味,幾好食~孜然棒棒骨 ($48+散叫多兩枝$18) --->>用來送酒一流,不過,要加多些孜然粉仲香.蟹肉扒什菇 ($55) ---->>個人口味,覺得唔好食~冇蔭功牛栢葉 (大約$45)---->>即係冬蔭功牛栢葉,個汁似用冬蔭功的包裝 醬料開出來,再加少少香料及辣椒上去裝飾的,