金滿堂甜品

营业中

休息中

上回講到食飽後去食糖水, 咪就係黎呢間食咯~呢間都算勁喇, 係度開左咁多年..相對差唔多位既糖水鋪, 係咁轉做唔長, 而且近期個間重做到同呢間好似~唔知佢地有冇關係架呢?!好耐都冇黎過, 依家好似唔畀再開出街坐, 只可入鋪食~連MENU 都轉埋, 都好既, 以前個MENU 都睇到厭冇新款..但我個人係食黎食去都係個幾味, 好悶的~所以對我黎講都冇乜大分別~好喇.睇完.......咁最後揀左D乜呢...我老豆既..宇治金時$38綠茶櫻花冰(點解佢地由棉棉冰改左名做櫻花冰既?)+小丸子+紅豆+水晶珠+椰果+煉奶)係我唔愛既綠茶呀, 我試左一啖... 係我唔愛既怪味黎家...><呢個係我既, 白雪奇緣$34小丸子+椰果+水晶珠+蘆薈+龍眼沙冰其實我就唔覺得沙冰底黎既, 因為佢水狀多D, 唔係結身個款~ 一係就溶哂 XDDD旦我係中意既.. 反而我唔會中意一杯好結身個款沙冰咯~~~我媽既腐竹糖水... 我冇試, 但睇落浠左D~~同埋佢係最遲上個個, 可能叮熱需時~XDD阿爺既芝麻糊加湯丸~~~ 阿爺指明要食呢個重識講加湯丸, 好爆笑~~~不過佢睇落唔夠黑同都係唔夠結身~ 如果係

今天經過淘大花園，知道這間甜品店在網上評價好高，就刻意來試一試(網上看已經很吸引了)。因為太多太吸引了，和女朋友選了很久，最後叫了$32的宇治金時和$42的黑樹皮！點知晚上7點幾都重有下午茶，宇治金時只收$28，真係好抵！宇治金時先來，刨冰佢都叫做大碗！雪糕夠大，下面的紅豆和冰份量也很多！開餐了了，我第一啖食冰+紅豆！！先講紅豆，夠香夠甜夠大粒！到d冰，更正，未食過刨得咁幼細既冰，就黎到綿綿冰卻又像刨冰的感覺，而且帶有綠茶香，卻不會過甜，個刨冰的級數認真高！雪糕方面也有綠茶味，雖然沒什麼特別，但配合下面的刨冰、紅豆和其他配料一齊食，也會很享受啊！黑樹皮！其實姐係朱古力綿花冰！識食既你，齋睇個色就知好味la！而且配料有粟米片、綿花糖、小丸子、重有塊朱古力脆片，都幾落足料架！味道方面，濃啊！朱古力好濃！絕對唔會因為係冰而減少了朱古力的味道，抵讚！加埋配料一齊食，樣樣都好夾！最重要係唔易溶，食極都重係冰，係3x度的天氣真是大快人心！總結：今天食了兩個份量夠又好味又夾既甜品！而且落足又落靚料的甜品，埋單都只係$70，抵！有機會一定再來！試埋其他甜品，重有好多款式都好吸引啊！！！

一點半, 食完午餐,唔夠飽就來到這裡找一些下午茶醫下肚!全部都係廿塊左右, 好多好靚ge甜品都好想試呀,最驚喜就係冇乜人, 可以慢慢食, 冷氣又充足=] 店主很nice!介紹左我地一輪之後, 我和朋友選了"宇治金時"同"單戀傻小子"宇治金時真係好食到暈紅豆起有肉大粒甜甜的配珍珠麵條好好咬口!尤其個綠茶雪糕, 好cool!份量超大,2個人一齊分享才可以食完一大杯 =D單戀傻小子上有乳酪雪糕酸MAYMAY的 個人來說不太喜歡不過朋友說很好吃, 比宇治金時還要好!XD杯四邊還有心型ge士多啤梨味大菜糕, 尚算可愛單是外表, 已夠吸引!

今日同好耐無見既朋友食完飯, 再去左食甜品!其實金滿堂我之前都食過2次, 食完之後今日又心思思想食! 今次叫左"宇治金時"! 因為我想食綠茶雪糕!! 但係又唔想食刨冰!! 但估唔到佢有下午茶餐, "宇治金時"都係$22, 好抵, 所以叫左 我覺得佢個綠茶雪糕真係好好味! 有豐富既綠茶味同牛奶味, 好想再食多一個! 另外我最估唔到佢個刨冰都好有綠茶味, 好清涼, 仲有d紅豆都好淋好甜, 紅豆同綠茶真係好match!! 有機會一定再食多次

淘大甜品鋪唔係金滿堂就許留山去左金滿堂食~~宇治金時天氣熱熱地果陣食 好快溶個糖漿好甜一溶溶地個冰就真係得個冰我覺得麻麻地!食雪花冰好過~~

昨晚終有機會到此甜品店試菜, 我選了宇治金時因綠茶味是我All time favourite. 外表如相片沒甚麼驚喜但吃落才知內有乾坤.碎冰內有不知是西米還是甚麼的透明小粒, 吃起來卜卜脆, 內裡還有粉圓, 吃到最後還有粉條, 所以味道真的很有層次感, 唯一可惜是綠茶雪糕的綠茶味不算濃郁, 沒有甜中帶甘的after taste, 算是美中不足. 但還是值得一試.