琥酌 (已結業)

老實講吉列牛我都只係食過一次、今次再試真係無得輸😋😋今次就揀左太子分店～吉列牛既價錢唔算平，不過我認為同佢既Quality 都成正比。安格斯吉列牛已經係呢到既必食菜式🙈比起其他，呢到既牛無咁香口 換來既係更腍身更軟熟.和牛涮涮鍋入面主要係蔬菜同幾片和牛,和牛算係入口即化!我比較推薦呢個👍🏻明太子手羽燒係雞翼來既，仲去左骨,再釀左明太子係入面,香脆美味.不過個人認為味道略淡極上牛肉串燒盛合可以一次過試左4款牛肉同野菜🍢,肉味都算濃,不過就熟左少少😣

今日嚟到太子呢間琥酌食嘢，地點都幾就腳，喺太子地鐵站 A 出口行一陣就去到！呢到主打係吉列牛，咁我當然會叫返一份試下！餐廳會提供唔同嘅調味料俾我哋點牛食！視乎自己喜好點嚟食，我就鐘意簡簡單單咁點岩鹽食就OK！呢份安格斯吉列牛一份有八塊，仲有啲沙律菜，可以用麻醬撈埋一齊食！每塊嘅size都差唔多厚度，等食客容易啲掌控到燒嘅生熟程度！呢個角度影得唔好，影到好似四件咁！其實呢個盛盒一共係有六件炸物，兩件炸蝦、兩件吉列蠔同埋兩件和牛薯餅！火喉控制得唔錯，每款都炸到金黃色好靚！味道方面都OK，吉列外層比較重蛋味，咬落都幾實在！呢個豚肉泡菜相撲鍋個湯底係近似羅宋湯嘅味，即係比較重蕃茄味，個人好鐘呢個湯底！啲豚肉有7-8塊，吸晒啲湯好入味，呢個鍋入面嘅泡菜應該分咗兩種，一種就好酸，似正宗韓國嗰種，一種就甜啲嘅，我就鐘意食呢種！朋友叫咗一份蕎麥麵，我試咗少少，覺得唔係太啱我胃口，我都係鐘意食熱嘅湯麵多啲！😂😂p.s. 呢到嘅飲品比較貴，叫咗一罐可樂要$20🙈🙈

鄰近酒吧街，鋪頭細少，約30個位。點了兩份安格斯吉列牛，附上溫泉蛋及其他小菜，店員詳細介紹燒時間，約每面40秒。個人食得較生，認為約20秒就可以，醬汁有三款，燒肉汁、和風芥末、柚子汁另外有岩鹽，本身肉味不濃，驚喜地燒肉汁最吊出肉味而唔蓋過原本的味道。但這間限時60分鐘，但眼見又不是排長龍