和氣食堂 (黃大仙中心南館)

营业中

休息中

8點幾嚟到和氣飯堂，仲係好多人排隊😨 下次要早啲嚟排隊第一次食白咖哩忌廉烏冬，感覺好驚喜，忌廉入口即溶而且提升咖哩嘅甜味，同時唔會太油～不過配炸雞就有啲特別🤣黑豚肩燒丼肉質嫩口，加埋醬汁一流～安格斯牛扒他他沙律兩者夾得幾好，唔會比肉搶晒味。個擺盤超長，啱晒大家share 食！燒廣島蠔我地分別叫咗芝士燒同蒜蓉燒，同朋友一人一隻食完，都係得一個結論：好食😂牛油果三文魚班戟係邊個諗出嚟😂 但成件事又幾夾lol 唔會好油，芒果真係好夠甜。如果沙律醬再少啲，三文魚鮮味可能會更突出～照燒魷魚筒加埋燒汁好惹味，啲肉都好軟～貪得意叫咗兩杯梳打，味道都唔錯，唔會死甜！

黃大仙附近收工，encore 呢一間！兩個人超餓🤣 坐到卡位好闊落好開心！餐單野食都幾多選擇！黑松露香芒甜蝦卷☺️呢個配搭超新鮮！開頭朋友話叫我都有少少緊張，畢竟唔係食開嘅配搭，點知超驚喜！頂層係黑松露醬，中間係甜蝦，下面係芒果加州卷～ 一入口會有濃烈嘅黑松露香味，咸咸香香，加埋清新甜蝦都幾夾，當食多兩啖，就感覺到芒果嘅多汁同香甜，整體唔會奇怪，反而好夾，味道比一般壽司清爽，推薦！份量都唔少！安格斯牛扒他他沙律☺️估唔到牛肉係厚片上，份量都幾多，開頭以為係牛肉薄片，牛肉比起平時海鮮沙律較為濃味，安格斯牛肉味濃，個底嘅沙律菜偏酸少少，份量似前菜多過沙律呢！5點刺身盛☺️重點推介吞拿魚，呢種厚切真係超幸福，無筋唔腥，啖啖油脂香，建議第一啖唔好點醬油，感受下吞拿魚個種油香先！魚生解凍程度岩岩好，唔會好似平時出面放題咁有時未解夠凍好硬！赤貝爽口，唔會出面黏滑，蠔都大推，肥美得來帶少少咸水味，唔洗配佢個醬汁，新鮮到就咁叫檸檬汁都夠！特濃牛奶芭菲☺️特濃牛奶好香滑，加埋個個底係脆脆粟米片好有口感，牛奶雪糕好香滑，接近icreamia, 唔會好水汪汪，奶味重得來唔膩，旁邊嘅厥餅唔太甜，要配上雪糕食喔！成個甜

四點刺身盛 $178
包括：3塊厚切三文魚＋超鮮甜的海膽＋牡丹蝦 2隻 ＋ 謎之魚2件。謎之魚嘅肉地結實過三文魚，但都一樣鮮甜，係其他地方無見過嘅。見佢特登加左兩塊檸檬🍋小片，味道加上來就refreshing 基本上比得呢個價錢就一定好食，抵唔抵就——慶祝都要嘅 包括：3塊厚切三文魚
白咖喱烏冬 $88
第一眼以為係梳乎厘🍄 但係白色咖喱嘅下面，其實都蘊藏黃色啡色嘅咖喱撈烏冬——稻庭煙韌彈牙版本😍 咖喱唔會太油膩，太濃烈，係可以食到嘴舐舐。烏冬仲配埋兩件炸雞，都係外脆內嫩滑嘅靚雞～ 不過我都係怕熱氣，將佢拆皮先食😹
安格斯牛扒他他沙律 $78
用手機測量過，成個碟係33cm 😂 視覺上好足料，同埋每塊嘅牛肩扒都幫你劃分每次食幾多肉同埋菜，感覺幾體貼😂 唔使摷到亂晒。黑醋汁就一啲都唔肥膩，食完冇罪疚咁。
宇治抹茶芭菲 $72
最鍾意呢個，作為一個抹茶控🍵 因為茶味本身足夠而唔會過分，亦都平衡到雪糕嘅幼滑 almost a perfect fusion , to me personally. 配料唔會喧賓奪主，主要係帶嚟口感，就唔係帶嚟甜味，所以夾得好！
牛油果🥑芒果🥭三文魚班戟🍣 $7

今日又過左黃大仙探朋友兼搵佢BB玩~我同佢都鍾意食日本野，夜晚佢就帶去佢佢既飯堂~就係呢間日式餐廳!7點幾去到已經好多人，係正黃大仙中心應該附近好多街坊都會黎食。眼見隔離檯點左D壽司大大件好似好吸引，朋友就話難得我過黎，由佢發板點D特別D既野我食~所以就由揸主意，連埋甜品叫左6樣野食。安格斯牛扒他他沙律一上檯我已經嘩左一聲，朋友見我咁既反應表示很滿意。因為我估唔到個沙律真係咁大碟，而且上面既牛肉熟成度係剛剛好，外面焦啡內裡粉紅，勁靚!蔬菜方面有生菜、青瓜、洋蔥、栗米同車厘茄，配埋黑醋食，酸酸甜甜好開胃。賣相吸引又好食又有營養!絕對係健康之選!照燒魷魚筒 原隻魷魚切件，見到砌得番成隻魷魚出黎~XD平時因為怕D肉好韌難咬所以好少食魷魚筒。本來都唔係好想夾，但朋友係咁叫我試，點知一試有驚喜，魷魚唔韌之餘好厚肉，食到魷魚鮮味，面頭掃左層照燒汁令成碟魷魚更惹味。日本清酒石鍋煮蜆成個石鍋上，蜆既份量好多，而且係粒粒有肉，唔係平時食到果d了黎了去都剩得d殼，湯底好濃好香清酒味，忍唔住用殼就咁筆黎飲!非常鮮甜! 蜆肉都好新鮮冇沙，亦見唔到d未開口既死蜆，值得一讚!金蒜燒日本米茄子發覺呢間餐廳好鍾意將食

少去黃大仙揾食 發現有間平民feel啲嘅日本嘢🧐睇餐牌好多嘢食 夜晚7點半去到好多人好多嘢都想試 兩個人嗌咗幾款嘢食share🥳裝修都幾靚 門口仲有好多figure 有feel🤓芒果大大舊好甜！蟹籽都好多🥰三文魚望落就淺色少少 唔算好重味加州卷入面紫菜包住玉子 蟹柳 青瓜整體都還可以 好大舊 不過紫菜韌咗啲好多小食同飯 叫返個沙律中和吓一嚟俾安格斯牛吸引咗 賣相都唔錯🤓牛肉份量多 每舊都仲有淺粉紅色😍唔會過熟！不過有少少韌🤥菜底係撈黑醋汁 酸酸地幾開胃🤪似係居酒屋嘅小食 份量好多 抵食！不過食到最尾鹹咗啲 點埋沙律醬就好啲☺️見都幾多客人點刺身🤤呢款三色刺身有三文魚 蝦 鯛魚三文魚好厚 蝦都好大隻整體都算新鮮🤓🤓🤓啲飯仲有好多款！食肉獸對有肉嘅飯拒絕唔到🥳黑豚腩燒得好香 個燒汁都好正加埋洋蔥撈飯好好味！啲肉份量都幾多 夾埋飯啱啱好！整體都唔錯 食完正餐就叫埋個甜品甜品都有好多選擇！多人點抹茶阿法奇朵但本身唔食抹茶 所以叫咗原味有杯細細嘅咖啡淋上雪糕夾埋食🥰冰火交融又熱又凍咁好得意！夾埋雪糕啲咖啡又唔會太苦份量都唔少 兩個人share啱啱好🤤🤤🤤