美心皇宮 (德福廣場1期)

营业中

休息中

星期五晚嘅晚市，人來人往，訂了七點食晚飯。酒樓入面地方好大，好多張枱，但人手好緊張，上菜也等了片刻。🔸前菜肚餓之際美食當前應該會特別好食，竟然大感失望，感覺唔太新鮮，木耳、青瓜、花生都唔脆。🔸翡翠蟹肉瑤羹味道同賣相都做唔錯。🔸燒腩仔（細）意外好食，肉嫩味道唔會太咸，皮脆。🔸瑤柱上湯雜菜煲菜蔬新鮮嘅，但上湯味淡。🔸客家釀豆腐煲湯底夠味，釀豆腐釀得好草率。🔸菠蘿咕嚕肉咕嚕肉失望，炸粉多過肉。🔸貴妃脆蝦球蝦球大隻，啖啖肉。🔸清蒸沙巴海斑蒸得剛好，魚肉還好。🔸欖菜菇皇四季豆菇炒得入味爽脆，有驚喜！🔸一品砂鍋煲飯用了瑤柱水或冬菇水去浸煮飯，飯偏濕，味道一般。🔸紅豆沙唔會太甜，紅豆夠腍，起沙度唔夠。🔸蛋白杏仁露滑同唔太甜，唔錯。好一般嘅中菜，失望了。

其實間唔中星期五晚收工都會係呢度食晚飯，因有時收晏咗，呢度又唔洗點等位。。。最主要都係有味餸都幾鐘意食，加上午飯又唔會食中餐。 但好可惜，裝修完，有啲菜式無咗，連我至愛嘅琵琶豆腐都無咗😫之後就轉陣，叫香芒貴妃脆蝦球。。。但今晚，決了叫兩個完全之前未食過嘅！呢個菜，爭扎咗好多次，今次先叫黎食⋯⋯客家釀豆腐煲！ 因為我倆都唔食魚頭🙈 一上枱，賣相唔錯喎！唔好講咁多，飲啖湯先，幾美味😋襯熱飲多兩啖先😋😋 料亦唔少，兩個人食就多咗少少，有成八件釀豆腐之餘，有蜆，有6粒肉丸，又有魚頭！雖然一向都唔食魚頭，但叫咗沒又唔想嘥都食咗少少😝😝跟住乾葱豆豉雞到。。。好香，好夠味！但嫌佢唔夠乾身，同埋都好油，下次都應該唔會叫 lu 😝😝