小島•澳門菜 (已結業)

買咗飛響時代睇戲, 近近哋就響時代上面食埋先. 響網上見大家評分幾好, 又可以試下比較少食嘅葡國菜. 餐廳門口係正戲院旁邊. 裝潢好有澳門特色, 有好多葡式藍色磁磚.吃澳葡菜當然要叫乳豬, 另外叫埋個MENU入面嘅另一個廚師推介. <<小島乳豬脆包配葡式甜辣醬>>乳豬烤得好香,脆卜卜咁!! 一共有五件, 皮脆肉嫩, 點埋有少少辣芥末醬仲正! 隨碟仲有沙津,薯角同豬仔包. 豬仔包仲有D豬油香, 好食!! 薯角大大件, 點埋茄汁剛剛好!<<小島椰香葡國雞>>葡汁香濃, 仲有椰絲, 椰香味十足, 仲有埋葡式腸仔同黑欖角. 雞肉無骨大大件, 嫩滑入味!! 當然要來返個飯後甜品,葡撻!!<<小島奶黃流心葡撻>>酥皮脆口, 焦香好味!! 好滿足!! 

好閨蜜好耐無見，於是乎約埋大家一齊食晚餐。已提早左一個星期訂咗枱，來到了今日，我們約定於聚會地點在小島。澳門。食葡國菜。它位於熱閙的銅鑼灣時代廣場13樓，入去餐廳充滿葡國風情，而且呈一種浪漫情調添。朋友未到，望著餐牌先。首先來小島一定要食它的出名的葡撻，它叫小島奶黃流心葡撻，未食已聞好好香，可惜上枱時冷氣太大，它變凉了。葡撻皮薄好脆，充滿蛋香味，如果熱辣辣就好。食完它的出色的蛋撻，要食它焦煻葡撻，它面呈焦糖狀，而且它的皮好酥又香，令人一食上隱。餐廳環境充滿浪漫的情調，一排排的吊燈，够別緻。朋友相聚一定叫全枱的好料，和朋友詳談又分享一下工作苦與樂。烤焗盲鰽魚伴檸檬牛油汁煮海蜆，蜆肉鮮甜，而主角焗盲鰽呈有鮮味，又大條的盲鰽魚肉又厚，而且仲保持魚的鮮味，同埋水份，時間控制得好。小島咖喱羊架，有咖哩汁必定要點法包，這是指定的動作呀。而且手羊架仲不會有so味，肉質鮮嫩添。最後四人飯局到了尾聲，大家為了令自己生活好點，都好努力工作，4位女仔之聚會又訴說心中煩事，並祝壽星女生日快樂。所以大家不約而同叫咗一份甜品，它叫小島奶黃流葡撻。待應仲好細心提我們要寫上祝福字句添。呢間餐廳一定會叫多啲朋友一齊黎食

每逢過大海都一定會食葡國菜, 因為葡國菜係香港唔常見, 但原來Time Square樓上既食肆, 其中一間係食葡國菜, 招牌更名為澳門菜, 趁港珠澳大橋又未開, 今晚就去嘆返個Dinner。門外既磁磚什有葡國特色, 而餐廳內設部分卡位, 地方企理~【蜜桃梳打】HK$42很夠汽, 係餐廳調製, 但稍嫌蜜桃味唔太突出【焦糖葡撻】HK$14 x2 雖然葡撻不是即叫即焗, 但葡撻既酥皮依然鬆化, 蛋香味濃, 又滑又甜~食葡國菜其中必食既當然係乳豬, Order左兩款配有乳豬既茶式, order後依然好快咁上檯, 似乎亦不是即叫即燒~【小島乳豬脆包配葡式甜辣醬】HK$138脆包上檯不是熱辣辣, 更不是暖暖的, 但脆包面很有堅挺質感, 一咬之下, 包面果然係脆得有聲, 內裡鬆軟, 夾住生菜同蕃茄、少許甜辣醬, 很惹味, 要驚喜既係乳豬很嫩滑juicy, 薄薄乳豬皮同樣很脆, 連有少少肥膏層, 不會過份肥膩。配上大量香脆薯角同少量沙律, 夠哂飽肚!【香脆乳豬野菌牛油焗飯】HK$188同樣有嫩滑既乳豬件, 重點在於個焗飯, 飯粒粒粒分明, 食到加入左香料既味道, 個飯唔會太油, 有微微既濕, 不過就唔

銅鑼灣時代廣場食通天有間澳門葡式餐廳，冇時間過大海，一於黎食澳門葡式餐廳頂住癮先。門口出面個雪櫃有幾款英記甜品，有唔同味嘅木糠布丁，好吸引。仲有葡撻添，有原味、奶黃流心、咖啡味、橙味，好特別。叫左一份乳豬脆包，外脆內軟，乳豬皮超脆，肉嫩有少少肥肉，包有好香的肉汁/肥肉汁，配沙律醬口感超豐富，好好味！配菜有炸得好香脆的薯條和沙律，好飽！盲鰽魚焗的時間剛剛好剛剛熟，好新鮮，好香牛油味，配酸酸的檸檬汁好開胃。魚肉好易起出來，可以啖啖肉。