埠 (已結業)

本以為今晚要去東區法院上evening training ，點知去到才發現....無人！？原來攪錯了，下星期才對，唉....獨個兒向着海邊慢步，是一個好好抖抖的機會，讓自己放空....空住肚放空真的有些困難，此刻就被它吸引了。一個「埠」字，令我好想去遊埠。拉門而入，馬上聞到陣陣燒烤的香氣，原來師傅正在製作串燒。時間上早，環境優靜，燈光柔和，亦播放着柔和的歌曲，望着熠熠生輝的遊輪經過，很舒服。除有一排串燒吧枱外，還有數張二至六人枱，枱與枱之間有一定距離，坐得舒適。翻揭餐牌，分別有前菜、湯、沙律、漬物、海鮮、肉類、家禽、蔬菜、食事和甜品，選擇不少。******************************好特別呀！用上一個小燒爐盛載着串燒上枱，雖沒有點着火，但摸一摸內裏的石塊，是熱的！相信可保暖一會。海鮮類揀了兩款，有廣島蠔和白鱔。廣島蠔Hiroshima Oyster ($48)肉厚肥美，拿起時仲不等滴出蠔汁，好吸引！肉質鮮嫩兼爆出蠔汁，而外表有少許香口，正！白鱔Eel ($68)一串三小件，四周燒得金黃，魚皮帶些焦燶，相當香脆可口，鹹香滋味，正！潔白的鱔肉雖不算很肥美油潤，但也挺鮮嫩

踏入新一年工作好忙 一定要去食好西獎勵下自己！番工個陣聽過響朋友仔提起西灣河有間好chill既串燒店佢極力推介我要黎 咁我都一於黎試下間鋪比想像中易去 離地鐵站都只係大約10分鐘腳程如果唔趕時間其實都可以坐船去呀 黃昏時間可以欣賞埋日落一落碼頭就見到好大個「埠」字 好搶眼入到去店員已經好親切咁出黎招呼 好有日本既感覺7點30左右去到既時候都有不少人 所有window seat都比人坐哂不過其實其他位置都睇到海景 不過就無咁近當然亦有bar台位置 想坐既朋友都可以揀餐牌分門別類咁list好哂各樣食材 有好多選擇我地就咩都揀左啲黎試下 結果全部都好好味落左單之後店員會先拎個熱石盤過黎可以慶住啲串燒 同朋友一路食一路講都唔怕野食凍哂燒秋葵都係第一次食估唔到都幾得意 比平時會少左啲滑潺潺既感覺連唔鐘意食秋葵既朋友都大膽食左幾舊～鵝肝雞翼即係將鵝肝釀左入雞翼 呢個配搭好新鮮但又異常地夾 咬開仲好香鵝肝味 值得一試燒既豬大腸 keep到好juicy 好邪惡外皮燒到脆香 入面仲有d脂肪 外脆內軟既口感 好正廣島蠔夠肥美外面有微微脆焦 但咬開一啲都唔乾蔥蒜牛肉 台台都必點呢3樣食材根本係perfect

相信好多人都知西灣河太安樓同SOHO東係邊，但原來再出海旁點有間隱世日本餐廳。餐廳主打串燒，有海鮮、肉類、蔬菜、沙律、漬物、主食、甜品等等，總有一款啱你口味。餐廳坐位唔多，燈光暗暗好有氣氛，約朋友傾計食宵夜就最啱。牛舌好厚肉而且牛肉味燒得好香，咬落去好滿足。帶子雞翼雞翼四四方方好得意，內裡塞左帶子，令到帶子都充滿雞味，雞翼亦燒得好香口。山芋一串有三粒，淡淡地但又好有咬口。番薯好軟熟而且超級甜好好食。芝士年糕呢度既芝士同年糕好似融埋一齊咁，一路食一路有好軟好香濃既芝士味。冷烏冬烏冬好彈牙，完全唔夠喉好想再食。值得一讚既係呢度會提供個燒架俾食客放串燒，咁就唔怕串燒凍左，大家亦放心係唔會整到食物熟得濟。而且佢既茶都好香濃，職員仲好有禮貌添﹗如果坐埋係窗邊望住個海食，真係一等一享受﹗