麻辣娘子 (新都城中心) (已結業)

今日行開將軍澳呢邊行街，見到呢間川菜好想試下。店內掛滿晒紅燈籠，好有中式感覺。晚飯時間都算多人，坐低左之後見好多枱都有點脆皮小豆腐，我地一定要試下呢道。另外我地仲order左四款（啫啫魷魚鬚，川汁皮蛋，川式口水雞，蒜泥白肉）同埋呢度有台式飲品呀，平時最鍾意飲架喇，一於試下佢先。脆皮小豆腐真係一定要試！啱啱炸起好脆而且皮唔厚，豆腐好滑，加埋啲炸蒜好香口，細細粒好易食，啱啱好一口size啫啫魷魚鬚一上枱就聞到好香，啲魷魚份量好多，好抵食，魷魚啱啱好，唔韌，啲配菜都好好味，洋蔥仲係甜架川汁皮蛋皮蛋唔係平時黑色嗰隻，係黃金皮蛋，加埋佢地嘅醬汁好惹味川式口水雞好大碟呀，雞件每舊都啖啖肉，超級抵食，我地叫左中辣都唔算太辣，啱啱好蒜泥白肉薄切豬腩肉上面有大量蒜泥，啲蒜泥完全無顆粒感，磨得好幼細，唔錯，啱晒鍾意食蒜嘅朋友另外點左兩杯台式飲品（阿里山）花好月圓入面有桃膠，桂花，桂圓，杞子，成杯都好足料，每啖都好滿足，點左少糖啱啱好黑糖珍珠炭燒烏龍奶茶朋友點左半糖，甜度適中，珍珠都煮得軟硬適中，好好飲