壽司郎 (已結業)

話說壽司郎響香港開業以來都非常受市民歡迎, 以致一飛難求, 所以就今次食評都準備早d 到場排隊等開門為上策, 所以今次都順利可以第一轉就可以進場食到, 都好好彩, 因為食完之後見到為數不少嘅顧客正等待入場, 相信大家去過都知道係咩一回事了, 因為第一次黎, 所以就唔講咁多其他環境資料直接講食物質素吧😁😁吞拿魚壽司12蚊叫左幾碟魚生份量都好大,口感細綿, 冇咩血腥味又同時食到當中鮮味, 而且冇咩筋, 12蚊可以食到吞拿魚真係冇咩好彈蝦三味17蚊三味包括甜蝦, 熟蝦同虎蝦, 甜蝦本身較細小所以口感欠奉,不過本身鮮甜味較突出, 熟蝦就唔似蒸熟之後再冷凍過嘅貨色,都有佢應該有嘅味道, 唔會有水氣響中間, 虎蝦就係當中最抵食嘅一件, 就咁叫佢一件都要12蚊, 依家17蚊包埋有3件真係超值,至於味道方面, 口感好爽, 而且大件, 蝦腸挑得乾淨, 但甜味不及甜蝦, 但其他方面都更優勝 係最抵食嘅一件羅勒燒三文魚壽司12蚊選用連皮部份嘅三文魚, 所以燒起來就特別油脂豐富甘香, 而羅勒本身味濃且多油, 所以食起上來反而燒三文魚變左配角, 來突顯羅勒嘅香味牛油果三文魚卷22蚊三文魚配上青瓜條及牛油果,

終於都可以一嘗日本🇯🇵鮮魚直送嘅壽司郎👏🏼👏🏼👏🏼由上網訂座到食到要成兩個幾月，最終無令到我失望🤧真心感覺同日本🗾地道食到嘅分別不大，真係好有驚喜🤩由一開始牡丹蝦、帆立貝、鳥貝、八爪魚、都好新鮮，鮮甜美味😋油甘魚壽司就不過不失 🙂而鯖魚壽司呢，不要以貌取人呀⋯⋯雖然樣子不太討好，但响平價位壽司有得品嘗到都好心滿意足，味道方面就係我喜歡嘅濃口味，正😍大呑拿魚腩壽司，油份充足，魚味就一般啦😝仲有禾最喜愛嘅臭臭納豆壽司😋😋甜點佢哋都有好多款式，我哋就選擇咗雜莓🍓芭菲作為完美的終結。0-10分食品味道:7服務:6環境:6以上為本人意見 只供參考之用，謝謝😊

話說呢間真係會食上癮，食完唔夠一星期，已經心郁郁想再食，結果今次同同事一齊黎好好彩同事11:15am就黎左排隊，排左45分鐘就入得去食，限時60分鐘～經過上次經驗，避左d中伏位，淨集中叫回本野一坐底即叫特價既大拖羅，好新鮮，魚油味重，勁幸福！而左口魚背壽司都值得推介，加埋紫蘇葉，口味好特別～帆立貝大大粒，略為烤一烤，口感更正，必點美食！！呢到既油甘魚都係我既最愛，因為呢到勁新鮮，而且好厚切，真係非常抵食！