千の味刺身壽司專門店 (海福花園商場) (已結業)

呢幾日心思思想食壽司，朋友仔之前講過千之味嘅質素唔錯，而且又有幾間分店，而其中一個又近我。所以決定今日就去幫襯下啦😋！我哋叫咗一份千之味壽司盛盒H同埋散叫咗d壽司。千之味壽司盛盒H係三文魚既fans 必點之選，因為全部都係三文魚😂，包括有三文魚丶三文魚腩、辣味三文魚、炙燒三文魚、炙燒黑椒三文魚丶花之戀。因為屋企人大多數都係三文魚愛好者，所以就叫咗呢個set。d三文魚好好味，好肥美，好正😋😋除咗叫咗呢個set之外，仲叫咗帶子丶左口魚丶特大赤蝦丶劍魚腩。帶子好豐滿😋左口魚入口即溶呀！食完成個口腔充滿左口魚既油脂😍特大赤蝦真係好大隻又好厚身！用筷子夾起黎個時就已經feel到好「聚」手🤣🤣，食落口真係好大隻，而隻蝦仲好爽身😋😋劍魚腩已經好少地方有得食啦，見到有所以就立即叫咗，真係好好味😋千之味嘅壽司真係有質素👍🏻又係良心店，下次會再encore 呀！另外，店舖好貼心，每份外賣都會比個冰袋同冰包，咁就可以確保d壽司唔會壞！

日日都食父親大人煮嘅餸，雖然口味好但來來去去都係食嗰幾味，真係有啲悶。今個月加左人工，所以我決定買番一啲新奇，刺激，年青嘅食物返嚟加餸，邊個話一定要係斬料？咁啱經過大圍，上網見到呢一間都有好多好評，而且個個都讚啲刺身好新鮮，所以我決定一試。離遠就已經見到門口嗰度貼滿晒全部刺身／壽司／拉麵／天婦羅嘅相，好搶眼，一望眼就見到呢一間刺身壽司專門店，原來呢間有外送服務添呀。好似放題咁，有張紙你剔，列晒所有嘅種類：壽司呀，軍艦呀，火炙壽司啊，小食啊，沙律，拉麵，刺身，冷麵，飲品等等，可以隨自己喜好揀鍾意食嘅食物。屋企個兩位兩老好少食呢啲日本生冷野，成日都話驚肚痛，今次做大大啖咁食，　一定好新鮮好吸引啦因為。赤貝$45/5件我好鐘意食呢隻要趙既海鮮，好有口感，又超甜美三文魚魚腩 $55/5件油脂豐富的，充滿魚油香，濃味可口甜蝦 $38/5件甜味淡淡既，肉質香甜，彈牙北寄貝$38/5件爽甜帶子$45/6件超大粒帶子，唔係細粒個d，勁俾貨刺身好滿足，食下d反卷，因為老人家少食，俾機會佢地試下海膽三文魚反卷$45/4件望見上面多到溜既海膽，已經留曬口水.....肥美加肥美，雙重享受。鰻魚忌廉芝士反卷$3