上野鐵板燒專門店

营业中

休息中

一入店老闆已認得我哋，今晚就由老闆介紹食物，有龍蝦，大蝦，日本和牛，美國安格斯牛，廣島蠔等，基本上啲嘢新鮮已唔需要大調味，已經好味了，除了食物以外，值得一讚，就是服務非常友善和殷勤，非常欣賞。

上野已來了好多次，今次來係慶祝出花紅，決定食餐好D，今次我選了刺身，南非活鮑魚，廣島蠔，香草三文魚扒，黃金老虎大蝦，美國安格斯牛等等。這家鐵板燒的食材樣樣都好新鮮及好味，CP值超高！ 難怪我幾位朋友都讚不絕口啦。特別推介一下黃金老虎大蝦，老虎大蝦真係好大隻，師傅起蝦壳，起蝦腸，切一粒粒，易食，蝦嘅質地好爽口彈牙，鮮甜，好快就食哂。香草三文魚扒煎得岩岩好唔過老而且調味適中，加了小小香草，入口油香十足野味，最正係魚皮，煎到好香脆，入口更香，超滿足呀

今年阿囡生日正正係母親節, 一早訂定位坐第一張bar檯, 原因係位師傅好健談。當日晚餐係龍蝦(兩位用要$1098), 太太唔想食龍蝦, 於是要set虎蝦餐(3人份量)+一板海膽+一隻北海遁帶子。而套餐就包括有沙律, 3點刺身, 虎蝦, 廣島蠔, 雞扒, 安格司肥牛, 炒野菜及妙飯。簡評 :食物味道和服務都ok, 份量足(食剩d妙飯)由於坐近門口, 環境就嘈d, 價錢就比尖沙咀等地平, 算是低食。埋單$1000