昌發泰國粉麵屋

营业中

休息中

屯馬開通真的很興奮.......屯馬線開通左..去九龍城方便左好多一於就同朋友黎個九龍城一日遊啦...我地12點45到左宋皇臺站B3出口就出發去昌發喇到左昌發大概1點, 唔洗等位, 即刻入得之後我同朋友一人嗌一碗湯河同野飲再加個小食~~~我嗌左一碗鴨肉湯河, 鴨肉份量適中，唔騷，湯底甜甜地. 黎到泰國餐廳點可以唔叫椰青~ 所以我就嗌左個椰青作為我既餐飲...清清甜甜, 解渴解辣既良品~朋友就嗌左個彩虹湯河,  有豬紅, 魚片, 豆卜, 魷魚同埋魚蛋~~料好足..湯底有少少辣..但唔食得辣既朋友都接受到...至於朋友就嗌左泰國奶茶沙冰作為佢既餐飲..佢話有濃濃的泰式奶茶香味...雖然我倆已經開始飽飽地..但黎得泰國餐廳都想試下佢d 小食, 於是我地就嗌左泰式豬肉碎生菜包, 係餐牌見到有2隻辣椒既辣度..但我地作為唔係好食得辣既泰菜小fans都想試下, 味道好香又辣, 食到我開始出汗, 但仍然好味到停唔到口最後埋單食左HK$226.. 滿足得黎又抵食:-) 下次有機會再黎~!!

嚟到九龍城，當然要食下泰國野啦。上網search到依間餐廳幾高評價，就入咗去食。今次食咗1)冬薩肉碎清湯河(2)彩虹湯河冬蔭湯河嘅配料有豬肉丸、豬潤、豬肉、少量肉碎，仲有塊脆脆哋嘅野，冬蔭湯底嘅味道啱啱好，唔會太咸，有少少辣。河粉唔會煮到淋哂，軟硬適中，亦都唔會碎哂。彩虹湯河照字面上係完全唔知係咩，嚟到先知係一碗粉紅色湯底，配料有豬紅、魚蛋、魚片、魷魚同豆腐卜，仲有塊脆薄餅。其實我唔太飲到依個湯底係咩味，好似係酸酸哋，不過都幾好味。