WM Café & Bar (海之戀商場)

营业中

休息中

新年大年初四姐姐🧍‍♀️放假，一家人👨‍👩‍👧‍👧屋苑睇完舞獅落商場搵餐晏食，老婆建議WM Cafe，去到已有十幾人喺門口，入去攞飛，等十幾張枱但入面有吉枱，不過新年冇乜侍應返工所以唔夠人做野，老婆帶大囡去行街，我同細囡等位，順便睇埋門口大menus睇下食乜新年午市要加一門口蛋糕🍰櫃全部都係芝士蛋糕🍰唔啱我等咗20分鐘入咗去，4人枱，BB車一個位，仲有BB櫈俾大囡坐，不過坐門口位扯風好凍（今日得12度）。等埋老婆同大囡返嚟叫野食。我叫咗WM安格斯牛肉芝士漢堡配薯條🍟，跟龍蝦🦞湯同熱啡，老婆叫美國🇺🇸西冷牛扒配紅酒🍷燒汁飯，跟龍蝦🦞湯同熱奶茶☕️龍蝦🦞湯配包，龍蝦🦞湯跟餐不用加錢，幾足味，包少少🤏脆，但太細塊WM安格斯牛肉芝士漢堡配薯條，性價比高，包皮好食😋，塊牛一般，芝士唔融，薯條🍟炸落咗一陣，少少🤏脆美國西冷牛扒配紅酒🍷燒汁飯，牛扒一般熱啡，跟餐免費🆓心太軟，跟餐加$20，有擺盤，有心思，不過心太軟朱古力🍫流唔到出嚟總括嚟講，WM cafe性價比好高，不過咁啱新年侍應就冇乜人返工變咗服務差咗同有阿姐做到燥😅

見人post相個威靈頓牛咁靚，今次終於到我嚟試本身都預食四正西餐人頭要3-400，到埋單居然4個人95x，比想像中平同食得飽餐包係黑糖味，有outback影子，質地幾「嘰彈」，好似仲好食過outback，細細舊有d吊癮湯正常嘢，沙律有蝦食（馬騮仔係我自帶，唔係伴碟）主角威靈頓牛出場～～酥皮酥脆有牛油香，保持到質感，小朋友話最鍾意食皮（我都係）牛軟熟易入口，4人 share的節奏，三兩下手腳就清碟其他主菜同樣有質素：心太軟，上菜保持到熱度，居然仲有字，好有慶祝生日feel總結係十分滿足，食完行donki

WM Cafe 已列入我哋常去西餐廳之選，因為質素好又抵食，每間唔同嘅分店我哋都差唔多去過晒。荃灣亦都係我哋常去嘅晚餐好去處，今次新店開張，位於花之戀商場呢個新商場，好好行又多野睇，更加要來試吓啦。今次呢間分店仲有一個好大嘅室外區，好啱大家一班人嚟飲吓酒chill下。我哋大概下午六點前到餐廳，嗰陣時都未係好多人，所以環境好寧靜，我哋點左兩份晚餐兩杯嘢飲，加咗兩份廚師沙律，仲有甜品添。餐湯係龍蝦湯，上面帶有少少忌廉，賣相唔錯。旁邊嘅係黑糖小餐包，好有驚喜喎，帶有濃濃嘅黑糖味。呢杯凍咖啡都好唔錯，加上厚Cream，好濃咖啡味。鴨髀好大隻，烤得好香口，內裡啲肉好軟熟。菠菜蛋麵好香蛋味，而且麵條好闊，可以沾上滿滿醬汁。另外呢個豚肉西冷都好唔錯，肉好厚，帶子都好嫩。配上青蘋果絲，酸酸地，減少油膩感。最後食埋甜品就圓滿結束我哋豐富嘅一餐。依舊非常有質素又抵食！

荃灣新開嘅平價西餐，可能位置比較偏，人好少，喺donki迫完一輪去到餐廳覺得好舒服😂晚市套餐可以選擇湯或沙律，龍蝦湯味道唔錯，蝦味好重。個包有啲似某連鎖店嘅招牌黑糖麪包，都幾好食😋百零蚊食到威靈頓牛柳，梗係要試吓！雖然係迷你版，該有嘅嘢都有齊，牛柳好juicy，明明好瘦，但唔會韌，肉同酥皮中間層蘑菇都食到，蘑菇好香濃！食落比睇落高質。墨汁意大利飯反而有啲失望，隻軟殼蟹係好食嘅，但意大利飯太大蒜頭味，濃到食唔出其他味，唔難食但同想像中有出入。最後甜品心太軟就中規中矩，無配埋雪糕感覺都係差啲野😂埋單每人$140，由前菜食到甜品，性價比好高！