快樂餅店 (已搬遷) 新店位置

屹立接近半世紀嘅快樂餅店，沒有光鮮舖面，單純賣價錢平宜、實而不華嘅包餅🍞最特別就係有買少見少嘅忌廉筒🤤—————————————————🔹忌廉筒 $8第一次食咁懷舊嘅餅點😂餅筒十分酥化帶牛油鹹香，酥皮鬆化到係一咬就碎，入面有滿滿牛油忌廉，岀奇地滑、甜甜的☁️🤭坦白講平時好怕食butter cream(一般比較油膩)，不過加埋酥皮鹹味，令成個筒甜得嚟無咁漏～絕對係好邪惡😈好在細細個怕肥就記得同人share唔好自己食晒！—————————————————🧜🏻‍♂️口水度：🌕🌕🌕🌕🌑🤑性價比：🌕🌕🌕🌕🌖🧚🏻‍♀️打卡值：🌕🌕🌗🌑🌑🥰舒適度：🌕🌕🌗🌑🌑👅回頭率：🌕🌕🌕🌕🌑.♟Overall♟傳統港式餅店味道👨🏻‍🍳價錢真係街坊價！特別係看似小小忌廉筒真係好花功夫整🦄其實幾抵食其他提子包、菠蘿包、腸仔包大大個都係$5-$6左右，經過可以買黎試下懷舊味道😂

尋晚行經附近，本身想買沙翁做早餐，最後卻買了「號角」（正確名稱應該係 ~ 忌廉筒）隔左一晚的「號角」，想像唔到點解仲係咁鬆化?! 忌廉味道適中，甜而不膩。快樂~原來可以咁簡單。

不多說，只想為快樂呢間賣傳統麵包的老店，來個大雜燴，寫幾款食過的分享下︰蛋撻，吃過好幾次，水準有點飄，酥皮有時個底濕濕地，腍哂影響左整舊蛋撻，當然也有酥化時，水準不錯的。反而蛋味水準好幾次也差不多，甜度適中，$2.5一只，抵吃。菠蘿包，個皮夠脆的，唔會一咬碎哂，包夠軟身，$2.5一個，很特別又算不上，但又總會係云云既選擇之中要一個。墨西哥，唔夠菠蘿包流量快，較少遇到剛出爐，放耐左個皮腍哂，墨西哥包係要食剛出爐的。唔知係咪少左人食墨西哥包，好幾間連鎖都唔見有墨西哥包賣，唔會有日消失於風雨中掛？紙包蛋糕，看雜誌早前介紹金鳳，有提及那裡的紙包蛋糕，鬆軟黎講金鳳係鬆軟的，不過無咩蛋香，這邊的食到蛋香，個人黎講喜歡這裡有蛋香的紙包蛋糕。蝴蝶酥，大大塊，試過好幾次，都係唔多酥化，不過夠脆的。可能個人食得較甜，總係覺得甜度唔夠，牛油香味亦是淡淡的，較為一般的蝴蝶酥。忌廉筒，酥皮帶有幾重牛油味，忌廉較少，多一點會更好，帶點鹹，不過只收我$3.5，我收貨。椰蓉雞尾包，個人一向喜歡食較甜的雞尾包，這裡的夠甜，我歡喜。很怕雞尾包大大個餡少少，內裡空空的，這裡的不錯，椰蓉滿滿的。沙翁，有豆沙餡或者無餡，兩款也