勝發餅家

营业中

休息中

近日九龍城寨電影🎬興起懷舊熱，一早喺Google Map收藏咗呢間老鋪。去咗錦田江下圍村做藥物💊輔導，完咗大約5點半順便步兵💂15分鐘去埋勝發餅家買忌廉筒（$9），店員同老闆都好老，有外國人嚟買餅。第二🥈朝做早餐🥣，已經冇咁脆

呢間又係一間bookmark咗好耐嘅小店☺️有一期都幾多人去食～但因為唔係我杯茶，就算路過都懶得去買🙉呢日喺元朗早返屋企，終於諗起可以買返去屋企食！睇住地圖搵都唔算難，佢喺正路邊～本身諗住買四件 #忌廉卷 $9/件 ，但係叔叔sell我買五件俾個盒我～所以最尾買咗五件😂個盒個設計都有返咁耐歷史咁～☺️個忌廉卷個皮係有少少酥皮感覺，但偏硬少少，個忌廉都幾油膩，整體都真係唔係我杯茶🫢我老公鍾意食酥皮，佢覺得一般。而屋企個小學雞就最欣賞，一啪啪咗兩舊😂整體食懷舊味道，未食過可以一試～

.60年就係 中國年曆法既一甲子一間老字號 歷史悠久既麵包糕點店.離錦上路MTR站都有20分鐘路程.最出名嘅忌廉筒｜當然要一試餅皮真心 脆｜香｜忌廉唔太甜😘我仲買個 紙包蛋糕🍰 同 朱古力千層糕都係一般.但我miss左個蝴蝶酥下次經開再買

呢間位於錦田，同樣歷史悠久的餅店，由錦上路站行過去大概十分鐘，電視台都有訪問過，最出名就條懷着忌廉筒。不過住該區的朋友表示唔好食兼職員態度惡劣，所以幫襯過一次就無下次。但我山長水遠入到錦田都支持下午小店，仲當手信咁買左三盒。我覺得店員熊度正常，手腳又快，至於食物我就買左兩款，感覺都唔錯。① 忌廉筒 $8製造過程工序繁複，市面上好少餅店會做。我都係第一次食呢個懷舊忌廉筒，個皮酥脆，每啖都有忌廉，但唔會覺得好甜。而現代當然有更多更好味選擇，不過也值得一試。② 蝴蝶酥 $8好大塊，幾香牛油味，不過唔知係咪放耐左，食落唔夠鬆脆，口感腍腍地，有少少失望。溫馨提示: 買六件先會有盒

難得入嚟錦田，當然要試吓好多人介紹的忌廉筒🤩佢係一間傳統餅舖每日新鮮製造👍🏻✨平日去吾算太多人，撞岩時間仲吾洗等🤭買左半打試下 拎番屋企下午茶一流呢個size岩岩好 忌廉食落去一啲都唔膩，同出面食開既好吾同 鹹鹹地幾好食外層個筒放左兩三個鐘都仲脆🤤夾埋一齊食好夾經過去開錦田推介值得一試🌟

聽人介紹話元朗有間傳統麵包舖有忌廉筒，仲要係香港傳統手藝，冇乜邊度有，所以就特登入去錦田買來試試😋😋入到去餅舖聞到好香嘅麵包味，仲有一個大玻璃見到入面廚房整麵包。一口氣買咗半打忌廉筒，仲要係新鮮啱啱整好，買嗰陣仲熱辣辣😍 好彩嗰日去得快，我買完嘅時候就有好多人喺後面排隊🫢🫢食落去鹹鹹甜甜，啲忌廉應該係人手打，同普通食開嗰種唔同，不過食落都幾膩，食半個已經好飽🥲 $8一個唔算好貴，經過買嚟試下都唔錯~😆

難得平日入錦田走走經到一間老字號麵包舖「勝發餅家」陣陣出爐麵包香氣，好吸引店內有賣蛋撻、蛋糕及麵包仲有懷舊忌廉筒忌廉筒牛角包般嘅外層捲成雪糕筒好香嘅牛油酥皮，但比較硬身入面包著師傳自製嘅港式忌廉質地幼滑，味道唔會好甜，有少少鹹甜甜鹹鹹，好似食緊椰絲忌廉包只賣$8嘅懷舊甜品，好佩服老師傅嘅堅持

今日睇到新假期介紹勝發，話個忌廉筒好正，於是問下住系元朗幾十年的朋友，佢話好多年前食過，普普通通，所以都無再去買。點知道老友11點幾WhatsApp來話去左，點知道條龍長到離譜，最後佢排左兩個鐘至買到。可能又系電視節目東張西望的魔力，加埋香港人哩兩年去吾到旅行，所以有新野都去，好似哩排油麻地間兩餸飯，一出電視就每日條龍1-200人當然老友送到比我已經下午2點幾，梗係吾熱。常溫版食法- 酥皮比較硬，但都系酥，吾會好似牛角包咁油膩，奶油吾算甜，口感都幾滑。微波爐翻丁- 哩個食法居然有驚喜，酥皮更酥更鬆更香，忌廉融左好似流心，食落感覺甜兩到三倍，但因為融左，可以用個酥皮舔來食，鐘意甜D又得，怕肥食少D又得，得左。大家要留意-營業時間：6am-8pm（每隔一個星期四休息），最好先問清楚有無休息。-準備足夠排隊時間。

去錦田四處逛逛，剛好遇上新鮮出爐的忌廉筒麵包，每人限買4件，於是排隊一湊熱鬧😄「勝發餅家」的忌廉筒的的式式，$7一個，麵包很鬆脆，整個筒內塞滿忌廉，忌廉厚厚的個人覺得偏甜，但小小的吃一個還是不錯啦。懷舊小吃，老師傅的堅持，必需要支持一下🙂

去到錦田半日遊，行過一間舊式麵包舖，一陣陣麵包香味！ 一入到去，見到有忌廉筒呢款懷舊小食😍😍 非常之吸引！忌廉筒 $7 一個; 半打有盒裝😊 試食個皮好脆，一食落覺得忌廉好「漏」，但係食食吓食到個 cream 有少少咸味，又幾口味喎！食食下就話咁快食完😂😂 係幾 ok 的 😃除咗忌廉筒，仲有唔同麵包同大大個嘅蝴蝶酥！下次有機會再試埋先 😉😃

屋企人最近喺勝發餅家買咗忌廉筒返嚟 聽講佢係唔少人嘅兒時回憶 表面係雪糕筒形嘅金黃色酥皮 入面就有滿滿嘅奶油 第一次食忌廉筒嘅我覺得佢個樣好得意🤣不過酥皮冇牛角酥咁鬆脆 反而係偏向厚實 而忌廉亦都唔係而家常見嘅幼滑口感  所以唔係我鍾意嘅口味 但我屋企人就覺得幾好食 可能係因為令佢哋諗起以前嘅味道？睇返相關資料 原來忌廉筒早於於50年代面世 有一段唔短嘅歷史 但由於製作工序繁複 所以而家喺香港已經買少見少 所以仲有餅家堅持製作係好難得 經已喺香港屹立59年嘅勝發餅家就係其中之一～

今日去錦田半日遊。行完壁畫村後，見到對面馬路間餅家有人龍，我又去湊熱鬧佢賣的麵包係大路嘢:菠蘿包，雞尾包，腸仔包...仲有老婆餅，紅豆餅，蛋撻，椰撻等...吸睛的忌廉筒條人龍就係為左呢款食物九龍好少見到茶餐廳或餅店有得賣。咁遠來到，都唔好執輸，買返件來試鋪頭細細，得4個人打理。兩個外，兩個內。就算唔係遊客的，街方客都絡繹不絕忙到有氣無掟抖本來一開始排的時候，仲有兩條剩。點知，好快就俾人買埋，要等下一round。其間，有人order40個菠蘿包，30條忌廉筒。其他客就10個10個包咁買蛋撻就半打半打咁買，真係嚇死人！原來錦田人咁鍾意食包等左半個鐘，終於到我喇！一盤19條，第一位的丫姐買10條，第二位買2條。好在我係第3位，買4條皇天不負有心人丫。。。會合班frd之後就開餐喇都過左7分鐘左右𠺢，但仲有微溫。個筒好酥，伯伯的手勢勁得。啲忌廉其實係咪奶油嚟𠺢呢？都係微溫，又鹹鹹地，仲好軟滑不過就有啲漏，食一條就夠喇！下次再嚟，要encore丫題外話:其中一個店員(唔知係咪老闆娘)勁好脾氣。啲客等得耐，有啲鼓燥。佢仲好聲好氣咁回覆