樓下冰室 (已結業)

平食荃灣➖樓下冰室🥳有日係荃灣想平平地食餐飯 行過見到呢間冰室好似好多人食就入左去😝估唔到有意外驚喜🤩〰️午餐樓下三寶飯 $49🍚《自家製免切叉燒 瑞士雞翼 煎蛋》✨叉燒好淋好好食 終於知道點解佢可以免切成塊上 因為佢真係咬得開😹😹味道醃製得好好 入曬味同埋外面有層甜甜地嘅蜜糖🍯✨瑞士雞翼係普通瑞士雞翼嘅味 不過佢都好入味 唔會得外面層皮變左色 抵讚❣️😟不過飯量比較少〰️午餐蕃茄叉燒通粉 $46🍅超推介❣️✨樓下冰室最出名就係佢嘅招牌蕃茄濃湯 每飲一啖湯成個口腔都充斥住濃郁嘅蕃茄味🍅🍅🍅✨多士都烘得夠熱夠脆☺️〰️忌廉紅豆冰 +$10 🥤🤤呢個真係大推唔係講笑 啲忌廉好似雪糕咁🍦又綿又滑💰 $108 (2人)食物質數 ⭐️⭐️⭐️⭐️環境舒適 ⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️#hkcp_荃灣 #hkcp_冰室篇 👉🏻真係好抵食 不過環境同清潔度就有待改善🤭➖➖➖➖➖➖➖➖➖➖📍樓下冰室 (荃灣)荃灣路德圍14-18號B舖

今日老公過咗去荃灣嗰邊見客，其實荃灣嗰邊有好多好嘢食，所以順勢約埋喺荃灣食飯。記得路德圍呢頭有好多餐廳，今次就過嚟呢邊覓食⋯經過樓下冰室，見到有我至愛嘅紅豆冰，又有瑞士雞翼，所以就入咗去試吓。呢間冰室，裝修風格偏向懷舊風，擺放咗不少懷舊物品⋯打開個Menu睇睇，都幾多食物選擇，價錢就同普遍嘅茶記差唔多。今次我哋叫咗招牌胡椒豬肚滑雞泡飯、厚切豬扒拼煎雙蛋飯、瑞士雞翼、紅綠椰冰同忌廉紅豆冰。厚切豬扒拼煎雙蛋飯，塊豬扒唔錯，厚實嘅肉質柔嫩入味，加埋流心蛋，撈埋啲飯一齊食真係好正！呢排天氣潮濕，食返個胡椒豬肚滑雞泡飯健脾暖胃。呢個泡飯除咗有爽口嘅豬肚同嫩滑嘅雞件之外，仲有支竹、鹹酸菜、白果、津白、唐芹⋯非常足料！先試啖湯，味道鮮美濃郁，但又唔會膩口，不愧為招牌菜之一。輪到呢度嘅招牌瑞士雞翼，呢度嘅瑞士雞翼真係絕對唔馬虎。首先係用雞全翼，雞翼烹煮嘅火候控制適中，每隻雞翼都可以做到皮爽肉嫩，而且仲好入味，必食推介！最後講返兩杯飲品，先講杯邪惡忌廉紅豆冰，喺紅豆冰嘅基礎上，加上滑滑嘅忌廉增加咗紅豆冰嘅滑度同奶香，真係十級邪惡！杯紅綠椰冰平時係冰室好少見，點知真係有驚喜，正！佢個蕃茄濃湯又係招牌之一，

放假又到荃灣搵野食。今次黎到路德圍一間超人氣冰室。大約十一點半去到，已經被食客坐滿晒。等咗5分鐘度就有店員帶位，都算幾快。坐低咗就order 「番茄濃湯炒蛋通粉」加「油雞脾」。其實都幾好食，未試過食通粉個湯底咁濃咁惹味。而個雞脾絕對唔係普通茶記食到果種... 淡淡肉，配埋特製醬汁簡直係食到停唔到口！不過略嫌重口味咗啲！散叫嘢食就可以半價試到特色飲品。今次叫咗「忌廉紅豆冰」。好有誠意既一杯飲品：超多忌廉同紅豆，嘢飲又好夠味！有機會大家都可以試下菠蘿冰... 之前有朋友試過都大讚！