I Love You Dessert Bar (已結業)

雖然坊間有唔少小食店都跟上潮流供應梳乎厘pancake，但始終都係覺得始祖呢間最好食話哂拎過米芝連，一定有佢既優勝之處。記得最早期食果時都係得兩三隻口味，依家多左唔少新口味，仲加左鮮果口味更豐富。最愛芝士既我當然二話不說揀左cream cheese一拎上手已經聞到好香奶羶味，面頭火灸成焦香，睇見都流哂口水。Pancake一如既往咁鬆軟，好似綿花糖咁，但又幾厚實唔會好似陣風咁，配埋creamy既cream cheese鹹鹹地奶香十足新出既拿破崙系列更加出色面同底既拿破崙餅乾非常香甜鬆脆，夾住軟滑既吉士醬同新鮮芒果，又香又甜又好味身為Soufflé pancake專門店當然唔少得班戟～～呢個拿破崙中間夾左塊好似蛋糕咁軟綿綿既班戟，入口層次好豐富，一啖食到幾種唔同既口感，大推呀

係太子食完烏冬, 突然想食點甜品,於是行呀行呀行黎旺角食我最中意GE梳乎厘班戟.呢度GE班戟味道甜美, 具豐富蛋奶味,質感香軟, 沒有過份的空氣感, 視覺效果一流, 彈下彈下夠晒治癒.之前幾次我自己都係食原味, 今日我地一家大小黎到, 就不如叫多一兩款味道試下.超好味, 真的. 忌廉芝士與甜美GE班戟非常夾味, 我同老婆都好中意呢款味道, 下次黎都會再叫呢個.賣相好靚, 望第一眼會流口水. 但食落之後, 相比忌廉芝士, 會顯得呢個有反差. 我個人覺得芒果同班戟味道唔太夾. 認真望一望餐牌, 原來都有好多味道選擇.之前食過蘋果肉桂味, 都唔錯. 但個人口味係鍾情忌廉芝士多D.今日星期六, 3:10PM黎到, 有雨. 人唔多, 但仍要等25分鐘先食得.