HeySoNuts

营业中

休息中

即興來到土瓜灣區內的人氣餐廳HeySoNuts，一打開menu就被tiramisu吸引，即刻order咗，好期待～主菜叫咗熱門推薦的忌廉野菌汁貓耳朵意粉。難怪呢道菜成為餐廳熱門菜式，左右望一望，見到不少枱客都有柯打呢道菜。貓耳朵意粉其實都係意粉的質地，只係外形整成一片片，好似貓耳朵咁。上枱時見到貓耳朵意粉都幾厚身，本來都有少少擔心會唔夠掛汁，食落味道會略淡，但醬汁味濃，加上味道明顯的黑松露，味道都幾balance，掛汁力幾強勁！另一款慢煮紅酒牛面頰亦相當出色，牛面頰煮得軟腍，但筋位依然有微微韌度，唔會煮到「梅」晒。香濃的紅酒醬汁會另上，入面仲有洋蔥、紅蘿蔔等配料，味道帶點微酸，好醒胃，用來配襯牛面頰可解膩，配埋放喺牛面頰下面的薯蓉更是絕配，正！甜品終於出場！！提拉米蘇梳乎厘班戟震騰騰地上枱了。一道甜品有兩件梳乎厘班戟，加埋幾塊朱古力小餅乾，以及一小杯咖啡。侍應話可以直接將咖啡淋落梳乎厘班戟上面，咖啡的微苦、清新令甜甜的梳乎厘班戟解膩，蛋味香，又唔太甜，好啱女生，大推！微苦的GIN TONIC，令鬱悶的心情都放開了一點。

HeySoNuts可算係土瓜灣區內最具人氣既cafe，以前都係區內居民幫襯為主，屯馬線開通之後，多咗好多區外人前往。當日我3點幾去，到離開餐廳嗰刻仲有人等緊位伯爵茶忌廉日式梳乎厘鬆餅🥞仲記得上一次去HeySoNuts既姊妹店Black Coffee，食到香橙片日式梳乎厘鬆餅，係一試難忘。帶住呢份記憶自然係有expectation，所以有啲失望，蛋白似乎打得太勁、空氣太多忌廉野菌汁貓耳朵意粉🍄呢一道貓耳朵意粉係必點，忌廉creamy，野菌味濃郁，沾滿醬汁既貓耳朵煙韌彈牙，不過比起之前稍稍失色柚子咖啡梳打想介紹下呢杯飲品，由柚子醬、咖啡、梳打混合而成，酸酸甜甜又有咖啡香，味道幾特別幾清新

剪完頭髮去左土瓜灣既heysonuts女朋友極力推薦係北帝街街尾呢間係土瓜灣都算有D名氣而且係旺角仲有間叫black coffee既姐妹店星期六下午三點幾去到都一樣要排隊不過就有飛仔拎但行左半個鐘番黎岩岩好叫到我地number竟然有另一pair客撞飛唔知寫錯左定點啦讓左人結果又再遲左入餐廳口門位有bar檯再入面有4人檯同2人檯就唔算係好細間果隻檯面都算寬落而menu就成本書咁有晒膠套入面仲有餐廳design都幾有心思食物種類仲好多到最後仲有兩頁工藝之道諗起之前係日本食比人鬧果間豬扒飯佢份menu手寫左叫人尊重食物之類既野侍應都幾有禮貌係MK少少食物就真係即叫即整落左單都要等一段時間先有上檯果時真係出晒煙揀喇沙汁意粉既原因係見佢用左成頁黎介紹喇沙汁話個自家製喇沙汁用左十五款材料整成麵條索晒d汁食落去係好惹味海鮮材料亦都夠多另外忌廉野菌貓耳朵粉同喇沙汁比就寡好多比較清淡cafe revol果個紅燒牛肉就好味好多而今餐重點係個甜品earl grey忌廉梳乎厘pancake軟淋淋好鬆軟最後係紫薯窩夫雪糕第一次食到窩夫入面有麻糬堅係外脆內煙韌口感好特別兩個主菜兩個甜品有加一埋單都要成四百幾以舊區

土瓜灣一帶最近有很多新店開張,而且每一間都很吸引~難怪屯馬線在週末都十分爆滿!這次去的是很多人打卡的Heysonut~還好到達的時間早,幾乎不等位~離開的時候,門外已經排了好幾桌的人了~前菜先點了一個炸魷魚圈~但實在是全餐最大敗筆...魷魚圈的梳打粉味很重,而且炸粉比較厚...主食點了忌廉野菌汁貓耳朵意粉~忌廉野菌汁有香濃的菇菌味,而且很creamy好吃~貓耳朵耳粉比較厚,所以煙煙韌韌,每一粒都裹上了滿滿的醬汁~另一個主食點了黑啤煙燻豬腩肉意大利飯~意大利飯用很熱的鍋盛載,有豬腩肉的油香味,也有啤酒的麥香味~但不喜歡啤酒味的人可能很臭…到了期待的甜品時間窩!三個人點了一份窩夫配曲奇忌廉及朱古力雪糕,新鮮熱辣上桌~窩夫很鬆脆,但沒有甚麼香味...配料有oreo餅跟朱古力雪糕,雪糕有香濃的朱古力味~此外還點了伯爵茶忌廉日式梳乎厘鬆餅~梳乎厘鬆餅是這裏的皇牌,果然好像係空氣一樣,很鬆很軟滑~而且伯爵茶忌廉茶味香濃,配上梳乎厘鬆餅實在非常正,難怪是小店的皇牌!

//< HeySoNuts >小編好耐之前食black coffee已經知道呢一間餐廳同佢係同一個老闆～ 小編去開土瓜灣，就諗起要試下喇！小編星期六去，都要等20分鐘左右🙊————————————- 忌廉野菌汁貓耳朵意粉 $98 -好快冇食貓耳朵，呢度既貓耳朵煮得啱啱好🥰但有少少煙韌感！配埋幾香嘅忌廉野菌汁，好滿足！上面仲有少少核桃添架😋————————————- Waffle with caramel banana and vanilla icecream $80 -全份嘅窩夫非常飽肚，有四大舊😆外脆內軟，有蛋香味，幾好食🥰配料除左焦糖香蕉🍌、雪糕仲有吉士醬～ 由於等得比較耐，建議大家唔需要後上或者main黎到就好order喇🤪————————————- Tiramisu Soufflé Pancake $98 -疏乎厘略嫌佢仲生生地😅 但係上層的確非常滑，下層亦食到蛋香味～ 咖啡酒作用不大，份量亦相對少，覺得加左分別唔算非常大🙈整體okay～————————————- Iced Cappuccino $46 -呢杯Cappuccino面頭好多奶泡，但係奶味唔算好重～

heysonuts門口永遠都不乏人龍，佢的確係區內唔錯的cafe選擇，唯一唔好的地方係門口係當風位，等位時候要吹風。蕃茄湯好飲，唔係死甜的茄膏味，唔錯。呢個貓耳朵意粉係我地每次必點，貓耳朵煮得啱啱好，有咬勁，唯獨今次有少少失準，冇咩味道，好淡口，但我知平時水準唔止咁樣，可能今日大廚放假。呢個黑啤意大利飯係新品，黎到我地都比佢份量嚇親，就係手掌心咁細，而且味道好甜，雖然我知黑啤係會偏甜，但呢個似食緊甜飯咁。至於souffle pancake就係佢地的招牌，伯爵茶味係來自cream，唔係來自pancake，pancake做得好好，好fluffy。絕對值得encore

💛 #hkfoodmapcafetour💛 #hkfoodmap土瓜灣Tiramisu Soufflé Pancake🤤入口即溶 蛋香濃而不膩 充滿空氣感～配埋咖啡酒 口感味道都超豐富☕️！呢間良心cafe除左soufflé pancake主菜也不錯的☺️忌廉野菌汁貓耳朵意粉個汁整得好香～貓耳朵意粉有咬口 每粒都好入味😻如果多番小小汁會更好💛魚柳漢堡嘅魚柳炸得有小小太乾 但我自己接受到～小驚喜係個包身係脆㗎 更添口感🍔不過可能個魚柳唔夠熱所以芝士真係成塊咁 溶都唔溶下 食落差咁啲🥺70%比利時鮮奶朱古力味道好rich好香濃 而且好滑～帶點微甘 唔會過甜🍫

我同男朋友難得黎到土瓜灣拍拖，夜晚入左呢間HeySoNuts食晚餐。睇完餐牌，揀左四樣野食：海鮮黄薑意大利飯，忌廉野菌汁貓耳朵意粉，自家製髒髒比利士朱古力醬日式梳乎厘鬆餅配焦糖香蕉，薑味麻糬窩夫配以自家製栗子蓉及香草雪糕。海鮮黄薑意大利飯軟硬度適中，黄薑味唔重，海鮮有蜆肉，魷魚同蝦，仲有番茄仔。佢有片檸檬俾你自己吱落飯到，估唔到令到個飯酸酸地，每啖都好開胃清新。忌廉野菌汁貓耳朵意粉個汁好食，意粉十分能掛到個汁。印象中第一次食貓耳朵意粉，好有咬口，幾特別。自家製髒髒比利士朱古力醬日式梳乎厘鬆餅配焦糖香蕉係新出品，用上72%既朱古力，淋上勁多朱古力醬，但都唔會過甜。鬆餅有蛋香味，鬆軟好食。朱古力迷大愛。薑味麻糬窩夫配以自家製栗子蓉及香草雪糕好有驚喜。麻糬窩夫口感煙韌脆口，薑味同窩夫都幾夾，連我唔好薑既人都覺得好食，好有創意！呢間小店好有心，值得支持。

近來社會運動不斷，搵食意欲大減，但看到一個FB post提醒人，其實可以多些活在當下，令餓底若有所思，隨即約了朋友去小區搵食！餓底在土瓜灣讀小學，成日想搵機會返去，那就來這區吧！又比較安全。朋友說Heysonut的梳乎厘鬆餅很不錯，於是正餐點少啲，留肚食甜品！忌廉野菌汁貓耳朵意粉這個意粉也太。大。碟了吧！根本就是兩個人份量，太誇張了！味道也非常好，野菌忌廉濃而不膩，貓耳朵意粉煙煙韌韌，吃罷一碟超滿足。青口店員推薦的青口，沒有渣，沒有怪味，細細隻，很鮮嫩！仿如置身澳洲！就連配角蕃茄仔&洋蔥都好好味！蒜蓉包脆脆地，點下碟底的湯汁，食到lamlam脷。柚子咖啡梳打也是店員推薦的，朋友說從未飲過如此清新的齋啡！大概是柚子的香甜，中和了咖啡的苦澀，整體超易入口，讚呀！Tiramisu 梳乎厘pancake 主角！這pancake的質感比較接梳乎厘，充滿空氣感，表面鋪了一層tiramisu，一口咬下來，又有芝士香，又有蛋糕香，滿口幸福感，呀！差點漏了那個"糖漿"，倒在pancake上，咦？水一般？嚐一口就明白了，那不是糖漿，是rum酒汁！不甜，好香！呀！為了這個pancake，排隊都抵！

土瓜灣少有的chill 得，野食都good的cafe😀 星期六中午去到，要排左差不多20分鐘先有位HeySoNuts Breakfast高質用心! 好多食物係平時啲all day breakfast唔會有既～ 滑蛋、德國腸唔在講，仲有藜麥、乳酪、大啡菇😋 手打西冷漢堡配薯條手打西冷非常高質👍🏻 西冷好厚、唔韌又夠juicy!🤤 巨型大啡菇、蕃茄都好多汁！個包烘過下，脆脆地～ 由於好足料，仲有千島醬，食左半個已經飽飽地😅 薯條唔會油膩～忌廉野菌汁貓耳朵意粉貓耳朵賣相幾特別😆 忌廉汁好香濃好creamy!不過偏鹹～ 雖然有啲合桃粒，不過食食下都有點膩無多個胃食出名的Soufflé Pancake!! 可以再來一試～

相信呢間咖啡店都係土瓜灣最出名既一間，但係經過左幾次望入去都係黑媽媽，重門深鎖好似好神秘咁🤡呢日晏晝又係車行街睇緊食邊間之際，咁啱見到有人入就跟住入去，然後入到去其實完全唔恐怖仲熱鬧得很😂呢間既食物選擇多的是，會想試佢嘅粉飯、全日早餐、漢堡、窩夫、疏乎厘，簡單啲黎講係所有野咁濟，希望有試曬呢堆野食既一日🥞▪️ 忌廉野菌汁貓耳朵意粉（7/10）💲98一於試好多人推薦既貓耳朵先，入口有好香濃嘅忌廉野菌味🍄仲帶有啲核桃碎，但係核桃唔係好脆身嗰種，個人覺得有少少係多此一舉，寧願佢唔加好過加🤔至於貓耳朵並非好煙韌嗰種，不過都有咬口既，但尾段或者會有點膩🤤▪️ 是日餐湯 或 油子汁雜菜沙律（7.5/10）+ 餐牌上任何一款飲品（8/10）💲+15 (Lunch)呢度就無特別做午餐限定既餐牌，只係得呢個叫熱食或者沙律可以加錢要野既優惠💰牛油甘荀湯比想像中要出色，質感滑身，濃度適中🥣一壺既玫瑰花茶係有超級多粒既玫瑰花，沖出黎已經香氣十足，飲落係濃得黎夠天然唔假既玫瑰味🌹🔎 整體評分（7.5/10）