Hands-On Coffee (已結業)

見到網上間餐廳做緊折扣優惠，所以就諗住去試吓啦～本身約咗7:30 ，但係嗰日遲咗少少去，坐低冇耐侍應就同我講8:00 last order仲要8:30就閂門... 咁點解要俾人book 7:30呢？ 不過由於已經坐低左，所以就算啦講返嘢食，忌廉味非常重，反而黑松露味唔係好覺 菇嘅份量都唔算少，醬汁都夠杰，可以比意粉掛到汁，食落creamy又有咬口，幾好食再叫左個All Day Breakfast，一拎上嚟就覺得擺盤好靚！同埋份量都幾多 最好食應該係個牛角包，幾香，係淋左啲 其他食物都正常水準，冇咩特別～ 不過都滿足到我咩都想食啲嘅心態有折扣夠抵食，食物質素又唔錯，如果下次唔係咁趕嘅話都可以再幫襯

睇戲前食咩好？比我行過望下望見到一間上樓cafe😄(從下望上去佢的外觀已經幾吸引)。即管上去試下😅電梯上3F，一開門……wow……幾靚而且簡潔，正啱我口味👍服務員隨即問我地幾位之後就帶左我地去窗口位！一邊食一邊望到街景又幾正😉我地分別點左個all day breakfast, 忌廉黑松露野菌意粉， 冰朱古力，冰黑咖啡！個全日早餐超豐富，碟上樣樣都好新鮮&熱辣辣。忌廉意粉亦相當好食👍👍👍杯冰朱古力正正係我喜歡的(不太甜&帶有谷古味)……正丫🤘下次一定會再去😁🤗☺️