INN - I’m Not Nothing (裕民坊YM²)

营业中

休息中

自從有返晚市堂食之後，就覺得自己有返朋友，呢一日就約咗觀塘buddy去YM2嘅打卡餐廳 INN - I’m Not Nothing。入面嘅環境真係好靚，仲設有室外同室內嘅位置。如果天氣唔太熱，我就會推薦室外嘅位置，比較寧靜同舒服。因為我哋覺得好肚餓，所以一嚟就叫兩份主食。芥末籽蜜糖焗美國頂級豬鞍架賣相已經夠晒精緻。美國頂級豬鞍架屬於厚切，肉質非常鮮嫩而且帶有肉汁，配合芥末籽蜜糖醬真係幾好味。而呢個豬鞍架嘅伴碟菜式都非常豐富，唔同顏色嘅蔬菜配搭繽紛，有黃色嘅粟米、橙色嘅甘筍、紅色嘅蕃茄、紫色嘅紅菜頭、綠色嘅西蘭花、啡色嘅新薯，再加上食用花作裝飾，真係美麗如一幅畫。意大利煙豬肉卡邦尼意粉充滿濃濃嘅蛋黃香，煙豬肉嘅油脂非常甘香，整體味道都好香濃。嚟呢度食飯，個個都必點佢哋嘅法式班戟，我哋就揀咗玉桂蘋果杏仁片焦糖忌廉班戟，仲加$10配埋雪糕。法式班戟灑上甜甜嘅焦糖醬，仲有經烹煮過嘅蘋果肉同杏仁片，上面有微甜滑滑嘅忌廉，呢個組合簡直係絕配。加配嘅雪糕係雲呢拿味，非常香滑，配埋法式班戟食真係非常夾。

終於有得出街食晚餐啦！！！竟然有一日會講呢句說話，有時係餐廳食飯唔單止係醫肚，仲係同環境、餐廳廚師、侍應甚至其他客人交流既難得體驗，所以每餐都好值得珍惜！今日book定枱去公司附近既裕民坊食晚餐，呢間INN其實成日經過，每次行過都比佢特別油畫同靚靚花草打卡位吸引到，今次終於黎食啦！一去到有得揀坐户外定室內，難得天氣好唔太熱同潮濕一於坐户外！先食個starter，炸拉絲芝士條（$68），有6條Mozzarella芝士條，旁邊仲有橄欖油雜菜沙律，係一半邪惡一半健康之選，芝士條炸到外脆內拉絲，送酒一流！叫左兩個主菜 意大利煙豬肉卡邦尼意粉（$118）、芥末籽蜜糖焗美國頂級豬鞍架（$208），意粉既忌廉同蛋香恰到好處，每啖意粉入口都好濃好creamy，仲有煙肉同菇增加口感。豬鞍架既肉好厚，外層焗到甜甜脆脆，咬落口感紮實又夠juicy，而配菜亦都非常有心思，除左有好多款焗蔬菜，佢既焗薯超好食！焗薯外皮焦香脆口而入面鬆軟，差啲想問佢有冇得追加😆甜品好有驚喜，叫左肉桂蘋果·杏仁片·焦糖忌廉班戟（$78）crepe 皮好軟糯，配上香甜焦糖醬同酸酸既玉桂蘋果，尤其欣賞玉桂蘋果煮到好入味，杏仁片亦落得好大

裕民坊開咗無耐就已經見到呢間唯美風格嘅餐廳，周圍都係花花世界同藝術品。今次趁住要慶祝女朋友完成咗單大project，就book 咗呢間慰勞下佢。我哋揀咗出面嘅位坐，未叫野食都已經俾浪漫嘅氛圍包住，每個corner 都係打卡位，從女朋友sweet 爆嘅表情已經睇得出我呢個男朋友已經加咗好多分 講返野食，唔好以為餐廳只係靚係個樣，野食都做得足！先嚟女朋友最鍾意飲嘅Matcha Latte，我試飲咗少少，好香嘅抹茶味，但係唔會好甜，同奶味勁match，我忍唔住偷飲多幾啖 Mozzarella Cheese 係我呢個芝士控至愛，新鮮炸起熱辣辣，芝士味又濃，仲可以拉絲拉到勁長，對我你講好好玩 Carbonara 易整但係唔容易煮得好食，但係呢度整得相當唔錯，忌廉同蛋味都好出，煙肉唔係普通貨色，肉味濃郁又夠咸，意粉仲要煮到啱啱好嘅硬身，啖啖滿足。上到枱已經覺得好大份，焗得好香，食落仲有陣陣燒豬肉香味，值得一提係隔離嘅配菜入面個薯仔炒得脆口好好食！唯一美中不足係豬鞍有少少焗耐咗，有d 乾身，要用醬汁補返濕度。其實係crepe 可麗餅，不過塊餅冇包埋嘅version。塊餅唔會係出面食好薄個種，肉桂味

聽過這間cafe好耐，前排朋友約去觀塘食嘢，就順道去食。cafe雖然是在裕民坊商場內，但自成一格，感覺像去了另一個地方，好有空中花園的感覺！好欣賞餐廳佈置的心思，是不錯的體驗，怪不得閒日都幾多人去，而且枱凳都好有high tea 感覺。（記得book位！）店員服務都好好，安排好快。雖然是餐湯，但用花點綴，夠精緻。當晚是南瓜湯，熱辣辣飲，啖啖南瓜肉水準不錯。大蝦蒜辣欖油扁意粉—幾impressive的意粉，味道特別得會令人記著。意粉是乾身的texture，以好多蒜粒作調味，配上辣粉，辣辣地幾過癮😋還有好多厚肉彈口🦐🦐意大利煙豬肉卡邦尼意粉—有別於其他餐廳，這裡的carbonara creamy得來重香蛋黃味，再以芝士和蛋白、蒜粒等調味，好濃香蛋汁，醬料調配幾好，意粉就軟硬剛剛好維他命c健康水果茶—好香花茶味，還夾上了水果的甜味，幾清新士多啤梨藍莓奶昔—擺一陣等d冰粒溶多d d飲好好飲，入面飲到真材實料🫐粒 ，不會太甜值得一提的是，如果慶祝生日，餐廳會播生日歌的，唔怪得當晚有成3枱慶祝，真係好有氣氛～