Ciao Ristorante Italiano (已結業)

這間餐廳我好耐之前都知架啦，只不過一直都未試過，但今次個fd都話想試，終於都有得試啦。呢間餐廳係以$148就可試五十幾款食意大利野真係抵，而且食物味道幾好，我地一次都食左四十幾款，因為有十款都係意粉及意大飯，一次過都食唔到咁多啦，所以只係主攻沙律、頭盤、湯、主菜及1-2款的意粉。食左咁多款之後，我個人推介 1) 巴馬火煺什菜沙律(抵食!) 、2) 鮮蝦什菜沙律 、3) 意式生牛肉(入口香滑!)、4) 煙肉大蒜焗石蠔、5) 凍深海翡翠螺(幾新鮮!)、6) 瑞士什錦芝士拼盤(好芝士者這款實在抵食，因可一次過試到幾款。)、7) 黑松露菌汁燴闊蛋面、8) 鮮墨魚汁燴闊蛋面(愛吃墨魚汁者不容錯過!)、9) 野菌燴意大利飯、10) 紅酒燴香草牛尾骨、11) 蜜糖汁燴鴨脾肉、12) 鴨肉脆卷、13) 甜品(每位一客) - Tiramisu、莓子鮮奶忌廉奶凍、木糠布甸(本人就最愛Tiramisu)。雖然交通方便但略遠，不過食物水準都可將其彌補!

(11/3/09)雜誌間唔鐘都見佢賣廣告,一直都被那生牛肉、Tiramisu吸引住。平時三點幾四點時段又唔開門,想買走都唔得。今晚冒住唔多好既食評、差既服務態度下,堅決要來食。這次顧,覺得service完全無問題噃!一叫就應,仲幾有禮貌添!$148位,無o野飲(+$28可任飲common drinks)。前菜意式生牛肉：不是入口即溶,味道似薄版煙三文魚,加埋橄欖碎,有意大利風味。深海翡翠螺：好大隻吓,而且好鮮甜!老公話好多沙,但我食兩隻都無喎。鮮蝦溫室什菜沙律：有驚喜!千島醬撈埋蕃茄粒,好正!仲有唔係雪蝦,係鮮蝦呢。煙肉大蒜焗石蠔：雖然隻蠔係瘦D,但焗完仍有海水留出&陣陣海水味~香蔥燴都靈田螺肉：人人說它如白烚,不過我卻欣賞,其實佢「白烚」得黎,有微微的香蔥味,咁整,無薯蓉焗咁溜,且能保留螺肉原清甜味。烤意大利腸伴辣椒汁：「意大利腸」實在係普通的不脆皮大肉腸吧!三文魚醬焗法式蒜蓉包：平時我怕食法包,因為太硬刮損嘴巴。但Ciao每個order都係即叫即整,令這包鬆軟兼脆口,難得難得!老公都話呢個包同平時食開的唔同。黑醋汁什菜雞肉卷：所謂什菜,只不過係那粒紅蘿蔔也!當食雞肉片,無特色。餐湯