Penthouse (已結業)

同老公食生日飯, 揀左間米豬蓮食肆, 見人地寫景靚食物好, 都有興趣試下, 不過可能係我期望過高, 我諗住係有景既FINE DINING, 但係出黎係一般好味既西餐而巳.首先, 職員都好有禮貌, 但係就較似茶餐廳禮貌, 親切但係唔嚴謹, 幾個穿著灰色運動服既人走來走去, 我覺得係好破壞氣氛, 用語都唔係太端端莊, 介紹食物時好簡潔 (少許求其),  係咪我要求太高? 但係佢地唔係想做呢個格局, 其實可以唔介紹架. 然後餐具擺枱及裝飾, 係直家傢俬0個種大路款, 唔係唔靚, 唔夠精緻囉.食物黎講, 頭盤送上既麵包超硬, 肯定唔新鮮, 又唔識噴水去焗脆個皮, 湯味道好淡.帶子同埋蟹餅係好味既, 但係個擺法...... 唔夠靚喎, 主菜係最好既, 三文魚超滑, 牛扒都鮮, 甜品個綠茶布甸好好味其實諗下, 銅鑼灣千二左右二人晚餐有咁多野食 (團購價), 而整體食物質素OK, 其實應該算可以, 只係我期望FINE DINING而實際有落差啫, 不過餐廳服務各樣有點三不像, 諗清楚行咩路線可能會好啲. 

今年生日就去左銅鑼灣Penthouse度食生日晚飯！一上到去就有侍應帶左我地一個向住維港既座位度坐，感覺好享受！我地都睇左個餐牌好耐，睇住樣樣都好想食！但一睇到個set menu既時候，見到啲choice都幾岩食，最後就決定叫左兩個2人set menu！$1300幾蚊一個set menu，都算係幾抵食！(但因為太興奮，無影曬所有野食😂)唯其我最鐘意既係個Rib eye steak!!!!!!佢啲肉真係好冧滑！同埋個個烘過既蒜同個steak好夾好正！好欣賞呢度既服務態度，每個侍應好好招呼，以客為先！當有員工知道我地想一齊影相，就會主動提出幫我地影相！好貼心！再加上因為係生日飯，就好識做咁幫我屋企人夾驚喜，係最後既甜品度寫左Happy Birthday ！見到個陣都覺得好幸福咁！

由於友人生日，一早就決定咗食午餐慶祝，之後行sogo thankful week shopping,所以朋友仔就一早選擇左大量嘅餐廳給我選擇！朋友仔所揀嘅餐廳主要係位於銅鑼灣及中環一帶，經過主角一輪的篩選後，最終選擇了呢間攞奬嘅餐廳！店舖位於登龍街，係Time square 附近，位於Midtown 30樓!係一樓大堂見到citi bank 做緊優惠，消費滿$500 可換$100coupon 可於下次某些餐廳度用！聽落都幾吸引！由於一早致電book 位，所以都不用等候，已經領我們進去！由於時間尚早我們訂的是12點午餐時段所以當時入面並不多人，我相信即使walk in 都會有位！門口擺放獎狀！我們坐定位之後，要決定食咩！餐牌分別係salad bar + dessert+/-湯+/-main course! 很快便決定了加main course, 唔要湯，怕飲湯吃不下其他東西！選擇了主食後，便往擺放食物的地方進發！自助沙律吧的食物的款式不多，兩款熱盤，沙律，芝士，ham，沙樂美腸，蜜瓜，蝦同螺！不過款式雖不多，但味道不俗，最愛螺，鮮甜而且一點也不鯹！主菜，我地知道這裡出名三文魚，於是便點了