Pici

营业中

休息中

Pici @ D2 Place聽講Pici手工意粉同Tiramisu 都幾出色，今日難得同朋友經過 D2 Place，就入嚟試試。荔枝角分店嘅裝修好有復古英倫風格，寬敞闊落又坐得幾舒服，員工嘅服務都好好有禮貌。我哋星期日中午去到冇乜人可以直接Walk in。因為就咁睇Set Lunch好似都唔太啱食同埋太多，我哋就直接散嗌算：🐟Tuna Tartare呢度吞拿魚他他我覺得比其他餐廳食過嘅好食，夠晒入味，份量亦都好夠。🥓Andrea's Cold Cuts整體嚟講呢個火腿拼盤算係一般，但值得一題既係火腿肥瘦適中而且味道唔算太鹹，配埋水牛芝士食落都幾過癮🍝Pappardelle Beef Cheek算係本店嘅其中一個Signature之一，整體嚟講味道唔錯，不過不失。牛面頰煮得夠林，手工寬條麵幾有咬口，同時亦都juicy掛到汁。☕️Tiramisu雖然賣相睇落唔係好吸引，味道都算係唔錯，一嚟就聞到好香嘅可可同埋咖啡味。入口有陣豐盈既奶香，Lady Finger 亦都好入味。但整體只可講係不過不失，性價比唔算好高。🍮Panna Cotta意式奶凍有唔算好重嘅奶味，但就有少少偏甜食落有少少膩既口

四個女仔叫左一個二人餐($488)，係a la carte menu叫多兩個main，夠哂飽，意粉質感唔錯，再加上多汁條條意粉都掛汁，唔會太乾係好食既！叫完餐，侍應遞上餐包同橄欖油同醋，法包有d淋，烘熱少少會好d~二人餐-前菜蕃茄濃湯拼脆巴馬臣芝士(素) 蕃茄濃湯有少少辣，塊脆巴馬臣芝士就唔脆...用手搣碎再放入湯，唔好諗住用匙羹敲碎，唔係就彈到周圍都係焗煙薰水牛芝士(素)(+$25)熱辣辣，上菜聽到個盤吱吱聲，依個既法包就好硬有d難咬，鍾意芝士既朋友就可以大啖食芝士，拉絲得黎有d脆二人餐-主菜(意粉)意式辣肉扁麵辣肉量夠但唔算辣，配上微酸既蕃茄，又多汁味道唔錯~松露蜂蜜雙重芝士螺旋麵(素)黎到好香，聞到好大陣松露味同芝士味，食落味道偏甜，食落都係蜂蜜既甜味其餘兩個意粉，特別推薦慢煮牛面頰寬帶麵，係每次去都必點，濃郁既牛肉味好香，意粉好入味，強烈推薦而個肉醬水牛芝士意大利波菜綠雲吞既餡係芝士，一切d芝士流出黎，上面又有芝士，成舊都係芝士既味道，肉醬就用黎增加口感吧～