影片
更多
2011-07-28
149 浏览
食午餐時間，一場黎到南丫島，食個海鮮做午餐都好。原先諗住去另一間，不過望下d魚缸，呢到魚缸d海鮮選擇夠多，亦生猛，都係好似呢到吸引點，最後都係選擇黎呢到開餐。有咁多魚缸，循例都出黎睇下食乜好，瀨尿蝦非常活躍，一致都認為係不二之選，扇貝好大隻下，又試試，奄仔蟹，好少食，又叫黎食下，再加多一兩款，三個人，應該都夠飽。大熱天時，少不了叫枝啤酒，亦叫碟魷魚黎送下酒，見餐牌裡頭，吉列魷魚有粒推介星，是日就要吉列唔要椒鹽。吉列魷魚炸粉薄薄，不過鮮魷確實係出色，鮮魷厚身彈牙，唔洗點醬都好好食。不過好食還好食，用黎送酒始終少了椒鹽既惹味，下次還是食返椒鹽好了。辣酒花螺，聞落辣味幾香，不過食落就無咩辣味，酒味亦都唔夠，花螺就叫做唔錯，份量都ok，一大鍋。水準真係一般，令我更想再去花盃食果度既甜酒煮花螺。先黎係瀨尿蝦，咁生猛當然係要鹽水蒸，是日的唔算大隻，不過食落都好鮮味，亦夠哂彈牙，滿意的。市區真係唔係間間做蒸瀨尿蝦，椒鹽都唔係差，不過蒸的確實係更吸引。牛油焗龍蝦，係呢到既名物之一，牛油味強勁，未食都聞到，雖然龍蝦細細隻，不過都可以叫做多肉，牛油雖然強勁，不過無蓋過龍蝦既鮮味，係好味的牛油焗龍蝦。是日的
大熱天時，少不了叫枝啤酒，亦叫碟魷魚黎送下酒，見餐牌裡頭，吉列魷魚有粒推介星，是日就要吉列唔要椒鹽。吉列魷魚炸粉薄薄，不過鮮魷確實係出色，鮮魷厚身彈牙，唔洗點醬都好好食。不過好食還好食，用黎送酒始終少了椒鹽既惹味，下次還是食返椒鹽好了。
辣酒花螺，聞落辣味幾香，不過食落就無咩辣味，酒味亦都唔夠，花螺就叫做唔錯，份量都ok，一大鍋。水準真係一般，令我更想再去花盃食果度既甜酒煮花螺。
先黎係瀨尿蝦，咁生猛當然係要鹽水蒸，是日的唔算大隻，不過食落都好鮮味，亦夠哂彈牙，滿意的。市區真係唔係間間做蒸瀨尿蝦，椒鹽都唔係差，不過蒸的確實係更吸引。
牛油焗龍蝦，係呢到既名物之一，牛油味強勁，未食都聞到，雖然龍蝦細細隻，不過都可以叫做多肉，牛油雖然強勁，不過無蓋過龍蝦既鮮味，係好味的牛油焗龍蝦。
是日的扇貝真係可為大隻，夠鮮味，粉絲同蒜頭同下得夠重手，份量真係夠哂多，亦夠哂入味，係幾好食，個扇貝真係好唔錯。奄仔蟹，明明叫兩隻，唔知點解黎左一隻，當係少食多滋味，羔未算多，不過蟹肉鮮嫩，係好好味。
咕嚕肉，唔想炒野食，要點肉，酸酸的，大大舊果d幾好，細粒果d得d粉，味就偏酸，不過不失既咕嚕肉。
食飽仲有果盤，都係菠蘿最好。
坐緊海邊，陽光普照食海鮮，悠悠閒閒咁樣，又真係幾寫意。侍應自言自語，影響唔到我，我都唔理咁多。唔計酒水，每人四舊水，又龍蝦又瀨尿蝦，差不多吧。
张贴
