香香宮煮 (金輝大廈)

营业中

休息中

今日帶埋外國朋友過嚟感受一下中式宮廷風😆～雍穆公主 花膠雞湯鍋唔止店內裝潢，就連湯底名都有滿滿宮廷feel～花膠雞湯鍋，夠晒滋補養顏🥰手切頂級安格斯牛肉頂級安格斯牛果然高質，牛味濃郁🐮脆炸黑松露午餐肉😈黑松露遇上午餐肉，邪惡得黎幾好食陳年花雕醉鮑魚鮑魚新鮮彈牙有酒味🤤即炸黃金炒響鈴第一次見鹹蛋味嘅響鈴，鹹蛋味濃，吸滿花膠雞湯食更滋味😋豆苗+唐山菜想食得健康啲，所以點左兩款菜😂，蔬菜新鮮、洗得好乾淨👍🏻連豉油樽都係宮廷風📸

一連幾日長假，當然要約朋友聚聚，一大班人打邊爐就最適合不過🤣火鍋店以宮廷為主題，門口放置了龍椅及宮廷服供客人影相打卡🔸雍穆公主 花膠雞湯鍋大大舊花膠食落軟滑，足料又養顏🥰已預熱嘅雞放落去淥一陣就食得，湯底味道鮮甜🔸即炸黃金炒響鈴沾滿咸蛋黃嘅響鈴十分入味，外脆內軟，邪惡得嚟又有驚喜😍 🔸手切頂級安格斯牛肉牛肉厚薄適中，脂肪怖均勻🐮食落有點入口即溶，肉質嫩滑軟腍🔸脆炸黑松露午餐肉唔餐肉炸得脆口，加上陣陣黑松露香味🤤好食到停唔到口

去到尖沙咀，諗唔到食咩，咁岩向上望見到香香宮煮，好似幾特別就上左去！由於我係下午茶時間黎，無咩人，可以比我慢慢食！正！位置好闊落！仲有門面好特別，好靚，成個宮殿咁，仲有衫比係著黎打卡影相。坐低見到個餐牌，好特別！第一次餐牌都忍唔住影！以為自己接左聖旨！醬油都有心思，又係好靚！我叫左個卜卜蜆鍋！一黎到有啲失望，因為我唔食芫茜，點知成煲都係！眼見得幾粒蜆成煲茜！好彩同伴都唔好茜，大家好落力咁夾起哂啲茜！之後好驚喜！因為成個底都係蜆，多到最後係食唔哂！呢個湯底真係抵到喊！叫左個安格斯牛，又係驚喜之作，啲牛味好重，好嫩口，同伴腸胃唔好，食牛要碌到成個湯底都滾先敢食，但塊牛依然好好食，好嫩口！真心推薦！之後叫左魚唇，其實第一次食，黎到以為花膠啲fd，有啲失望，點知佢令到成個湯底勁鮮甜，口感仲好正，以後打邊爐都要識叫呢樣野！餃子拼盤預左係正野，因為手工餃子都唔會差，果然無錯！啲蟹肉餃係真係見到蟹肉，雲吞係成隻蝦！好好食！唯一無乜驚喜係個鴨血，係乜味！但都係好嫩滑！好似唔係叫好多野食，但最後係食唔哂！非常滿足既一餐！！！

尖沙咀宮廷風火鍋 🥘

好一陣子冇打邊爐，基本上冇隔一排就一定要幫襯吓🤪如果吾系就會口痕。尖沙咀加拿分道有間火鍋店原來好出名，有時行尖沙咀都會經過望到個招牌，係得尖沙咀就當然更加多人注意，今次同老公預先已經訂咗位去幫襯下。餐廳嘅名叫「香香宮煮」，係中式嘅元素，好盞鬼。裡面嘅環境好有以前宮廷嘅氣氛，有分好多個宮，你地又想住邊個宮呢😆花膠雞湯鍋喺呢度都系其中一個招牌菜，花膠湯好滋潤，同老公分咗每人一碗，湯底非常濃郁👍🏼吾知點解有少少偏鹹🙊冇諗到雞肉會分成另外一碗，飲咗碗湯之後就落咗啲雞肉落去，雞肉真系好滑😍都算新鮮。普通版響鈴大家就食得多，同時有兩種味嘅響鈴大家又食過未呢？響鈴拼盤系有鹹蛋黃響鈴同埋原味響鈴。原味響鈴本身已經夠脆卜卜，試到佢正宗嘅口感，鹹蛋黃響鈴嘅鹹蛋黃數量都吾少，食到入面戈層如果有鹹蛋黃會更入味。牛肉又系每次打邊爐必叫🤩吾叫吾安樂咁lol 有分200g同埋350g，我地叫咗200g覺得都應該夠食。手切頂級安格斯牛肉系吾同啲，脂肪分佈都幾均勻，系脂肪輕微多少少。整熟之後帶比人入口即溶嘅感覺，幾軟稔。肉丸拼盤都系呢度推介嘅其中一道菜式，肉丸有4種，鮮牛丸、蟹子鮮蝦丸同埋蟹子墨魚丸都系餐廳手打，仲有一