Coti the Bistro (五芳街)

营业中

休息中

之前lunch都有去過觀塘嗰邊食，嗰陣時食個雞扒覺得好正，今次夜晚黎，環境來講我覺得呢間舒服啲，文青cafe既感覺，拍拖👫🏻同朋友傾偈或者坐喺度唞吓都好舒服🥰前菜有惹味羅宋湯配蒜蓉包，飲完好開胃👍🏻煎慢煮西冷配薯條及沙律上碟係5成熟，肉質粉嫩啱啱好，肉味濃易入口，廚師沒有放太重鹽，可以自己家鹽和黑椒，當然配上醬汁又有另一番風味😎粗薯條外脆內軟，唔覺意就會食晒🫣 沙律有配醋，唔會好dry🥗烤慢煮BBQ豬肋骨慢煮令肉質十分軟腍，輕輕一切就切得開，BBQ醬汁平均分佈在豬助骨上，每個位置都入哂味，好好味😋伴菜仲有飯、意粉、薯菜、沙律可以選擇，迎合不同人的需要👍🏻手工巴斯克芝士蛋糕 特濃芝士味，口感厚實啖啖都係綿滑芝士，真係好好食👍🏻焦糖布甸燒 Q彈布甸口感既蛋糕好得意，明明食緊蛋糕但又好似食緊布甸咁😆 香濃的焦糖配順滑既口感，不經意地食完一件😛玫瑰鮮奶咖啡好鍾意呢度既Rose Latte玫瑰味好重，但係又唔會蓋左咖啡嘅香味，鍾意飲Rose Latte既朋友一定要黎試吓😉棉花糖朱古力店家做得好可愛，有熊啤啤係度唔太捨得飲，朱古力唔會有死甜，而且唔係平時飲開x百利嗰啲，有自己特色嘅朱古力係好飲嘅🥰

今日嚟新蒲崗食飯，呢間餐廳喺彩虹道方向有個神秘嘅入口，入到去見到地方非常寬敞，木色嘅裝潢俾人好舒心嘅感覺。餐牌上都係以西式菜為主，咖啡同飲品都有好多款式，晚餐附送餐湯同蒜蓉包。餐湯係粟米雞肉忌廉湯🌽，粟米同雞肉粒好多，質感濃厚，味道有粟米清甜；🧄蒜蓉包好香脆，有牛油蒜蓉香🧈Delexe weekend breakfast 豪華週未早餐材料豐富，有酵母麵包🍞，雞扒🐥，煙三文魚🐟，松露炒蛋🍳，蜜瓜🍈，煙肉🥓，沙律菜🥗。🐥雞扒好出色，外皮加咗香草🌿煎得好香脆，內裏肉質嫩滑juicy ，夠晒厚身同大塊🍳炒蛋蛋香味濃，炒得好滑，加咗黑松露好香🍈哈密瓜清甜爽口；🍞多士焗得香脆，上面係牛油果沙律🥑，酸酸地好開胃，代替牛油搽喺多士上好creamy又健康🥓煙肉煎到好香脆，肥瘦適中；🥗沙律菜好新鮮翠綠，加咗黑油醋汁好開胃；煙三文魚好香煙熏味，質感結實。🍮焦糖布甸咖啡☕️ 想來已經好香咖啡味😍咖啡同奶味嘅平衡做得唔錯，上面係焦糖面，中間係Creamy奶泡，最底係香濃嘅咖啡，好有層次，creamy得來又唔會太膩👍🏻手工巴斯克芝士蛋糕🍰擺碟好靚❤️蛋糕軟熟，入口Creamy，食落除咗甜味仲帶有少少鹹嘅芝士味，另外仲

今日真係要推介下呢間起工廠大廈嘅西餐廳！朋友話帶我去工廈食西餐，一路以為係一間小店，估唔到係一間裝修得咁靚咁大嘅餐廳！餐廳入邊超寬敞，係我好鍾意的歐式設計，仲有好溫暖嘅色調！因為就嚟到聖誕，門口仲有好靚嘅聖誕裝飾！慢煮64度溫泉蛋卡邦尼意粉溫泉蛋用64度的巧妙做法，令到蛋液起切開嘅時候，好似熔岩質地，混埋卡邦尼醬嘅意粉一齊食，口感特別好！蒲燒鰻魚飯賣相唔錯，竟然仲有一隻蛋！鰻魚非常厚肉，肉質唔會鬆散。我最欣賞係個鰻魚汁！燒汁味道濃厚，配白飯一流！另外都想讚下個餐湯，喺食評咁多人話好飲，原來真係好好飲！手工巴斯克芝士蛋糕呢度嘅芝士蛋糕質感堅實，不稀爛，巴斯克芝士當然就係夠哂香濃嘅芝士味！唔錯！伯爵茶戚風蛋糕蛋糕非常之鬆軟，淡淡的伯爵茶香，值得一試！棉花糖熱朱古力因為天氣凍嘅關係，突然之間好想飲熱朱古力。味道幾好，仲有兩粒好可愛嘅棉花糖起上面，啱曬我打卡用！提拉米蘇咖啡朋友嗌咗一杯提拉米蘇咖啡，我原本以為係提拉米蘇味道嘅咖啡，點知原來上半部係Tiramisu，係真係可以當甜品食嘅Tiramisu，而下半部先係咖啡。職員教我哋可以用匙羹食上半，亦都可以撈埋一齊飲。一個價錢兩種食法，呢杯咖啡真

Dinner wz fd@新蒲崗, 就喺佢公司附近有間入口好隱世feel嘅cafe, 位置就喺鑽石山MTR去新蒲崗條路嘅出口. 裡面原來好大坐得OK舒服, 同埋lunch好爆但夜晚因為工廠區收哂工所以唔使等位.🍽香煎雞扒伴滑蛋飯 (HKD78)我地嗌左2個main +Dessert Share黎食, 估唔到portion咁大: 使用漲卜卜珍珠米加分💯, 雞扒兩大塊而且超JUICY嫩滑, 滑蛋炒得好靚完全覆蓋哂碟飯, 個汁又好好味🤤.🍽煎慢煮安格斯西冷配薯菜 (HKD158)值得一讚🥩li塊西冷, 好易切而且我地都無食到一口筋, 逢係慢煮過嘅都會將個味道推高一個level, 煎得又夠香, 我地揀5成熟真係做到好好味嘅5成熟, 啖啖都好豐富牛肉味道. 薯菜又大份, 現炸粗身連皮薯條實在正.🍰整返件近期大熱嘅手工巴斯克cheese cake, 香濃芝士味甜度適中; 然後食左li個蘋果mousse, 首先蘋果造型已經非常吸引, 食食下切開原來內裡係炒過焦糖化左嘅蘋果肉正呀🍎!! 👉🏻是日甜品真心驚喜.🍵抹茶鮮奶 食晚飯就唔飲咖啡☕️喇, 雖然聞到好香咖啡☕️豆香好想飲, 黎杯Green Tea L

新蒲崗不嬲都出名多隱世小店食，今次朋友就帶我捐窿捐罅，搵到間係新蒲崗同鑽石山交界嘅西式小店食晚餐😋 餐廳位於工廈地下，門口有啲細，點知入到去都幾精緻，仲有啲日系muji feel添呀！😆我哋嗌咗兩份dinner set，包咗羅宋湯同蒜蓉包(片)，紅湯同白湯通常以前都會揀白湯，但人大咗就慢慢識欣賞以前唔中意食嘅野🤪 佢嘅紅湯好足料，連牛肉都有，以小店黎講都幾有heart！蒜蓉包就偏薄身，似零食版嘅蒜蓉包多啲🙈我嗌咗煎慢煮西冷扒，牛扒大大塊，但就唔算好厚，唔知係咪煎慢煮嘅關係，肉汁好多下，幾有牛味🤤 而我嗌咗5成熟，但好似有少少overcook左，令到佢有少少難切，而佢仲配咗蕃薯條，感覺上比起一般薯條無咁熱氣🤣 蕃薯條份量好多，每條都好厚肉，好唔錯😚而朋友就嗌咗份烤雞，雖然得半邊嘅烤雞，但絕對唔細份，朋友食唔哂都切咗啲比我試，估唔到佢烤得啱啱好😍 雞肉非常多汁嫩滑，即使係雞胸肉都好滑，好高質！再配埋佢嘅霹靂葡汁(似印度醬汁)，辣辣地好惹味，呢個烤雞十分之有驚喜🤩至於嘢飲方面，我哋都各自嗌咗啲好特別嘅嘢飲，朋友嗌左杯咖啡果皮茶，一開始以為係咖啡加果皮沖出嚟嘅嘢飲😆 點知原來係咖啡果實沖嘅茶，

上次去完火炭工業區搵食，今次又挑戰另一個工業區，新蒲崗，尋找好西。Coti the Bistro位於新蒲崗同鑽石山嘅分界線，餐廳入口低調地位於彩虹道，如果鑽石山地鐵站出，只要沿住彩虹道行就會見到佢藍色嘅大門口，一d都唔難搵。我哋order咗兩份set dinner，再另加兩杯飲品同兩份甜品。🌟 香煎雞漢堡伴椰菜絲沙律及薯條 $98雞漢堡真材實料，而且煮得啱啱好，帶豐富嘅肉汁食落成個包都好juicy，加上椰菜絲沙律調味真係好滋味。🌟 日本鰻魚漢堡包伴醃漬蘿蔔椰菜沙律 $98賣相好有誠意，原條鰻魚加上紫菜碎，打卡一流，而且燒鰻魚嘅味道相信無人會唔喜歡，另外值得一提，鰻魚包同漬蘿蔔嘅味道比想像中夾，又一必點之選。🌟 手工巴斯克芝士蛋糕 $45巴斯克芝士蛋糕曾經被被美國紐約時報選為年度甜品，係甜品界嘅矚目新星。呢道嘅芝士蛋糕味道啱啱好，不甜不膩，作為飯後甜品都唔會有罪惡感。🌟抹茶鮮奶/ 鮮忌廉朱古力 $42/杯餐廳真係好明白大家都怕肥😚，所以飲品方便都無特別加糖，兩杯飲品都唔太甜，可以飲到抹茶同朱古力嘅味道，值得一試。