麻辣派對 (金百利廣場) (已結業)

每次見到個招牌都以為只有麻辣鍋食，辣字讓我有些害怕。但事實上，原來有提供非辣的香鍋、酸菜魚、烤魚和焗龍蝦等選擇，這麼多選項難怪平日總是排隊的人很多。酸菜味江團魚 $236江團魚片的份量很多，魚肉嫩滑無骨，每一口都充滿了魚肉的口感。魚片又彈又脆，配料中有豐富的大豆芽菜、酸菜、紅辣椒、青辣椒、泡椒、蒜片，甚至還有蒟蒻。酸菜湯開胃美味，辣度可以選擇大辣、中辣、小辣或無辣，我選擇了小辣，不算太辣，酸味和辣味很容易入口。另外加左水晶粉，飲埋啲湯飽到傻左。手撕包菜 $78椰菜炒得夠爽口，食完成碟即刻覺得自己健康左。有大、中、小及BB辣揀，怕辣揀BB辣就無有怕啦。蜜語水果茶 $38裡面有多種水果片，如西瓜、香橙、火龍果和青檸，凍冰冰飲完透心涼，解辣一流爽晒。

之前黎過金百黎食野，見到好多人在麻辣派對呢層出，心諗下次一定要黎試下。今次一位愛食辣既朋友生日，俾我有機會帶佢黎試下一入到去餐廳，即時被那派對氣氛吸引住！餐廳以花為主題，掛住左好多色彩繽紛既花，燈光昏暗，仲有花花圖案既射燈，係呢個環境下，真係完全唔覺得自己係食緊川菜，哈哈每枱都有一支魔鬼辣椒粉，覺得唔夠辣既話，可以再加碼，不過我就唔太食得辣，所以就冇試到喇！手撕包菜（小辣）開頭食左幾啖覺得唔辣，點知原來果種辣後勁凌厲，會越食越辣，不過真係辣得好過癮，果種辣岩岩好，並唔會辣到食唔到，真係好惹味呀，而個菜吸晒啲辣椒味，真係好正！派對口水雞 （小辣）呢個口水雞，果種辣係即時既，不過我地叫左小辣，所以都ok，辣度岩岩好（對我地黎講），雞件口感好滑，配埋呢個辣度同芝麻，真係好好味！重慶銅盤烤桂花魚剁椒味型上枱時已聞到好濃郁既酸菜味，忍唔住即時飲左啖湯，嘩！又酸又辣咁，好真好好味呀！鍋內除左桂花魚，仲有大量金姑、酸菜、芫荽、辣椒等等，都幾大盤，兩個人都食唔晒！講返條魚，魚肉真係幾滑，仲啖啖肉，而且唔多骨，岩晒我呢啲唔識食魚既人一啖湯加一啖魚，啲魚吸收晒啲湯汁，非常入味，而且辣度適中，好食！食到中間

而家在香港越來越易搵到好食的中國菜了，但係唔係每道名菜都咁易搵。有位內地朋友介紹返我轉頭, 話呢間麻辣派對好正宗好好食，於是我就BOOK左同老公去食了~~睇呢幾張相, 有人估到我地係去左食中國菜嗎? 哈哈~~呢度個裝修好潮好西式，坐位好闊落, 坐得好舒服架一D都唔似平時食開的中菜咁迫，凈係呢點都已經做得好好!之後睇MENU, 大件事, 樣樣都想食, 呢度真係你諗得出的深圳名(辣)菜都有得你食~~成個深圳搬左過黎咁, 點算, 我地得兩個人, 如果唔係一定樣樣都叫D.嘩~~仲有小龍蝦食, 勁呀!!!好不容易揀左幾樣野~~睇下張枱, 有支勁野WOR!我地一陣就睇下你有幾把炮!!!先來的, 就是主菜, 黃燜雞~~~!!好耐都冇食過啦, 呢個唔係度度都有得食, 想試試~~好大盤呀!!! 入面有D秀珍菇同芹菜，炒到好香!勁入味, 當然, 不要期望在香港可以食到深圳質素的新鮮雞, 但他的煮功和鑊氣絕對令你滿足!之後來的是兩個素菜~~手撕包菜同酸辣土豆絲~~幾咁地道!!!好夠鑊氣呀!!但油左D, 不過川菜就係咁, 落好多香油土豆絲好惹味, 而且爽口 , 火喉適中仲有當然唔少得點酸辣粉啦~~佢MENU話

好耐無黎金百利食野，上到去4樓嘅麻辣派對，一入到去就聞到好香嘅麻辣味，見到每枱上嘅食物都好多辣椒，流哂口水。入面裝修好特別好有特色。餐牌，餐具設計精美。手撕包菜$68，聽個名以為係生菜包住D野黎食，原來係炒椰菜，揀左減辣仍然好辣。七味雞脆骨$68，都係減辣，無椰菜咁辣，OK。雞軟骨味道。水煮江團店員話江團比較少骨，食入口果然一條骨都無，口感唔似魚，但好滑。之前俾個椰菜嚇親驚呢個會好辣，但又OK食得到，但一邊食一邊流汗。食到個嘴麻痺。加左午餐肉，肥牛，蓮藕。餐廳有凍水，我地無叫野飲都OK，食物份量好多。埋單$498，每人$250。