麵鮮醬油房周月 (歌賦街)

营业中

休息中

沾沾沾 有拉麵又有沾麵一點鐘到達食午餐,好彩同事行快兩步唔使太耐，就算要等附近都好多影相位，有裝飾得好靚嘅餐廳同賣茶的店鋪係對面，喺等候時間中可以影返幾張靚相，等左大約10分鐘左右，就可以入去坐定定食嘢。上環周月沾麵，連續五年米之蓮2014-2018選擇咗周月沾面，當然試下沾麵，可以事出真實嘅麵感！ 沾面可以俾你揀100G，200G同300G!圖片份量為200G 秘制醬油十分濃味，當然有濃有唔濃，任君選擇。 自家製的麵十分有口感，最後配上清雞湯，有趣，建議將醬油加入雞湯中自行調配口味。

見雜誌介紹沾麵今日特登來試，lunch時間等左15分鐘有位。燈光好暗樓底好矮故意形做日本舊式拉麵店格局。麺有三種唔同選擇：沾麵、撈麵、拉麵，仲有飯同小食，種類算多元化。我點了沾麵，朋友點了拉麵。沾麵（200g):可選唔同分量但價錢一樣，正常人200g啱啱好，個麵得半隻半熟蛋，擺得好求奇，賣相唔多討好；個湯好油，有d叉燒條同筍絲，叉燒又好肥。麵點落去只掛住d油點唔到湯，食落好酸，應該係加左醋，完全食唔到雞湯同醬油嘅味，真係好油，個麵硬得來係似未煮透嘅感覺，唔係爽口。食完個麵加雞湯試埋個湯，已要求多湯，但都係好酸好油，飲一啖即刻有d毛管楝。同陳生嘅隱家比較，隱家無論賣相，麵質，湯底都好好多。周月拉麵：麵是幼麵，都算爽口，但略嫌淋左少少，湯底是醬油湯底，清清地唔會太濃。相比起沾麵，拉麵反而好一點，佢有少少似日本一籣嘅味道，但係無咁香。見隔離食撈麵賣相都係一般，同樣用沾麵個麵底，自己加醬油同醋。