鬼金棒

营业中

休息中

久聞鬼金棒的麻辣拉麵，一直恨試，週末終有機會一嚐，樂哉！日式拉麵居然有麻辣味，使人興奮！小人衝著此麵而來，當然挑戰大麻大辣！兼且更有大量芫荽滿足本芫荽控，多到完全掩蓋著下面的湯麵和食材，單看賣相已不禁垂涎三尺！呷一口麻辣湯，還釋放出味噌的味道，精神為之一振！拉麵屬中粗，煙靭而有嚼勁，加上芫荽的香氣，極之不凡！叉燒更加厲害，是三層肉，中間的脂位無窮地甘香，又腍又入味，入口即化！而跟拉麵上的原條叉燒更上一層樓，比起追加的長了一倍，即代表著雙倍的滋味！煎餃一客六隻，皮脆餡嫩已不用多言，而最美妙的是有山椒粉，頓時令香味激增！樣樣都滿分，超級滿意！

8月3日收工約左朋友係銅鑼灣食飯，朋友話想食拉麵，咁我哋就去咗鬼金棒食飯，閒日關係所以等左吾係耐就入得，入面裝修好有日式風格,感覺好令人掛住日本,而令我覺得窩心既佢地付上圍巾,我地分別叫左玉米筍辣麻味噌拉麵,增量叉燒辣麻味噌拉麵,肉碎飯三個主食！玉米筍咬落口好爽甜,湯底味道濃,配埋入口即溶嘅流心蛋,加埋有3cm厚嘅厚切叉燒,配埋爽口入味嘅拉麵根本就一種絕配,而另一款增量叉燒辣麻味噌拉麵,真係啱曬我呢個鍾意食日式叉燒嘅人,兩層肉一層脂肪嘅口感真係不得了入口即溶,加埋湯底有少少麻辣味增加咗唔少嘅食慾！最後介紹埋肉燥飯,珍珠米加埋肉燥,填埋我最後的空虛！

今次應該係第三次食鬼金棒，又想食拉麵又想食麻辣呢度真係唯一一個好選擇👍🏻坐Bar seat就見到師傅炒嘢嘅鑊氣真係好勁！🔥每次電子落單見到玉米筍就忍唔住要order😂今次我一樣食返玉米筍麻辣拉麵，小麻小辣，鍾意嚟呢度食拉麵嘅其中一個原因就係有多啲蔬菜，好似健康啲😛朋友第一次來就試特製麻辣味噌拉麵，佢一樣係因為件叉燒amazed左😂肉同脂肪比例層次分明，真係做到入口即溶嘅效果👍🏻上兩次食過佢嘅芽菜，都好鍾意，所以今次捱多一份，呢度用薑粒炒，加上重鑊氣，唔怪得知草腥味真係完全零☺️我個碗冇跟味玉，所以都另外嗌咗一件，完全冇失望❤️❤️兩個人咁樣食其實都已經好滿足，仲可以慢慢坐，冇特別time limit

好耐冇食日本拉麵，今日下午去咗銅鑼灣一間「鬼金棒」食拉麵；這間拉麵店主打「辣麻口味」，如果喜歡食「辣麻」 或 想挑戰一下「辣麻」拉麵，可以去試吓，餐廳嘅1️⃣ Chili Pepper 辣 分為：「無、小、中、高、鬼增」2️⃣ Sansho Pepper 麻 分為：「無、小、中、高、鬼增」我叫左「味玉辣麻味噌拉麵 $100」，揀左「無辣」及「無麻」，因為想試吓佢哋嘅湯底，湯底好濃，味道唔錯；另外，佢哋嘅「特厚叉燒」及「味玉」都整得幾好味價格💰：$100 (免加一服務費)味道😋：OK