北京老家 (已結業)

古典裝修有心思，服務態度非常好，食物質素高，甜品帶來驚喜👍🏻

平時好少出街食中菜，今次就試試新意思，揀左去北京老家食晚飯。一出黎就見到一張披住虎皮既椅子，裝潢有古代的氣氛。一坐底，就有一壺茶同前菜送上黎。叫左四樣野:宮爆雞丁，醬汁好惹味，雞丁亦嫩滑。孜然羊肉，有好多蔥同莞茜，羊肉唔太羶，孜然都好入味，連我唔太好羊肉既人都覺得好食。紅油抄手，第一次食甜甜地既紅油抄手，幾特別，而且塊皮好滑，好易入口。最後拔絲蘋果令人驚豔，脆而不黏牙既糖漿，配上清香既暖蘋果，好夾!

昨晚和德國🇩🇪回來的朋友飯聚，朋友當然想選擇食久違了的中國菜。最終我們去了尖沙咀的北京老家這間新店，試一試佢嘅北京菜比其他同類型北京餐廳有咩分別。一入到店，見到啲裝修好有北京特色，有俾心機做裝修，同埋一直播住中國古典音樂🎼，好有氣氛。因為遲到嘅關係，其他朋友已經叫晒餸，包括北京填鴨、草綑牛骨、老家柚子魚、清炒萵芛同埋餐牌上大家未見到住嘅燈籠蝦。甜品係拔絲蘋果。打頭炮俾你食嘅當然就係最有代表性嘅北京填鴨🦆，麵粉皮軟硬適中做得非常好又唔會太黏，唔會話冇咗嚼勁，至於蔥方面，只係小弟比較重口味，所以略嫌呢個蒽個味唔算太濃，比較老少咸宜。到主角填鴨，尚算肥瘦均勻，皮唔算太脆，算係適中。整體上會比8分（10分滿分）。個甜汁冇咩特別所以唔提喇。好，到個牛骨🐮🦴，呢個榮獲今晚我最喜愛的角色。好簡單，食牛呢家嘢，你唔會想太韌，太冧又唔好，又要有牛味。呢道菜佢做齊晒。當然那個牛味，你唔會expect佢濃到好似平時我哋行嗰啲牛雜鋪一樣聞到嗰隻味咁樣，係剛剛好呢係你咀嚼嘅期間呢嗰個牛味呢會慢慢沁出嚟，配埋白飯簡直一流。當然，如果我比10分就實在太浮誇了，10分係嗰啲食完會幻想自己起嚿食物上邊碌黎碌去嗰啲😻，所