火五越式牛肉粉專門店 (華生樓) (已結業)

頸緊膊痛😓～同老細出嚟太子揼骨，記得朋友介紹附近有間越南菜都唔錯，見近近地就過嚟試下啦～佢舖仔細細，竟然有浪漫獨立雙人座🤭🤭等事頭婆食完晏，我哋就即刻侵佔咗個雙人座！🥳講返嘢食，我最怕諗食乜，就梗係嗌招牌火車頭河粉，貪佢乜都有…大大碗…🍜老細叫咗雞翼油香飯，再加多個雜錦拼盤同埋生菜，實在太豐富了！！佢嘅飲品好有手搖特色，老細試越南咖啡，我飲白桃梳打。火車頭河粉份量非常充裕，其實兩個人食都夠～牛肉都幾淋，有牛味，牛丸彈牙，仲有扎肉、洋蔥做配料～湯底雖然牛味濃但都幾清，可以自己加辣椒同酸甜醋汁，佢枱面仲有三種醬料可以自行配搭。老細話雞翼炸得好好，外脆內嫩，配少少酸木瓜，唔覺得好膩。雜錦拼盤好正呀！！有黃金魚皮、米紙卷、炸蝦餅、炸魚餅、炸蝦春捲同埋沙律。個魚皮真係好香脆～配埋黃金醬汁，十分之惹味！！老細唔食…我食曬成兜！！🥰蝦餅、魚餅細細件，但味道同質感都好出色，夠曬彈牙！！大蝦春捲散叫三條都要$39，而家計埋都有兩條，所以個拼盤真係好抵食！！

原來太子都有「火五越式牛肉粉專門店」，上次冇食到招牌小食拼盤，一直念念不忘，決定今次一定要食😂食物既選擇好多，除了一般的生牛肉河粉外，還有特色河粉有花膠雞、胡椒豬肚和魚翅花膠雞，而且小食既種類又多。越式魚翅花膠雞湯河 $59平時好少會食魚翅花膠雞湯河，今次就試吓啦！有少少魚翅、花膠和雞，雞件嫩滑，胡椒湯的味道濃郁，配搭河粉食的感覺清新，不會太肥膩。招牌小食拼盤 $138小食拼盤的賣相好靚，食物份量好多。有黃金脆魚皮、青木瓜沙律、蝦春卷4件、香草大蝦4件、手作大蝦米春卷米春卷4件和手作扎肉米紙卷4件。- 黃金脆魚皮好重鹹蛋黃味- 青木瓜沙律配魚露，好清新，又爽口- 炸蝦春卷炸得不肥膩- 香草大蝦既炸粉不太厚- 米紙卷好足料，入邊包滿生菜、木瓜絲、青瓜絲，絕對是驚喜之作。***性價比高，啱晒想試到唔同越式小食的我。

好耐冇去太子，經過間越式餐廳，又比佢迷住！火五火車頭牛肉粉超級大碗！入面有生牛肉、熟牛肉，牛丸同埋扎肉！超多料！生牛肉都幾嫩滑，食落唔鞋，而熟牛肉就似牛腩，仲要大大舊！食落軟腍唔會韌！但反而我幾鍾意佢嘅牛丸，幾彈牙！而湯底都唔錯，牛味香濃，唔算油膩！我地仲叫咁個小食拼盤，貪佢樣樣都有啲，咁就可以試多啲！拼盤嚟到果陣，我地嚇咗一跳！勁多嘢食呀！入面有炸魚皮、青木瓜沙律、炸蝦春卷、香草大蝦、大蝦米紙卷同埋扎肉米紙卷，超豐富！我覺得最正係香草大蝦，蝦肉好爽口，同埋佢已經幫你開埋邊，勁方便！米紙卷同樣出色，米紙夠煙韌，入面好多料，勁大舊！最驚喜係炸蝦春卷，睇落去平平無奇，但食落外脆內爽，入面好多蝦肉！如果鍾意飲濃咖啡嘅朋友，真係可以試下呢杯越式香滑濃咖啡！佢真係無改錯名㗎！同佢個名一樣，真係又滑又濃，但又唔會有苦澀味喎！我都幾鍾意！而吳生果杯椰汁冰，其實係椰子水加椰果，飲落都唔會好甜，入面加咗椰果，仲幾有咬口添！

由於現在香港市面發生左d事，差不多一個月冇出過街食飯但要俾嘢朋友就順便約佢出來食返餐見街上好多食店人流極少，經過見到呢間呢個時候，還噤多人幫襯應該幾好食而且又好少食越南嘢，就入去試吓先每人獨立叫左一碗粉，再加左幾款食物一齊品嚐火五牛丸+扎肉粉：牛丸好彈牙，碗粉份量幾多越式花膠老火雞湯河：需然花膠唔係好大好厚，入囗都幾爽，個老火湯幾好味意大利黑醋汁蒜蓉牛油雞翼（5隻）：雞翼大大隻，外脆內嫰，好香蒜蓉和牛油味，加左d意大利黑醋，中和返個牛油既油膩感火五特式鳳爪：無骨鳳爪啖啖肉，入口爽囗彈牙，酸酸辣辣好惹味黃金脆魚皮：咬落好脆，好香濃鹹蛋味招牌小食拼盤：炸蝦春卷爽脆、香草大蝦一啖一隻、黃金脆魚皮香脆可囗、青木瓜沙律清新香甜、手作大蝦米紙卷和手作扎肉米紙卷實正足料蠔油唐生菜：大大蝶，新鮮爽脆還叫左杯，凍越式香滑濃咖啡和凍青檸梳打：兩杯都好好味呢間真係一間唔錯而且價錢適中既食店

搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，個清雞湯可以飲埋佢，花膠雖然好似好細塊但好爽口味道唔錯，雞肉塊中規中矩，整體係個唔錯既健康既選擇！香茅豬頸肉撈檬，一個字：大份同足料！配料多之餘檬粉亦好多，仲可以免費加底添，堅食到爆！豬頸肉切到bite size 好方便食，味道岩岩好唔會太咸。小食：火五特式鳳爪，叫得店名既招牌菜式一定要試下，好好味既無骨鳳爪，開胃一流！意大利黑醋汁蒜蓉牛油雞翼，即叫即炸熱辣辣，味道層次好豐富，外面酸酸既黑醋汁，加入面既蒜香同牛油香，好好味🤤最後招牌小食拼盤，賣相靚之餘介要好好食，最好食既一定係香草大蝦同米紙卷，雖然$138好似有d 貴，但其實有6款小食仲要樣樣都好食，唯一係木瓜沙律唔夠辣。最後叫左凍青檸梳打同椰汁冰，台式飲品既size 好大杯好抵飲，亦唔會太甜，椰汁冰仲要有椰果肉，出色！總而言之係一間性價比好高既越南餐廳，正！搵食行遠D，今次去到太子既火五越式牛肉粉專門店食越南野！由於我地兩個實在太餓，所以癲左咁叫左好多野食🤤主食：越式花膠老火雞湯河，湯底冇味精，

朋友是晚所推薦的火五越式牛肉粉專門店，其實是她一位附近工作的朋友早前推介，她說火五這越南菜小店味道正宗，其醬料到食材均由餐廳調配主理，另外粉底可免費加底，對於大吃的上班族來說是福音。我們先吃點小食開胃一番，招牌小食拼盤一上桌令人驚艷，小食拼盤極之豐盛，可以一次吃到炸蝦春卷，香草大蝦，青木瓜沙律，手作大蝦米紙卷，手作扎肉米紙卷及黃金脆魚皮，盡享各式美味。炸蝦春卷一口咬下，外層春卷皮香脆，內餡蝦肉有彈性，吃起來非常可口。香草大蝦口中咀嚼有著芳香的香草味，脆彈的蝦肉連同薄脆的蝦殼一起吃亦沒問題，補充營養。手作大蝦米紙卷和手作扎肉米紙卷雪白的米紙層塞滿檬粉，蘿蔔絲，青瓜絲，生菜，原隻蝦仁與扎肉，不騙人，它們超級好吃，沾上火五自家製魚露醋汁，檬粉，蘿蔔絲，青瓜絲之間縫隙完全將醬汁吸滿，酸甜清爽，兩款米紙卷均是優秀之作。沒想到絲絲的青木瓜沙律使我們驚喜萬分，平日所吃的青木瓜沙律以酸辣為主，火五的木瓜絲沙律斥梨子清甜，口感爽脆，蠻適合餐前享用。黃金脆魚皮風味逼人，鹹香酥脆，即使多吃也不覺膩。小巴黎玫瑰牛腱切得薄薄的，牛腱筋肉相間，軟嫩中帶點彈力，玫瑰酒甘醇芳香滲進肉裡，每一口牛腱夠味又涮嘴，不容錯過