水門雞飯 (豉油街)

营业中

休息中

今日行開旺角想食泰國菜，搵咗呢間門口長期好多人排隊嘅水門雞飯，週末夜晚排咗10分鐘左右就有得入。餐廳入面嘅裝修充滿泰國特色，好地道，感覺好似係泰國食緊小店咁。我哋嗌咗招牌水門雞飯同泰式辣雞絲加生牛肉配湯金邊粉。水門雞飯配秘制醬汁同清湯，雞胸肉口感嫩滑，脂肪唔多，雞肉本身比較淡口，點埋個秘制甜酸汁一齊食先夠惹味，油飯嘅油唔算好多，食落已經夠香，份量亦都好足夠，配埋嘅冬瓜胡椒湯個胡椒味好濃，啱哂重口味嘅朋友！另外個泰式辣雞絲配湯粉麵，我揀咗金邊粉同加生牛肉，雞絲都係偏滑身，而生牛肉口感都唔錯，幾有肉味，不過個泰式湯底就幾辣，見到幾粒辣椒開頭無為意，點知一飲啖湯就辣親，但之後適應咗個辣度都接受到，湯底仲有好多細細粒嘅炸豬皮，真係好有泰國風味。📍旺角豉油街21C號地舖位置就腳：🍊🍊🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊🍊🍊

🇭🇰💛水門雞飯🧋泰茶出色六點鬆啲已經見到有小人龍🤣🤣不過好快等左一陣就有位啦Menu價錢親民 食個快飯都好唔錯👍🏻🍚招牌水門雞飯(💰$56+10轉雞髀)👍🏻推薦水門雞飯會跟埋醬汁同冬瓜湯雞皮淺色一點 薄身 雞肉已經去哂骨🦴雞脾肉質嫩滑細切一點 份量都多👩🏻試過唔點醬汁食🐓都帶點鮮味 飯粒粒分明 唔油 醬汁帶點微辣🤏🏻🌶整體黎講味道唔錯非常抵食💵冬瓜湯有陣濃濃既胡椒味 幾特別👍🏻🍖串燒(💰$14/串)串燒最少3串起👩🏻叫左兩雞一豬豬肉少乾🤏🏻不過幾入味✔️雞肉相對下嫩啲沙嗲醬杰身唔辣 個人覺得濃度足夠👌🏻🧋泰式奶茶(💰$22)‼️必飲飲品用左外賣杯 方便外賣泰茶味道好有驚喜 鐘意佢地夠正宗濃味😱甜度固定 順滑 比例岩岩好💯少冰岩岩好-仲有佢地星期一至四3pm-5pm 堂食招牌水門雞飯只係$30⚠️