少爺18 (已結業)

今晚一行四人到葵芳少爺18食晚餐，另收加一同茶費（$6/位）。食星馬菜當然要試吓喇沙同海南雞飯，所以叫左新加坡椰香海鮮喇沙（$98）同招牌海南雞飯（$99）。新加坡椰香海鮮喇沙，湯底椰香味重，配有香料同花生碎，味道濃郁。麵底係屬於摻摻（馬拉語為兩溝的意思），係油麵配米線，但係食落口唔係幾分得出兩者分別，之前試過油麵配米粉的喇沙摻摻會更加好食，因為米粉可以幫助吸收湯汁。撇除麵底，整體表現中上。招牌海南雞飯，雞肉滑嫩，配合醬汁，好食！食海南雞飯當然要配搭雞油飯，飯裏面仲混合左薑蓉，加添味道。明爐香茅椰湯浸鱸魚（$198），鱸魚肉質唔算特別滑，但表現都不過不失，湯底除咗用咗椰汁之外，仲落咗檸汁同魚湯，食落帶酸。鹹蛋黃軟殻蟹（$172），鹹蛋黃味係有嘅，但唔濃郁，軟殼蟹都可以炸到外脆內軟，可惜略嫌油膩。叫左雪梨蜜糖綠茶一壺（$28）潤一潤喉。一上枱即刻令人「驚喜」，所謂一壺，原來剩係得三分之一，小令人失望。最令人期待的莫過於係甜品，叫左兩個海燕窩燉椰皇（$62），一凍一熱。海燕窩係一種珊瑚草，入口同燕窩相似，配埋椰汁、椰肉一齊食，非常好食，而且甜而不膩，推薦！不過原本應該「凍」嘅燉椰皇，極其量

因為趕住去睇戲，所以啦啦淋係附近搵個地方，食個快飯。 見到呢間唔使等位，於是入去一試。  基於大家都唔係好肚餓，所以唔係叫左好多野食。 個腰果柚子沙律，味道唔錯，D柚子清甜唔會澀。 之後就嚟左招牌海南雞飯，都OK好食啦，又唔係有咩咁突出既。 最後就係個馬來西亞肉骨茶，我唔選星加坡果款係因為自己本身比較鐘意藥材味，但嚟到又唔覺得好有藥材味，有D失望。 同埋以呢個價錢，個portion真係唔係好啱比例，感覺就係食舖租，唔太抵，應該只會食一次。

去完一轉市區之後，都係決定去番葵涌食晚飯。市區周圍都好塞車，幾經辛苦終於入到新都會廣場。商場入面好多食肆屋企附近嘅商場都有，所以都要諗一輪先諗到有咩好食。新都會廣場裝修封左好多野，我都要搵左一輪先搵到間鋪！門面嘅裝修都幾靚，碟同埋餐牌都有襯埋一set，望住心情都好d！門外見到佢做緊promotion拼盤做緊半價，見到都幾抵，入到去諗住叫但係又唔見鋪入面有寫，問店員係有呢個promotion嘅，只不過鋪入面見唔到。見到半價有好似有好多野食，忍唔住都叫番個嚟試下。拼盤有蝦片、炸蝦餅、香葉包雞、春卷、串燒同埋沙律。本身應該係柚子沙律，落order嘅時候侍應話無柚子沙律轉左做秋葵，我就無咩所謂，只係想食多d蔬果類。秋葵加少少沙律醬食原來都幾好食，我都係第一次咁樣食。香葉包雞同埋串燒本身都好夠味，又唔係太油，唔錯。至於炸蝦餅同埋春卷就炸得油左少少，乾身番少少會好d。佢呢個拼盤應該係3個人份量，每款都有3件，半價嘅話都算抵食嘅。另外仲叫左海南雞飯，我見差不多每一枱都有嗌。佢個海南雞唔錯，雞幾滑，個油雞有少少薑味。而且佢個海南雞飯擺盤好靚，好吸睛，但係老實講個湯就無咩特別。本身仲叫左甜品，係榴槤配雪

放假訓到自然醒係最開心😆 知道新都會廣場裝修完之後開左好多食肆，所以就走落去食早午茶餐🍽新裝修係特別乾淨企理✨，好舒服👍🏻下午茶時間都唔係好多人，唔需等位。餐用圓碟好繽紛，望到都好開心💗入黎既時候已經知道要食乜，所以9秒9就落單🌪最愛既海南雞飯🐔真係好鐘意食海南雞飯.....個油飯，所以成日都會週圍搵黎食。油飯🍚好香但唔會油立立，飯粒分明唔會痴埋一舊舊，飯面有少少炸蒜，好香口。不過飯唔夠熱同埋硬左少少，如果唔係會更好味。.正宗海南雞飯跟既湯係雞湯黎既，我諗呢度都應該係，個湯好清唔會好油，飲完都唔會有口渴既感覺。特別叫左雞胸，因為一向都好鐘意😌。呢份雞胸一d都唔鞋，仲好滑，雞肉整到好入味，同埋佢應該唔算係只肥雞，所以雞皮唔會痴住好多肥糕，good 👍🏻👍🏻👍🏻.三色醬裡面既黑醬油調教得幾好味，平時唔太喜歡點呢個汁，因為好多時都會食到有陣怪味。另外兩個醬汁就無乜特別。.另外仲點左個馬來西亞肉骨茶，呢款係葯材味。一送上黎就已經聞到好香既葯材味，真心鐘意呢個味😋。除左味香之外，飲落去仲好濃，排骨都算幾滑唔太鞋，仲有冬菇索晒d湯，正呀。個湯跟左幾舊仔油炸鬼，如果跟個飯或者米粉就一流喇😋😋😋如果唔

鍾意食娘惹菜，因為佢多款式，又會用多種唔同香料配搭而成，口味濃烈但獨特既香味會令人好開胃。位於葵芳新都會廣場既少爺18就係一間集合左傳統同創新既星馬餐廳。分店環境夠大，想一大班朋友相聚又得，坐吧台飲野傾計又得，而且台與台之間有一定既空間，方便大家暢所欲言。一入到去就見到色彩繽紛既環境，一大個綠色草牆，令人覺得好舒適。餐廳既碗碟都係自家款式，容易留下印象。通常我試未食過既餐廳都會試該國/該餐廳招牌菜，因為連招牌菜都唔掂仲點有下次呢？所以今次當然有叫肉骨茶、海南雞飯同喇沙，另外仲叫左黑蘿蔔糕同蜜糖雞翼好啱女性飲既藥膳肉骨茶肉質都算滑，飯面有少少脆米，口感不錯喇沙食到一半先記得影相，不過椰香都好足夠雞翼原來都幾辣，但D蜜糖太惹味，停唔到口呢個就略鹹