蒙麵

营业中

休息中

返教會boardgame前去人氣長龍車仔面店蒙面😷，第二🥈次去，特登預早d去排，排咗第三個人都要排15分鐘，未入前已經要落定單，最少要叫三餸但唔包花甲同叉燒，三餸叫咗蘿蔔$12、豬大腸$16同蝴蝶🦋腩$20，配銀針粉$15，新鮮辣汁，加新鮮花甲$42同燒叉燒$36，過百蚊既車仔面。坐喺轉角位都鬆動。用石碗上，保溫，皓大碗，全部花甲面，花甲嫩滑新鮮，下面蘿蔔皓冧皓爽，豬大腸皓乾淨，蝴蝶🦋腩有另外一碟辣椒🌶️豉油點，都鬆化，叉燒5分鐘後燒到，熱辣辣，有蜜糖🍯香。第二🥈次冇第一☝️次咁驚喜。埋單可俾八達通

蒙麵係紅磡一間非常出名嘅車仔麵小店，長期大排長龍，可見佢喺區內嘅人氣有幾高！同一般車仔麵店唔同，蒙麵提供咗好多其他車仔麵店少見甚至冇嘅餸菜，餐牌選擇多到令人驚喜。單睇舖頭門面，已經感受到老闆係一個極具性格嘅人，充滿特色。今次我決定試吓幾款特別嘅餸菜!招牌蜜汁叉燒串蜜汁叉燒串係即叫即燒，熱辣辣送上枱，外層微微焦香，散發陣陣蜜汁香味。叉燒肉質嫩滑，帶少少焦糖味，鹹甜適中，真係一試難忘，一大串咬住食特別過癮！新鮮花甲呢度嘅花甲絕對係新鮮到冇得頂！我排隊時仲見到一車車新鮮花甲送入舖頭，啲花甲肉鮮甜細膩，最重要係完全冇沙，呢個餸絕對係加分之選。新鮮蝴蝶腩蝴蝶腩食落去肉質嫩滑，但調味偏淡，建議配埋佢嘅指天椒豉油一齊食，味道即刻提升，辣味同鹹香融合得啱啱好。蠔仔煎蛋車仔麵仲有蠔仔煎蛋做餸，呢樣喺其他車仔麵店真係少見！送上嚟時蠔仔煎蛋係直接放喺碗麵入面，蛋味香濃，煎得剛剛好，蠔仔鮮美又唔會腥，成個搭配非常特別，絕對值得一試。西洋菜餃西洋菜餃唔係成日有，所以餐牌上冇列出，要自己寫落單。如果見到有呢款餸，記得唔好錯過！餃子相當大粒，薄薄嘅外皮包住滿滿嘅內餡，西洋菜嘅清香同肉餡完美結合，口感豐富，非常飽滿。

有次同朋友去黃埔睇戲，就醒起順便可以食呢間長期都要排隊嘅車仔麵，去到舖頭出面雖然排咗1個鐘，但係又點會難到為食小女子今次叫咗兩個三餸車仔麵金錢牛肚$17豬紅$12蘿蔔$12油麵$13(加香辣菜甫，牛腩汁)牛肚每舊係幼幼哋，而且係煮到好軟，所以一d都唔會韌，豬紅口感爽滑，蘿蔔充滿水份，又唔會有渣，好清甜，油麵都有口感，軟硬適中南乳豬手$16五香牛根$17辣味魷魚$17幼麵$13(加香辣菜甫，牛腩汁)南乳豬手幾大舊，而且好淋，好易咬開，五香牛根每舊都好淋好入味，完全唔洗擔心會太硬，每條大小適中，份量都唔少，辣味魷魚就係分開上嘅，但係佢個辣味真係幾辣不過魷魚都幾爽口，如果食得辣係會幾正，幼麵有咬口，正常發揮，佢個湯有蔥同牛腩汁，所以都好香好濃味凍檸茶(加$9)招牌蜜汁叉燒串$34呢個都係嚟呢到食車仔麵嘅重要原因佢係即叫即整，所以熱辣辣，而且保留到肉汁之餘外面仲有少少焦香，加上蜜糖真係好正，平時都無特別鐘意食叉燒嘅小女子都覺得好好味總括而言，呢間車仔麵幾高質，足料而且每款食材質素都幾好，又有叉燒呢個高質小食所以都好值得一試，不過真係長期都要排隊，要試就要預d時間排隊啦

黎到紅磡一定要食既小店💕長期都打晒蛇餅，排一個鐘都要食，超多人讚的車仔麵，今日咁岩黎到只係排2組人咋，當然要試下😆✰⋆🍜新鮮花甲韭菜餃滷水大腸米線 $84成碗麵既份量都好多好大碗，個湯底揀左特濃蕃茄薯仔湯🍅落左好多蕃茄薯仔去煲，好濃好好飲，淨飲湯都夠晒飽😆車仔麵揀咗三餸: 新鮮花甲份量好多，隻隻都冇沙好清甜，韭菜餃大大隻，皮薄餡靚，滷水大腸就整得好淋好入味，食完真係好滿足ლ(´ڡ`ლ)✰⋆🍖招牌蜜汁叉燒串 $34呢個叉燒係每枱客必點，即叫即燒，佢哋既叉燒每舊都好厚切，燒到岩岩好，有小小燶邊咁，但入面既肉質好肥美，咬落好淋，鬆化可口，一啲都唔韌，加埋上面啲蜜汁甜香👍🏻真係好好食！我比5粒⭐️下次黎一定要一人一串！

香港世一車仔麵！說到車仔麵蒙麵絕對是本人心中全港第一，無論食物質素抑或老闆的營業態度都是世一！蒙麵主打誠意車仔麵，供應超過四十款餸、八款小吃、十二款麵底，和三款湯底可選擇。車仔麵餸絕不馬虎，很多都是手工菜，更有新鮮花甲每日限量供應。湯底方面個人大推特濃蕃茄薯仔湯，清甜濃郁但冇味精，會忍不住一口接一口喝完。招牌蜜汁叉燒串和麻辣烤雞翼亦是必叫之選！食物真的無可挑剔，用餐環境方面就見仁見智，畢竟是車仔麵舖，不能要求太多～整體來說，蒙麵必定是會二刷三刷之選！-🔘 脆香多春魚、糖心滷蛋、鹵水大腸、新鮮花甲油麵配特濃蕃茄薯仔湯 | hkd$116🔘 招牌蜜汁叉燒串 | hkd$34🔘 麻辣烤雞翼 | hkd$32-🍽️ 食物 | Food: 5/5🌅 環境 | Environment: 3.5/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4.1/5-A foodie documentation of dining experience in restaurants based in Hong Kong 🇭🇰.

頭兩次去都因為公眾假期餐廳休息食唔到，今次我就聰明啦😎提早一日打電話問開唔開📞先行過去，去到13:45，已經大排長龍，最後等咗大半個鐘，終於入到去食，未食已經好期待🤤三餸車仔麵 $54餐廳車仔麵要嗌三餸起，好多款真係三心兩意😳而且佢每一款都唔係求其俾少少你就算，餸嘅份量都好多，好抵食👍🏻我本身諗住惹味啲，湯底叫咗佢個招牌辣汁，點知真係辣到飛起🥵所以奉勸唔食得辣嘅朋友唔好玩命，都係乖乖地叫啲唔辣嘅湯底...👉🏻👈🏻.脆香多春魚 $15平時食車仔麵都好少見有得食多春魚，見到佢有個like 係前面，就決定要嗌🤭有好多條，每一條都炸得好脆，同好多春🤤🤤而且放左係湯嘅面頭，唔會俾個湯底整淋哂🐠.芝士竹輪卷 $14外表望落同普通嘅獅子狗卷冇咩分別，一咬落去就知龍與鳯😳入面啲芝士陷爆出嚟，好濃郁🧀如果佢有多幾舊就好了🥲.蘿蔔$12有好多舊，而且每一舊都好大舊同好清甜，少少渣都冇，完全索哂啲湯汁，正😍招牌蜜汁叉燒串 $34/串我嚟之前已經俾佢嘅叉燒串吸引咗，果然真係鎮店之寶👑一串有成5 大舊，叉燒外層佈滿蜜汁，每一舊都好厚身，肉質彈牙，而且肥瘦均勻，食哂成條真係好滿足💗.雖然舖頭座位唔多，需要等位，但

Bookmark咗呢間車仔麵好耐啦終於都真系去咗🤪一早聽聞呢間好多人排隊 喺佢開門前3分鐘史努比已經到達😎呢間小店以叉燒串聞名佢寫明唔比加單 開頭驚佢會好細串 所以就一次過嗌兩串😛店員話比住一串先 所以分開咗上👍🏿招牌蜜汁叉燒串 $34喺佢未嚟嘅時候史努比都覺得價錢頗貴但嚟到見到咁大串😳又覺得其實都合理🤣一串有成5大舊 件件都好厚肉記得要趁熱食!!叉燒表面燒到有少少燶邊位非常焦香🥰佢就唔系甘香油爽嗰種😂但唔會太肥 唔會食到有肥膏👍🏿用嘅豬肉本身帶適量嘅油脂~所以做到咬落軟淋鬆化嘅效果 而且肉質夠嫩又juicy🤤一啲都唔覺乾😎表面coat滿咗蜜汁 甜甜地但又唔會令人覺得膩🫶🏿系幾好食嘅~ 即使$34史努比都覺得值得一試😆味道: 8.5/10性價比: 7.5/10🔸菜底 $13佢哋車仔麵規定每碗要三餸起~史努比去嗰日可以揀菜心或者系生菜揀咗生菜 份量好足食落都夠爽脆😆👍🏿五香牛筋 $17牛筋有人鍾意食超淋嘅 有人鍾意食淋中帶啲爽口 史努比就prefer兩者中間😂要淋又要有啲咬口最好系食落漿口嗰啲🤣🤣不過今日呢間系炆到最淋最淋嗰種😳唔好講笑佢淋到入口即融連咬都唔使咬😂其實都好食嘅 只系唔系史

@mongnoodles📍蒙麵紅磡差館里9-15號協輝大廈地下1號舖除夕晚同女朋友去睇戲(富都青年都幾好睇❤️)，睇戲前緊係要醫肚先😋早幾日同女朋友食完西苑嘅大哥叉燒，有啲掛住蒙麵嘅招牌叉燒串🤤本身有小小擔心要排好耐隊，但好幸運地我地排左半個鐘左右就有得食😆我揀咗特濃蕃茄薯仔湯底🍅🥔粉絲🍜五香牛筋🐮蘿蔔🥕蠔仔煎蛋🐚🍳湯底真係超濃超甜！蕃茄同薯仔煮到好稔😋我發覺我揀嘅餸都係偏稔，牛筋同蘿蔔係稔到冇牙都食到🤣而且煮到好入味，蘿蔔仲要冇渣添🤤蠔仔煎蛋都好食，不過相比之下就冇咁突出🤣女朋友揀咗清湯加腩汁同沙嗲汁，幼麵🍜韮菜餃🥟香茅魚餅🐟🍥沙嗲肥牛🐮最驚喜嘅係沙嗲汁好香😆平時麻麻地沙嗲醬嘅我都喜出望外😍魚餅好有咬口，而韮菜餃超飽滿🤣另外仲叫左兩位招牌蜜汁叉燒串🥇🥩🔥🍢，表面燒到有啲焦脆，再淋上甜甜嘅蜜汁😋而佢地揀選嘅部位好似係梅頭肉，所以好嫰🤤我同女朋友一致認為好食過西苑，擠身叉燒排行榜三甲😆每一款餸都好正，真心推薦❤#bunnytummy_九龍#bunnytummy_紅磡#bunnytummy_車仔麵#蒙麵 #mongnoodles #香港foodie #食好西 #香港美食 #hkfoodblo

傳說中嘅車仔麵，好多人都話好好食，所以經常排長龍，小編終於得到一個「位置」！。好多嘢揀，點咗啲有👍🏽嘅料，但怕太飽，叫咗菜底：「新鮮花甲」$40「五香牛筋」$16「滷水大腸」$15「菜底」$15「招牌蜜汁叉燒串」$32⋯⋯🦪花甲數量多，雖然唔係肥美嗰隻，但咬落新鮮多汁；🐮牛筋入味又彈牙🐷豬大腸爽口，店長有個post話特登留少少脂肪，加強口感🍢叉燒真係好驚喜，肉厚，大串，香甜，唔怪得好多人都話必點。鋪頭入面，貼滿咗好多唔同嘅規矩/指引，第一次嚟，真係要慢慢睇；點菜嘅時候，要睇清楚枱號、餸、湯等等；今次緊張到連最想試嘅蕃茄湯，都唔記得咗填，我相信下次會純熟啲🤓。📍 蒙麵 (紅磡)紅磡差館里9-15號協輝大廈地下1號舖。大食時間：Oct 2023好味指數：🌕🌕🌕🌕🌕回味指數：🌕🌕🌕🌕🌕舒適指數：🌕🌕🌕🌑🌑

📋 Revisit : Yes味道(8.5/10) 環境(6.5/10) 服務(7/10) 抵食(7/10)****************特濃番茄薯仔湯，滿滿天然番茄味，番茄己經煮至軟軟。要有這種火喉，除了要花很多時間，在揀選番茄上也要花很多功夫，因為市面上大多數番茄都是硬硬的，不容易變軟。而薯仔口感「粉粉」的，變得軟綿綿，是我喜歡的口感。除了湯，另一樣很讚的是蜜汁叉燒串(圖4)。叉燒肉質仍然保持彈性，並燒得香脆，配上甜甜的蜜汁，真的很想encore多一串！至於其它配料質素也不錯，我認為都是高於一般水平，但未於超級「神」。例如: 鹵大腸沒有怪味，煙韌有致；豬紅(圖3)比平常的厚和大，口感很好。至於，溏心鹵蛋，個人一般般。📜🥢🥢車仔麵配特濃番茄薯仔湯 + 鹵大腸 & 溏心鹵蛋 & 豬紅 $71🥢招牌蜜汁叉燒串 $32

之後係比威風百麵仲難排既蒙麵以慢工出細貨聞名所以係排隊排到hihi我去果時出面仲整緊路都排得幾辛苦年尾星期五早收工五點幾都排左半個鐘先入得呢間野就好多規矩既仲唔做外賣平台大顛地方一樣好細同威風百麵一樣都只有半張檯開放式廚房只有老闆一個人整野食我地就坐係格離所以都見到幾污糟下餐牌有普通車仔麵餸我就要埋花甲另外果張仲有成頁係特色燒烤小食下午茶六點前送熱飲要左檸茶同檸水凍飲要正價好似係下午茶專有既蒜香炸雞翼就唔算特別雖然係車仔麵但好出名既叉燒就無好似佢咁話要15至20分鐘甚至比個麵仲早上可能多人叫一直都燒緊雖然有濃邊但唔係好熱肉質亦都唔算淋比想像中都差幾遠純粹只可以過下口癮我果份魷魚就分開左上跟埋辣汁份量都唔少可加既沙爹汁就分開上早知一人叫兩樣咁就可以要晒四隻汁呢度就無威風百麵有指定麵餐可以揀芝士魚卷同雞中翼就每樣兩件豬皮份量都唔少另外我果個估唔到花甲係連埋麵一齊上反而個魷魚係分開花甲都舖滿個碗面入面有大腸同牛筋整體就無威風百麵咁濃味同埋辣汁都係果邊惹味真係擺到成檯都係呢餐叫左好多小食所以貴好多埋單兩個人187蚊如果單計個麵就46蚊同57蚊都係威風百麵抵些少仲有甜品送但呢邊就有下午茶免費熱飲

依間車仔麵店可以話係紅磡區名物，每次去紅館睇演唱會前必食！即使係平日都非常多人，要預鬆啲時間去排隊。鋪頭有唔少規矩要守，睇下店內外貼左唔少告示就知，雖然感覺有啲串（有個性啦），但食物絕對大份夾抵食，湯底同幾個配料同小食都好出色，串得起嘅😝👍🏻🍅🍜 特濃蕃茄薯仔湯蒙麵 $𝟚𝟜 (𝟡/𝟙𝟘)依間最出名蕃茄薯仔湯，薯仔煲到入晒味，個湯好濃郁好清甜，有媽媽煲嘅感覺。自家製嘅蒙麵有少少似幼身啲嘅烏冬，但更加有咬口。🍲 花甲 $𝟛𝟠 (𝟙𝟘/𝟙𝟘)每次來必點，花甲肉嫩又鮮甜，而且完全無沙。份量好多，建議可以兩人share一份，依個價錢抵到爛！🍢 招牌蜜汁叉燒串 $𝟜𝟚/𝟚 (𝟙𝟘/𝟙𝟘)叉燒即叫即整，一來到會比size嚇親，因為真係好大串。燒得剛剛好，又熱辣辣又啖啖肉，一人一串好滿足！🥟 韮菜餃 $𝟙𝟜 (𝟡/𝟙𝟘)餃皮薄餡靚，唯一美中不足係每份得兩隻，有啲唔夠喉！🦑 辣味魷魚 $𝟙𝟞 (𝟟/𝟙𝟘)魷魚另上，非常入味，但個人認為辣左少少，如果唔食得辣建議唔好挑戰。🥚 溏心滷蛋 $𝟙𝟜 (𝟡/𝟙𝟘)最特別之處係用鴨蛋做，蛋味濃郁又大隻！🍡 陳皮魚蛋 $𝟙𝟙 (𝟟/𝟙𝟘)好食同陳皮味濃，不過由於店舖必

蒙麵可能係最囂張嘅車仔麵檔，有啲規矩要守架，但真係好好食好抵，大大份，叫三餸都係$50-60。座位真係得10個，一定要排隊，仲要排20分鐘起跳添，所以食飽都急急腳走囉。*米粉+招牌辣汁+牛腩汁 (三餸起)揀米粉可以索湯，腩汁係基本，辣汁必須加，微香辣令湯底更加惹味。蘿蔔 $11三塊大蘿蔔，清甜軟腍，但未夠索湯。*滷包仔豆腐 $14三大塊滷豆腐，滷得少入味，我心目中必叫。溏心滷蛋 $142隻滷鴨蛋，半熟蛋黃啱啱好，但滷水汁好淡，而且未有鴨蛋蛋香，不過價錢好抵。五香牛筋 $16牛筋有四至五塊，煮到好腍好軟綿，但五香未夠重。*辣味魷魚 $16分開單獨上菜，份量唔少，魷魚彈牙，辣得過癮又入味。新鮮花甲 $38雖然花甲份量唔多，但每一隻都好飽滿，而且令到湯底更加鮮甜(有比較有傷害)。招牌蜜汁叉燒串 $30即叫即燒，仲不設加單。大約食到一半就有得食。價錢唔平，但做到叉燒該有嘅焦香、蜜糖甜味。肉質有啲肉汁、少少韌，越咬會越香。沙嗲韭菜豬紅 $28碗底全部都係韭菜，豬紅起碼有十幾粒，綿但又彈牙哦，係靚豬紅！沙嗲汁香又微辣，淡淡花生味，非常夾。

年三十晚去紅磡搵食，好彩蒙麵晏就都仲未收爐，有幸試到依間遠近馳名嘅車仔麵🍲，餸菜夠晒有特色，就等我哋帶大家試下啦!.特濃蕃茄薯仔湯 湯底+$14 烏冬$14芝士竹輪卷 $13 豬紅$11 香菇貢丸$11 (Total $63)依度必點嘅湯底就一定係依個特濃蕃茄薯仔湯🍅🥔，薯仔嘅澱粉溶晒入湯底，湯底煮得非常濃稠，而且有濃郁嘅蕃茄味，究竟用幾多蕃茄同薯仔先煲到咁濃郁嘅湯底呢? .👨🏽‍🦱就揀咗烏冬配依個湯底，餐廳寫明每個麵底起碼都要叫三個餸，依碗分別叫咗芝士竹輪卷、豬紅同香菇貢丸。豬紅超級入味，完全無腥臭味。芝士竹輪卷好流心，而香菇貢丸都幾好味。.招牌辣汁+牛腩汁 米粉$10柱侯牛腩 $16 滷水大腸$15 辣味魷魚 $16 (Total $57)另外👩🏻就試下佢地基本嘅湯底，腩汁加辣汁🌶，食開五小辣嘅👩🏻就覺得湯底唔算好辣，唔錯嘅。牛腩炆得夠腍夠入味，大腸同樣入味嘅，但略嫌味道都係有少少臭，不過食開豬大腸嘅👩🏻覺得可接受。辣味魷魚係另上，辣度比湯底辣少少，份量多，而且味道夠入味。.招牌蜜汁叉燒串 $30另外仲叫咗嚟蒙麵必試嘅叉燒串🍢，叉燒偏瘦，燒得好香，性價比極高。.加埋飲品，埋單都唔使

蒙麵真係紅磡必食嘅餐廳之一💛 早排去紅隧旁睇林家謙Summer Blues演唱會之前，專登去咗呢到食個early dinner~蒙麵嘅車仔餸好多款，而且大部分都係啲特別嘅餸，例如蠔仔煎蛋、五香牛筋、新鮮花甲、脆香多春魚等～ 呢到嘅落單方式係自己圈紙仔，逐個餸同麵底嚟加錢，轉湯底都要再加錢，所以加加埋埋都唔平🫣 相對比其他車仔麵貴，但都值得食嘅，因為啲餸唔hea仲幾高質！不過間舖比較細，就算當日4點幾去食，都真係好多人排隊，都排咗半個鐘多啲🫣 好彩可以排隊嘅時候落定單，所以坐低都唔使等好耐就有得食～ 我同朋友每人食咗一碗麵+share 1串叉燒同3隻雞翼，飽到上心口🤭•🥢 特濃蕃茄薯仔湯 +$14 👍🏼🥢 新鮮花甲 $36 👍🏼🥢 金錢牛肚 $16🥢 韮菜餃 $14 👍🏼🥢 響鈴 $10🥢 米綫 $10蕃茄薯仔湯好鮮甜😍 係新鮮蕃茄味，無茄膏味，有5-6嚿煲到好腍好粉嘅大薯仔，真係幾乎食餸+薯仔都飽晒🫢 不過啲米綫幾滑溜，唔會太腍，同蕃茄湯好夾～花甲好新鮮、肥美，份量超多，仲令到個番茄湯更加鮮甜🤤 韮菜餃都係舖頭自己包嘅，超級大粒，仲大過枝湯羹，餃子皮仲幾薄，個餡真係滿滿嘅韮菜，食落都好