沾仔記 (威靈頓街)

营业中

休息中

餐廳裝潢富有中國色彩, 店面空間不大, 座位都是密密的, 舒適度以速食一碗麵來說, 也是可以接受的。餐廳提供中英日文餐牌, 方便本地及外籍人士點餐。雖然供應的食物款式不多, 勝在夠專注, 獲得米芝蓮推介多年, 質量仍能保持水準, 實屬難得。招牌雲吞麵 $38招牌雲吞麵有雲呑3大粒, 蝦肉滿滿, 爽口, 唯接位較厚較硬。麵條份量足又爽口, 雖有極微量鹼水味, 但不影響湯底味道。湯底清甜, 面有少量油, 入口明顯油滑, 亦潤滑了麵條。

ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 今次嗌咗兩個麵，兩個都幾好，鮮牛肉麵有驚喜！1️⃣ 招牌雲吞麵 ($38)雖然得三個雲吞，但粒粒都真材實料💯成個乒乓球咁大，包住嘅蝦又大又彈牙，皮薄滑捋捋，一啖一個冇難度！2️⃣ 鮮牛肉麵($38)本身係為咗雲吞麵而嚟，點知最後居然俾鮮牛肉麵征服咗🤯牛肉切片厚度啱啱好，同埋唔係煮到全熟，上枱時仍可見到牛肉微微透紅，咬落軟腍嫩滑，好慶幸本住咩都試嘅精神，有嗌到冇走寶😙ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 惟一唔好就係一食完就會俾侍應趕走，同埋坐位比較淺窄，不過見在喺中環都淨係38蚊，打和！

男友好想試下沾仔記既雲吞麵，原以為要等位先內進，始終公眾假期嘛，又要下午3點幾tea time, 怎知又不用，於是即刻入去食返碗啦。招牌雲吞麵 - $38內裡有3大粒雲吞，算幾足料有蝦和豬肉，有咬口和彈牙。合格🆗 但係咪應該係4粒會balance 些呢？麵底食第一口，會感覺彈牙，但食食下又不似如期。🙄 其實幾硬身⋯而湯底味道唔夠，欠缺鮮甜大地魚味😐 並非預期中的味道😐米芝蓮食店，會有它可取之處，人人口味不一嘛。咁店店內職員普遍態度和藹，有禮貌的。😉😇

經過斜路轉入小街就見倒沾仔記，雖然擁有米芝蓮殊榮，不過就唔算多人，中式嘅設計充分表現傳統特色。menu 好簡單，一眼睇晒。點咗餐3mins 就有野食，超高效率，雲吞三粒，麵都偏少，男士應該唔夠飽，蝦幾彈牙，配自家製辣椒油幾唔錯。飲品方面無港人最愛嘅即沖檸茶，奶茶，主要係罐裝同紙包飲品😅。

沾仔記係陪着大部份人成長！由細食到大！沾仔記由細過番學既時候食20幾蚊一碗。而家賣到30幾蚊一碗。。依然大排長龍大家都為咗要一試沾仔記嘅雲吞麵！雲吞超級大粒！用料豐富！絕對冇偷工減料！👍👍👍👍而且麵冇鹼水味！呢樣真係好難得！普通的雲吞麵的鹼水味非常重！而且亦冇味精！食完唔會好口渴！雖然而家有分店。。但都係覺得總店嘅味道好食啲！雖然要排隊等！但都堅持食總店！沾仔記的雲吞真係一定要試下！食咗返尋味！

今日五點幾，未到食飯時候，路經此地 ，見到沾仔記好多米之蓮推介嘅報道，所以入咗去食裝修好有中國傳統茶樓嘅風格，木枱木凳同啲燈籠相映成趣，可以影下ig相叫咗招牌雲吞麵同陵魚球河粉， 加多支豆漿，總共$66招牌雲吞麵每粒雲吞都好大粒，好多蝦肉，好足料，好好食可能因為加左喼汁嘅原因，個湯好鮮味，啲麵都冇鹼水味陵魚球河粉有兩粒陵魚球，好大粒，但係河粉serve 個震已經浸得有點太淋 加上吸水吸得好快 所以啲湯唔夠， 湯本身都唔夠雲吞麵個湯咁好食甘鮮味。兩個面嘅份量差唔多 女仔黎講岩岩好 男仔就未必夠有個加分位：見到個廁所好濕，可能因為啱啱洗完廁所 所以個廁所好乾淨👍🏻侍應好有禮貌，會等人走咗先執夾枱👍🏻總結：係中環地區 呢個價錢食到呢個質素都算係超值，未好味到會突登去食既境界，但經過既話會再食

臨近節慶期間去中環慶祝下見差唔多時間剛夠鐘要醫肚便便地又就腳揀沾仔記啱曬·好好彩又唔洗排隊人雖多逼住排排坐但這就是香港風味·<招牌鮮蝦雲吞麵> 先飲一啖湯勁清甜主角雲吞有三大粒有不少於四隻蝦仁再包住新鮮豬肉碎哇！超級彈牙呀！真係皮薄餡靚😍生麵好爽口～最緊要無鹼水味👍🏻·<招牌鮮蝦雲吞鮮牛肉麵> 專登叫左一個雙拼麵估唔到牛肉果然夠鮮份量好多且肉質嫩滑鮮蝦雲吞當然唔少得好味！🤤·<總結>韓國國民主持劉在錫一晚連吃三碗雲吞麵後來先知雲吞麵係香港必食如果問我都會推介雲吞麵😆特別係一定推薦沾仔記！

想喺中環食到便而且又好食嘅嘢好難，不過唔咪無嘅，沾仔記就係個最好選擇啦。話說自己好耐都無嚟食雲吞麵啦，雖然好多人都話大不如前，不過都仲係想嚟食，食翻下嗰份回憶。嗰晚9:15PM 去到，都仲係排曬大隊，想食好西無計啦。終於到我哋啦，凳都未坐暖，阿姐即刻走埋嚟問食乜，有效率到嚇親 .... 咁 "唔該，一個雲吞麵同一個雙併麵" 。啲麵同阿姐一樣都係快手快腳，哩頭先落咗單，嗰頭碗麵就極速到面前，駛唔駛快成咁啊？ - 招牌雲吞麵（$29）一碗雲吞麵裡面有三大粒好似乒乓波大細嘅雲吞，都仲係俾足曬料你。飲咗啖湯，好夠味（食完之後覺得好頸渴，有味精嘅嫌疑）；大大啖吮咗幾條麵，麵幼而且無鹼水味；雲吞皮薄餡靚，要分兩啖先食得曬，ummm ... 大大隻鮮蝦，爽口彈牙，正！ - 雙併麵（鯪魚球+鮮牛肉）/ （$35）拳頭咁大粒嘅鯪魚球，雖然大粒，但依然咁爽口彈牙，魚肉份量足而且無腥味；鮮牛肉嫩到無朋友，一啲都唔會韌，好味！

由於本人嘅契爺好鍾意食雲吞麵，所以今日下午我們去咗中環威靈頓街嘅「沾仔記」買外賣自取去畀契爺食！我們買咗碗他們嘅招牌雲吞麵，麵質非常爽口彈牙，而且相當幼身，雲吞嘅皮好嫩滑薄身，蝦肉相當爽甜彈牙，豬肉嘅份量唔會好多，所以唔會有好油膩嘅感覺，而且都幾大粒，湯底嘅味道好鮮甜！另外！值得一讚嘅係雖然我們祇係買咗一碗雲吞麵，但其中一位店員大姐嘅服務態度超親切有禮同笑容滿面咁不不斷同我們講話多謝晒，食過覺得好食嘅話，下次再嚟幫襯吖！

去完開會 一直未食野 (5點半)每次來親 中環都會食碗 沾仔記 雲吞麵順帶一提 佢星期日公眾假期 全日下午茶XD 超抵食入到去 啊姐已經過來 好友善坐低唔諗就叫碗 雲吞麵 豆漿 $17 + 5等左唔夠2分鐘 已經有得食 個人中意落D辣椒油 同埋醋 (唔好話我浪費 原汁原味XD)正~一碗3粒大雲吞 正^^咬落去 大大隻蝦 D麵底又夠 一碗食落去 夠曬飽啊好怕飲到D豆漿煮唔透 生豆味或者有怪味 =.="呢度D豆漿 唔會太甜 gd 食飽飽滿足啊~~

招牌雲吞麵 :3大粒雲吞, 一大碗上湯面每粒雲舌足料彈牙 ,完全唔腥既蝦唔小心飲到d涉底, 令我不期然咁係咁食落去 =0=秘製牛肉麵 :牛肉牛肉好多好多片 !! 好林,唔un ,讚晒 沙牛面餐平時都 $24蚊啦 ,牛肉仲要得幾塊,e家16蚊晒 ... 真係物超所值架 ,haha