喜滿樓菜館

营业中

休息中

同班中學舊同學飯聚，我們有11人，雖然話隱世，但其實識路就好易去到何文田站出口高山道直行，好快就見到喜滿樓的招牌。入到去座無虛席超旺埸，大大聲講野都唔驚。食物方面，芝麻雞和炸子雞外皮夠脆唔油膩，肉質嫩滑唔膩。西蘭花炒東星斑片，大大件東星斑。招牌欖角骨絕對值得一讚，一字骨肥瘦適宜。黑椒茄子牛柳，蒜頭配料太多 ，可以改善。椒鹽蝦係我最鍾意，外脆內軟，脆得唔油。黄金凉瓜更是香口，食落唔覺苦。最後食了新加坡炒蟹，味道無得彈，酸辣恰到好處。今次飯局各位都滿意，下次再來。

前晚訂了位跟屋企人夜晚去喜滿樓食飯。首先講下個餐廳環境，樓上大廳都干淨的，唔似一般茶記或酒樓咁亂，再講下食物，小菜款式多味道唔錯，尤其是新加坡酸辣炒蟹，非常惹味，酸甜帶辣，非常特別。加上洋蔥和疍花配料煮得香口惹味，味道值比高分，不用去到新加坡食了。鮮菠蘿咕嚕肉，用既汁濃，咬落肉質豐滿，口感足。芝麻雞皮很脆，蜜椒鱔球食落似燒鰻魚，脆卜卜。埋單2百蚊內落到樓，而個價錢同埋食品都可以成到正比，值得我地下次都再黎試下其他菜式。