新德里餐廳

营业中

休息中

一直有聽聞重廈大廈的印度菜非常出色，難得今次有朋友推介，終於可以試一試了。首先一進重慶大廈已經有非常多人很熱情的跟你招手急著遞宣傳單張給你。今次我們要試的就是這一家了。我們一共七個人，選了幾個菜，不得不試的當然是咖哩和烤餅。我們點了椰汁咖哩燴魚（中辣），蘑菠菜芝士（小辣）和為不嚐辣的朋友而點的香濃腰果汁燴羊肉，配上芝士烤餅，再叫了一個新德里特式炒飯和蘑菇印度黃飯。飲料方面，咸乳酪比較特別，芒果和士多啤梨乳酪也不錯，但喜歡乳酪味較重的就要試一試甜乳酪。最受朋友歡迎的是蘑菠菜汁和有拉絲的芝士烤餅。另外可能因為我們去的那天人客比較多，所以上菜比較慢，如果趕時間或餓着肚子去的朋友要注意一下～

其實一路都想黎重慶大廈食嘢，但次次都話呢度好危險，女仔唔好黎，但自從係尖沙咀返工後，覺得咁近都唔黎咪好傻豬，於是搵左一日Lunch同同事黎到重慶大廈三樓既新德里餐廳食嘢。重慶大廈咁多印度咖哩點解偏偏揀呢間？無他既，網上Search到話連日本雜誌都評呢間係全港最好食既咖哩嘛！咁係咪最好食都要食左先知既。一入到去餐廳，充滿印度風情既音樂加埋藍藍既燈光有種昏眩既感覺。我地三個女仔坐低，印度店員就送左碟印度脆餅加蘸汁俾我地，d汁好似Washabi架埋d檸檬、乳酪既味道，怪怪地，我就食唔慣啦。我地三個女仔Order左新德里特式炒飯、瑪莎拉烤雞、燒烤五香雞件同埋芝士烤餅。特式炒飯略平凡，就係d雜菜啊，蛋啊，豆角炒埋，睇唔出幾特色，但印度米比較長條，食落去口感較乾身，都OK啦！另外係瑪莎拉烤雞，話係烤雞，其實成碟好Juicy好多汁，紅卜卜咁食落去其實應該都係咖喱黎，我覺得，齋食係重口味既，要配埋個芝士烤餅，烤餅蘸瑪莎拉汁，幾惹味。烤餅係印度叫Naan，有好多味，個人推介芝士位同蒜蓉味，圖中係芝士Naan，可以見到入面有少少Cheese，增加左鹹味，但其實就咁食一定寡，一定要蘸咖喱。最後重點推薦佢地個

昨天晚上同兩個朋友慶祝生日,我們七個人,因為訂左7:30pm,有三個朋友要遲些先到,我們四個就先上去,未夠7:30pm,餐廳都有好多位,我們就俾安排坐在餐廳最裏面的位置,跟住過左十分鐘左右,開始多人,仕應問左我們幾次有幾人及可否先點食物因人越嚟越多,但我們另外的三位朋友還未到,跟住我們打算先點幾樣,但仕應說要一次過落點的,後尾又過左一陣,仕應說安排另一張枱給我們,因我們坐的是八人枱,他就安排我們坐返出去出面,一張六人枱加多一張櫈,這個位置較近廚房,所以好大味道.我們就叫了以下食物:胡辣脆薄餅-是送的,都有七八塊,好薄的一片,都好味呀,辣辣地幾特別素咖喱角-每人一個,我好鍾意食,有些咖喱,薯仔蓉係入面,有些肉,豆之類,好好味呀新德里特式炒飯-好味呀,飯炒得好乾身,有些肉,我諗係羊肉,有些豆,香香地但唔辣的新德里特式烤餅-呢個甜甜地,燶燶地,有三大塊的,都好味呀蒜蓉烤餅-好味,好香蒜蓉味,又係三大塊的,我們後尾再加了一客烤餅原味-普通冇咩味道,但都好味腰果汁蝦-d汁都幾得意呀,d蝦好爽口好味新德里特式燴羊肉-呢個好香,d羊唔酥,d汁好味椰汁咖喱雞-都好味呀,少少椰汁味不算好濃飲品:芒菓乳酪