グリル滿天星

营业中

休息中

初初開業時已經想試，不過個時又多人又要排得耐，加上有好多comment都話佢普通，所以就冇去到試🙈過左一排人氣已過，又見有youtuber 介紹話比剛開業有進步，所以就決定一試🤩！叫左2個蛋包飯同1個甜品，本身想試埋蟹肉餅🦀，不過太飽了#滿天星肉汁漢堡扒蛋包飯 🥩🥚🍛上枱時職員會介紹有2款汁，一款係肉汁配漢堡扒既，一款係蕃茄肉汁配蛋包飯食既👍🏻漢堡扒有肉汁，肉質唔鞋唔柴。🥚蘭王蛋整既滑蛋望落真係好橙黃色，微微蛋香，少少滑但未去到入口即溶咁誇張。蛋漿加左啲蝦粒同帶子粒🦐，會令整體食落冇咁漏🤩係較少見既細位👍🏻好多人講入面啲飯較濕同淋會一舊舊，所以都冇乜期望🤣不過今餐既飯都冇太濕同淋既問題，可能少人啲，啲品質控制好啲🤔呢個係蕃茄味既飯底。HKD238#日式咖喱炸蝦蛋包飯 🍤🥚🍛3隻炸蝦有手掌咁長，吉列皮夠脆但未係鬆脆，蝦肉夠飽滿，唔會皮多過肉，都唔會太油👍🏻點咖喱汁食都好食！都係有蝦粒同帶子粒既蘭王滑蛋，入面係咖喱味既飯底入面仲加左提子乾解膩。日本咖喱正正常常，冇乜辣味又唔會係太甜個啲，似係平時買包裝既少辛咖喱味道🤣HKD178#日式梳乎厘班戟 🥞要2:30pm後先供應既梳乎厘pancak

近排呢間日本過江龍成為城中熱話，因為一個蛋包飯要$200以上😱，好奇心驅使之下，我同女友決定試下佢地既蛋包飯。平日餐廳仍然大排長龍，最後等左十五分鐘就可以入座。餐廳燈光十足，職員安排我地坐卡位，舒適度十足。其他座位就比較迫。- 滿天星肉汁漢堡扒蛋包飯餐廳採用蘭王蛋，成本價已經大大提升🤑。滑蛋顏色偏向橙色，蛋香濃郁，另外加入蝦仁同帶子一齊炒，口感更加豐富😋。滑蛋下面係香氣滿溢既炒飯，漢堡扒好厚身，口感鬆化，肉汁非常多👍🏻- 日式咖喱吉列豬扒蛋包飯咖哩汁香甜帶微辣，加上香濃既滑蛋，整體好惹味😝，滑蛋下面同樣係香氣滿溢既炒飯。至於豬扒幾厚身，肉質鬆軟，外皮炸得金黃，而且無皮肉分離😍- 忌廉蟹肉餅外皮酥脆，入面非常綿滑，配上茄汁味道一流😋。旁邊仲有蔬菜同薯仔沙律。- 日式梳乎厘班戟梳乎厘班戟即叫即整，唔知餐廳係咪一樣採用蘭王蛋，蛋香非常濃厚，面層淋上楓糖已經好足夠，楓糖牛油有啲過甜。梳乎厘入口即溶，不過略嫌唔夠挺身🤔整體而言，食物質素係高水準既，不過價錢真係有啲貴，間唔中奢侈一下都無妨🤣

琴日咁啱清大假，個朋友話早排海港城開咗間過江龍專食蛋包飯嘅。見到條隊都有啲長，平日都要排隊，真係有啲想走。好彩RECEPTION 小姐態度OKAY 不時出嚟了解情況，最後排咗4個字左右就可以去。睇到個MENU 樣樣野都好吸引，叫咗個蒲燒鰻魚蛋包飯，同個梳乎厘PANCAKE同個朋友SHARE 嚟食。上菜速度都幾算快，同朋友傾咗一陣計，個鰻魚飯就上到。個飯要成二百幾蚊，但係當我見到鰻魚好大條，又好入味，
啲鰻魚汁唔會太咸，就覺得都值呢個價嘅。
飯係炒飯底，呢方面做得幾出色。唔會太乾身又唔會太濕。落單時，職員有提醒過梳乎厘PANCAKE需要時間製作。食完個飯時間就啱啱好到，梳乎厘份量好大份，好彩食甜品係第二個胃。梳乎厘入口有蛋香味，口感棉棉整體嚟講都唔錯，雖然價錢有啲啲貴，不過食物質素都算係水準之上，
我諗間中獎勵下自己都食得過嘅。