牛極 (皇后大道東）

营业中

休息中

喺公司附近嘅牛極一向人氣極高，午飯時間經過長期都係大排長龍狀態，排完隊應該唔係好夠時間食⋯所以今日收工就約左同事坐低慢慢歎。坐低先發現原來舖頭比想像中大，而且仲有個自助區供應無限任添白飯、湯、沙律等等。另外餐廳都準備左即棄圍裙唔怕彈到成身油，好貼心🧡-等緊主食上枱嘅時候先試左個日式牛肉湯，味道濃郁有啲似羅宋湯，仲有一塊塊牛肉同洋蔥好足料，啱口味忍唔住再添飲左碗😋-🐮牛柳200g $110呢度嘅石燒牛會由師傅先煎至一成熟，再放係高達攝氏300度嘅火山石板上比客人自己燒，可以按個人喜好決定想食生啲定熟啲。厚厚嘅牛柳口感軟腍又多肉汁，配上三款調味包括自家製燒肉汁、辛味芥末燒汁同蒜蓉送飯一流❣️-🐥日式雞扒 $55雞扒相信上枱嘅時候已經熟咗，不過再燒一陣肉質都好嫩滑而且大大塊勁抵食❣️唔食牛嘅朋友都絕對推介可以嚟試吓呢個雞扒，或者仲可以簡鰻魚/黑豚腩片～-總結：主食唔太貴仲可以任添白飯配菜，味道不錯，性價比高。

公司附近有間石燒牛專門店牛極，今日約埋同事仔黎個石燒牛快吃。食客首先係門口自助購票點餐，購票後餐廳店員會安排入座收飛等吃。呢間石燒專門店應該係走高CP路線，一份足200g既牛柳都只收💲110已經可以有齊主菜同任添任食既日式珍珠米飯、湯同日式沙津，保證食得飽飽。因為走性價比路線，所以除左主菜外其餘野都係全自助，水、餐具同醬料甚至貼心圍裙仔都可以任意自取，非常方便。以同類小店黎講，灣仔牛極算係幾大間，網上仲可以訂位好方便。.因為唔太餓，所以同同事分享一份牛柳同雞扒。.牛柳200g 💲110⭐️3.8/5牛扒根據份量定價，兩個女仔怕食唔哂所以叫咗最細份既200g小試牛刀。石燒板非常之熱，上枱嘅時候牛柳冒大煙。餐廳會將牛柳處理到約2-3成熟，食客再根據自己嘅喜好用石板加熱到自己喜歡嘅生熟度。牛柳肉質非常之嫩滑，用刀輕輕一切就開。石燒夠熱可以保留牛柳中間肉汁，不錯。.日式雞扒 💲55⭐️3.7/5日式雞扒大塊鮮嫩，不同於牛扒，上檯前已經煎到全熟，香氣四溢。以半任食形式來計價錢都幾實惠，CP值高。.總結：定價同質素合理CP值高，難怪Lunch Hour 經常座無虛席。