焼き鳥。来 (已結業)

喺太子大南街附近同朋友食完晚飯，意猶未盡咁行下傾下計先🤣見到有間日式串燒店，燒到好香吸引，忍唔住要外賣幾串返屋企食🐷厚切牛舌(2PCS) $48————————————果然係厚切牛舌，正呀，面層灑上鹽同胡椒等調味，非常入味，口感脆彈、有嚼勁，唔會過韌，韌度剛剛好！真係好出色嘅燒牛舌。日本雞皮串 $15————————————係保持雞皮煙韌嘅燒法，口感勁正，又保留到雞皮邪惡到爆嘅油脂，燒得剛剛出，啲雞油味逼晒出嚟又唔會有燶味👍🏼日本雞肝串 $18————————————大大嚿雞肝，燒得剛好，入口有點粉粉地嘅感覺，一細啖已經好濃味。

呢間街頭日式串燒店，灰銀色設計好cyber feel，由地鐵站行過嚟，遠遠已聞到陣陣香味，吸引咗我外賣了好幾次回家食。食過n次，一次過分享我嘅必食推介o(^▽^)o🍢 紫蘇無骨雞中翼(HK$25)．外表脹卜卜，燒烤得皮脆肉滑，多汁，咬一啖，不只是啖啖雞肉，仲有勁重紫蘇葉味，原來中心有好多嘅碎紫蘇葉❤️🍢 日本雞心串 (HK$18)．厚實而軟心，雖然細粒咗啲．塗咗2-3層的醬汁，好入味😋🍢 日本雞腎串(HK$18)．厚實而爽脆，調味得宜🍢 日本雞肝串(HK$18)．厚實而有些少粉口，適量的醬汁和調味，一啲都唔腥🧀 芝士竹輪魚蛋(HK$18)．軟彈口感，竹輪中間有焦香的芝士餡🤤🍍 焦糖燒菠蘿 (HK$18)．見師傅先灑上啡黃色嘅糖，之後用火槍燒烤菠蘿，令每一粒菠蘿都有甜甜的焦香，燒熟咗嘅菠蘿也特別甜蜜😋

好耐冇食串燒🍢啦，咁岩經過太子，見到有間新開冇耐既串燒店 ， 離遠處巳經聞到係空氣中彌漫住嘅燒烤香味，相當誘人，所以試一試佢。🤔係等待食物期間，見到老闆同店員都係即點即燒，非常用心製作（無意中見到佢地會親自試食同點評）可見店家對食物質素相當有要求！👍另外，店員老闆都好友善，臨走前仲好細心提點可加d辣椒粉🌶，味道會更豐富。其實今次點嘅都好好食，不過我地最愛同最推薦係：🐠赤魚一夜干 $53平時唔鐘意食魚，都覺得佢好高質，燒個陣有被驚嚇到，佢真係一大塊魚😳咁燒，差唔多成個手掌咁大嫁，一大淡咬落去，超滿足。條魚燒得好靚，個魚皮係燒到金黃色🟡，脆卜卜，魚肉🐟細膩，極之嫩滑，完全保留到魚肉水份，好鬼正 。雖然表面只係加左少少既鹽，但食落巳經好有魚鮮味，一啲都唔會腥，除左有少少魚骨，整體係好出色。🤗🐣日本雞肝串$16雞肝燒得勁香口，口感好細嫩，燒完雞肝味好出，加埋佢個特調醬汁，甜甜咸咸，真係好夾好正呀😋。如果食得辣，極度建議加辣粉，味道係更上層樓呀。鐘意食雞肝嘅朋友 ，必點！配個啤酒🍻，一流！🍍焦糖燒菠蘿$18燒菠蘿可以話係爆汁，酸酸甜甜，仲可以解油膩感，對佢完全冇抗拒力。🥰🥰🐔日本燒雞皮$13雞皮